متى 1

¹د عیسی مسیح شجره چې هغه د داود پاچا د کورنۍ او د ابراهیم د اولادې څخه ؤ.

²ابراهیم د اسحاق پلار ؤ او اسحاق د یعقوب پلار ؤ او یعقوب د یهودا او د هغه د ورونو پلار ؤ

³او یهودا د فارز او زارح پلار ؤ چې مور یې تامار وه او فارز د حزرون پلار ؤ او حزرون د آرام پلار ؤ

⁴او آرام د عمیناداب پلار ؤ او عمیناداب د نحشون پلار ؤ او نحشون د شلمون پلار ؤ

⁵او شلمون د بوعز پلار ؤ چې مور یې راحاب وه او بوعز د عوبید پلار ؤ چې مور یې روت وه او عوبید د یسي پلار ؤ

⁶او یسي د داود پاچا پلار ؤ.داود د سلیمان پلار ؤ او د سلیمان مور د اوریا پخوانۍ ښځه وه.

⁷او سلیمان د رحبعام پلار ؤ او رحبعام د ابیا پلار ؤ او ابیا د آسا پلار ؤ.

⁸آسا د یهوشافاط پلار ؤ او یهوشافاط د یورام پلار ؤ او یورام د عزیا پلار ؤ.

⁹عزیا د یوتام پلار ؤ او یوتام د آحاز پلار ؤ او آحاز د حزقیا پلار ؤ

¹⁰او حزقیا د منسي پلار ؤ او منسي د آمون پلار ؤ او آمون د یوشیا پلار ؤ.

¹¹یوشیا د یکنیا او د هغه د ورونو پلار ؤ. په دې وخت کې یهودیان څپرکیل ته جلاوطن شوي وو.

¹²څپرکیل ته د یهودیانو د جلاوطنۍ نه وروسته یکنیا د شالتي ییل پلار ؤ او شالتي ییل د زروڅپرکیل پلار ؤ

¹³او زروڅپرکیل د آبیهود پلار ؤ او آبیهود د ایلیاقیم او الیاقیم د عازور پلار ؤ

¹⁴او عازور د صادوق پلار او صادوق د یاکین او یاکین د ایلیهود پلار ؤ

¹⁵او ایلیهود د العازار پلار او العازار د متان پلار ؤ او متان د یعقوب پلار

¹⁶او یعقوب د یوسف پلار ؤ چې یوسف د مریمې مېړه ؤ او مریم وزېږاوه عیسی چې مسیح به یې ورته ویل.

¹⁷نو په دې ډول د ابراهیم څخه تر داود پورې څوارلس نسلونه او د داود څخه څپرکیل ته د یهودیانو د جلاوطنۍ تر وخته پورې څوارلس نسلونه او د جلاوطنۍ د وخت څخه تر مسیح پورې څوارلس نسلونه کیږي.

¹⁸د عیسی مسیح زېږېدنه داسې وه: کله چې د هغه د مور مریم کوژدنه د یوسف سره وشوه نو مخکې له دې چې د هغوی واده وشي، معلومه شوه چې هغه د روح القدس په وسیله امیدواره وه.

¹⁹یوسف چې یو نېک سړی ؤ او نه یې غوښتل چې مریم د خلکو په مخ کې رسوا شي، نو پرېکړه یې وکړه چې په پټه هغې ته طلاق ورکړي.

²⁰یوسف لا په دې هکله فکر کاوه چې د څښتن یوه فرښته ورته په خوب کې ښکاره شوه او ویې ویل: «ای د داود زویه یوسفه! د مریم سره د واده کولو نه مه وېرېږه، ځکه چې هغه د روح القدس په وسیله امیدواره شوې ده.

²¹د هغې به زوی وشي او ته ورباندې عیسی نوم کېږده، ځکه چې هغه به خپل قوم د ګناهونو څخه وژغوري.»

²²دا هرڅه ځکه وشول، ترڅو څه چې څښتن د خپل پیغمبر په وسیله ویلي وو هغه رښتیا شي:

²³ګورئ، یوه پېغله به امیدواره شي او هغه به یو زوی وزېږوي او هغوی به په هغه باندې عمانوییل نوم کېږديچې معنی یې ده: «خدای زمونږ سره مل دی.»

²⁴کله چې یوسف له خوبه راویښ شو نو څنګه چې د څښتن فرښتې ورته حکم کړی ؤ هماغسې یې وکړل او د مریم سره یې واده وکړ.

²⁵خو تر هغې پورې چې د هغې زوی پیدا شوی نه ؤ یوسف ورسره یوځای نه شو او یوسف په هغه باندې عیسی نوم کېښود.