لاویان 8

¹څښتن حضرت موسیٰ ته وفرمایل:

³بیا ټول قوم د مقدسې خېمې د دروازې خوله ته راغونډ کړه.>

⁴حضرت موسیٰ د څښتن امر په ځای کړ او کله چې قوم راغونډ شو

⁵هغه ورته وفرمایل:

⁶بیا حضرت موسیٰ حضرت هارون او د هغه زامن راوستل او غسل یې ورباندې وکړ.

⁷هغه حضرت هارون ته کمیس او چپنه واغوستل، د هغه په ملا باندې یې یوه پټۍ وتړله او مقدس پېشبند یې ورباندې واچاوه او هغه یې په هغه ښه اوبدل شوي کمربند باندې وتاړه چې د هغه د ملا څخه تاو ؤ.

⁸د هغه په سینه باندې یې سینه پوښ وتاړه او په هغه کې یې اوریم او تمیم کېښودل.

⁹لکه څنګه چې څښتن په حضرت موسیٰ باندې امر کړی ؤ، هغه حضرت هارون ته لونګۍ ور په سر کړه او د هغې په مخه کې یې د سرو زرو ګل یعنې د وقف کولو پاک نښان کېښود.

¹⁰بیا حضرت موسیٰ د مسح کولو تېل واخیستل او هغه یې په خېمه او ټول شیان چې په هغې کې وو په هغو باندې وشیندل او په دې ډول یې هغه ټول څښتن ته وقف کړل.

¹¹هغه لږ تېل واخیستل او اووه ځلې یې په قربانګاه باندې وشیندل او قربانګاه یې د لوښو او تشت سره چې پایه یې درلودله مسح کړه چې څښتن ته یې وقف کړي.

¹²همدارنګه هغه د مسح کولو لږ تېل د حضرت هارون په سر باندې توی کړل او هغه یې د کاهنۍ د وظیفې دپاره مسح کړ.

¹³بیا لکه څنګه چې څښتن په حضرت موسیٰ باندې امر کړی ؤ، هغه د حضرت هارون زامن مخکې راوستل او هغوی ته یې کمیسونه واغوستل، په ملا ګانو باندې یې ورته پټۍ ګانې وتړلې او خولۍ ګانې یې ورته په سر کړې.

¹⁴بیا حضرت موسیٰ د ګناه د نذرانې دپاره غویی راوست او حضرت هارون او د هغه زامنو د هغه په سر باندې خپل لاسونه کېښودل.

¹⁵حضرت موسیٰ غویی حلال کړ او لږه وینه یې راواخیستله او هغه یې په خپله ګوته باندې د قربانۍ د ځای په ټولو برجونو باندې وسولوله، د دې دپاره چې د قربانۍ ځای مقدس شي. بیا هغه پاتې وینه د قربانۍ د ځای په بېخ کې توی کړه. په دې ډول د قربانۍ ځای پاک شو او هغه د ګناه په خاطر د قربانۍ د نذرانې دپاره یو مناسب ځای شو.

¹⁶همدارنګه حضرت موسیٰ ټوله وازګه چې په کولمو باندې پرته وه، د اینې ډېره ښه برخه او پښتورګي چې وازګه ورباندې پرته وي واخیستل او ټول یې په قربانګاه باندې وسوزول.

¹⁷څنګه چې څښتن امر کړی ؤ هغه پاتې غویی د پوستکي، غوښې او خوشایو سره واخیست او هغه یې د کمپ څخه دباندې وسوزاوه.

¹⁸بیا حضرت موسیٰ د سوزېدونکې نذرانې دپاره پسه راوست او حضرت هارون او د هغه زامنو د پسه په سر باندې خپل لاسونه کېښودل.

¹⁹حضرت موسیٰ پسه حلال کړ او وینه یې د قربانۍ د ځای په څلورو خواو باندې وشیندله.

²⁰هغه پسه ټوټې ټوټې کړ او سر، ټوټې او وازګه یې وسوزول.

²¹څنګه چې څښتن په حضرت موسیٰ باندې امر کړی ؤ، هغه د نس دنننۍ برخې او پښې ومینځلې او ټول پسه یې په قربانګاه باندې وسوزاوه. دا یوه سوزېدونکې نذرانه وه چې بوی یې په څښتن باندې ښه لګیږي.

²²بیا حضرت موسیٰ بل پسه راوست. دا پسه د کاهنانو د ټاکنې دپاره ؤ. حضرت هارون او د هغه زامنو خپل لاسونه د هغه په سر باندې کېښودل.

²³حضرت موسیٰ پسه حلال کړ او د هغه لږه وینه یې واخیستله او د حضرت هارون د ښي غوږ په نرمۍ، د ښي لاس په غټې ګوتې او د ښي پښې په غټې ګوتې یې وسولوله.

²⁴بیا یې د حضرت هارون زامن مخکې راوستل او د هغوی د ښي غوږونو په نرمیو، د ښي لاسونو په غټو ګوتو او د ښي پښو په غټو ګوتو یې لږه وینه وسولوله او پاتې وینه یې د قربانۍ د ځای په څلورو خواو باندې وشیندله.

²⁵هغه وازګه، لم، هغه ټوله وازګه چې په کولمو باندې پرته وي، د اینې ډېره ښه برخه، پختورګي د وازګې سره چې ورباندې پرته وي او ښي ورون واخیستل.

²⁶بیا هغه د فطیرې ډوډۍ له ټوکرۍ څخه چې څښتن ته وقف شوې وه یوه ساده ډوډۍ، یوه غوړه ډوډۍ او یوه نرۍ ډوډۍ راواخیستله او د وازګې او ښي ورون دپاسه یې کېښودله.

²⁷حضرت موسیٰ هغه ټول د حضرت هارون او د هغه د زامنو په لاسونو کې کېښودل او دوی هغه پورته ونیول ترڅو دا وښایي چې هغه څښتن ته وقف شوي دي.

²⁸بیا حضرت موسیٰ دا شیان له هغوی څخه بېرته واخیستل او هغه یې د ټاکنې د نذرانې په توګه د سوزېدونکې نذرانې سره په قربانګاه باندې وسوزول. د داسې نذرانې بوی په څښتن باندې ښه لګیږي.

²⁹بیا حضرت موسیٰ د پسه سینه راواخیستله او د څښتن په حضور کې یې پورته ونیوله ترڅو دا وښایي چې هغه څښتن ته وقف شوې ده. دا د ټاکنې په پسه کې د حضرت موسیٰ برخه وه. حضرت موسیٰ دا ټول کارونه د څښتن د حکم سره سم سرته ورسول.

³⁰حضرت موسیٰ لږ د مسح کولو تېل او لږه وینه چې په قربانګاه باندې پرته وه واخیستل او په حضرت هارون، د هغه په زامنو او د هغو په کالیو باندې یې وشیندل. په دې ډول یې هغوی او د هغوی کالي څښتن ته وقف کړل.

³¹حضرت موسیٰ هارون او د هغه زامنو ته وفرمایل:

³²کومه غوښه یا ډوډۍ چې پاتې شي هغه وسوزوئ.

³³تاسو به اووه ورځې د خېمې د دروازې له خولې څخه نه ځئ ترڅو پورې چې ستاسو د ټاکنې مراسم پوره شوي نه وي.

³⁴مونږ چې نن کوم کار وکړ څښتن د هغه د کولو حکم مونږ ته کړی ؤ، د دې په خاطر چې ستاسو د ګناه دپاره کفاره ادا کړو.

³⁵تاسو باید د مقدسې خېمې د دروازې په خوله کې اووه شپې او اووه ورځې پاتې شئ او هغه کار به کوئ چې څښتن یې امر کړی دی. که چېرې داسې ونه کړئ نو مړه به شئ. ځکه چې څښتن په ما باندې داسې امر کړی دی.>

³⁶نو حضرت هارون او د هغه زامنو ټول کارونه د څښتن د هغه حکم په مطابق وکړل چې د حضرت موسیٰ په وسیله یې کړی ؤ.