لاویان 9

¹د کاهنانو د ټاکنې د مراسمو څخه وروسته حضرت موسیٰ په اتمه ورځ حضرت هارون او د هغه زامن او د اسراییلو مشران راوغوښتل.

²هغه حضرت هارون ته وفرمایل:

³بیا د اسراییلو خلکو ته ووایه: یو وز د ګناه د نذرانې دپاره واخلئ. یو خوسی چې یو کلن وي او یو وری چې یو کلن وي او هیڅ عیب په کې نه وي، د سوزېدونکې نذرانې دپاره واخلئ

⁴او یو غویی او یو پسه د سلامتۍ د نذرانې دپاره. هغوی دې دا د څښتن په حضور کې د غلې دانې د نذرانې سره چې تېل ورسره ګډ وي قرباني کړي. هغوی باید دا کار وکړي ځکه چې څښتن به نن هغوی ته ورښکاره شي.>

⁵نو هغوی ټول شیان د حضرت موسیٰ د حکم سره سم د مقدسې خېمې مخې ته راوړل او ټول قوم د څښتن د عبادت دپاره هلته راغونډ شو.

⁶حضرت موسیٰ وفرمایل:

⁷بیا حضرت موسیٰ هارون ته وفرمایل:

⁸نو حضرت هارون د قربانۍ ځای ته لاړ او د ځان دپاره یې د ګناه د نذرانې په توګه خوسی حلال کړ.

⁹د هغه زامنو هغه ته وینه راوړله او هغه خپله ګوته په وینه کې غوټه کړه او له هغې څخه یې لږه د قربانۍ د ځای په برجونو باندې وسولوله. پاتې وینه یې د قربانۍ د ځای په بېخ کې توی کړه.

¹⁰لکه څنګه چې څښتن په حضرت موسیٰ باندې امر کړی ؤ، هغه په قربانګاه باندې د ګناه د نذرانې څخه وازګه، پختورګي او د اینې ډېره ښه برخه وسوزوله.

¹¹مګر غوښه او پوستکی یې د کمپ څخه دباندې وسوزول.

¹²حضرت هارون هغه حیوان حلال کړ چې د هغه د خپلې سوزېدونکې نذرانې دپاره ؤ. هغه ته خپلو زامنو وینه راوړله او هغه دا وینه د قربانۍ د ځای په څلورو خواو باندې وشیندله.

¹³هغوی حضرت هارون ته سر او د حیوان نورې ټوټې ورکړې او هغه یې په قربانګاه باندې وسوزول.

¹⁴هغه د نس دنننۍ برخې او شاتنۍ پښې ومینځلې او په قربانګاه باندې یې د سوزېدونکې نذرانې دپاسه وسوزولې.

¹⁵بیا حضرت هارون هغه نذرانه راوړله چې د قوم دپاره وه. ده هغه وز چې د قوم د ګناه دپاره ؤ حلال کړ او هغه یې د ګناه د نذرانې دپاره وړاندې کړ، لکه څنګه چې هغه د خپلې ګناه دپاره وړاندې کړی ؤ.

¹⁶همدارنګه هغه سوزېدونکې نذرانه راوړله او هغه یې د مقرراتو په مطابق وړاندې کړه.

¹⁷بیا یې د غلې دانې نذرانه وړاندې کړه، له هغې څخه یې یو موټی واخیست او هغه یې په قربانګاه باندې برسېره پر هغې سوزېدونکې نذرانې چې هر سهار تیاریږي وسوزاوه.

¹⁸حضرت هارون غویی او پسه د قوم دپاره د سلامتۍ د نذرانې په توګه حلال کړل. د هغه زامنو هغه ته وینه راوړله او هغه دا وینه د قربانۍ د ځای په څلورو خواو باندې وشیندله.

¹⁹هغوی د غویي او د پسه وازګینې برخې، لم، د وازګې پرده، پختورګي او د اینې ډېره ښه برخه واخیستل

²⁰او هغه یې د حیواناتو په سینو باندې کېښودل او بیا حضرت هارون وازګه په قربانګاه باندې وسوزوله.

²¹څنګه چې حضرت موسیٰ امر کړی ؤ، حضرت هارون د هغو حیوانات�� سینې او شاتنۍ ښي پښې څښتن ته پورته ونیولې ترڅو دا وښایي چې هغه څښتن ته وقف شوې دي.

²²کله چې حضرت هارون د قربانیو مراسم سرته ورسول، نو خپل لاسونه یې د قوم خواته پورته ونیول او برکت یې ورته ورکړ او د قربانۍ د ځای څخه راکوز شو.

²³حضرت موسیٰ او حضرت هارون مقدسې خېمې ته ورننوتل. کله چې هغوی راووتل، قوم ته یې برکت ورکړ او د څښتن جلال ټول قوم ته ښکاره شو.

²⁴د څښتن له حضور څخه اور نازل شو او سوزېدونکې نذرانه او وازګینې برخې یې په قربانګاه باندې وسوزولې. کله چې ټول قوم هغه ولیدل نو د خوشالۍ چیغې یې ووهلې او په سجده شول.