شمېر 1

¹د مصر څخه د اسراییلو د قوم د راوتلو څخه وروسته د دوهم کال د دوهمې میاشتې په اوله ورځ کله چې څښتن د حضرت موسیٰ سره د سینا په دښته کې په مقدسه خېمه کې خبرې وکړې هغه وفرمایل:

³چې عمر یې شل کاله یا زیات وي او جنګ کولی شي.

⁴د هرې قبیلې د طایفې د یو مشر څخه مرسته وغواړئ.

⁵دا د هغو مشرانو نومونه دي چې تاسو سره باید مرسته وکړي:د روبین له قبیلې څخه الیصور د شدیئور زوی

⁶د شمعون له قبیلې څخه شلومیئیل د صوریشدای زوی

⁷د یهودا له قبیلې څخه نحشون د عمیناداب زوی

⁸د یساکار له قبیلې څخه نتنائیل د صوغر زوی

⁹د زبولون له قبیلې څخه الیاب د حیلون زوی

¹⁰د حضرت یوسف له زامنو څخه:د افرایم له قبیلې څخه الیشمع د عمیهود زوید منسي له قبیلې څخه جملیئیل د فدهصور زوی

¹¹د بنیامین له قبیلې څخه ابیدان د جدعوني زوی

¹²د دان له قبیلې څخه اخیعزر د عمیشدای زوی

¹³د اشیر له قبیلې څخه فجعیئیل د عکران زوی

¹⁴د جاد له قبیلې څخه الیاساف د دعوئیل زوی

¹⁵د نفتالي له قبیلې څخه اخیرع د عینان زوی.>

¹⁶دا خلک قبیلوي مشران وو چې د اسراییلو د قوم څخه د دې کار دپاره وټاکل شول.

¹⁷د دې دولسو نفرو په مرسته حضرت موسیٰ او حضرت هارون

¹⁸د دوهمې میاشتې په اوله ورځ ټول قوم راوغوښت. خلکو خپل نومونه طایفه په طایفه او کورنۍ په کورنۍ ولیکل او هغه نفر چې عمر یې شل کاله یا زیات ؤ د هر یو نوم په لست کې ولیکل شو.

¹⁹څنګه چې څښتن په حضرت موسیٰ باندې امر کړی ؤ، هغوی یې د سینا په دښته کې وشمېرل:

²⁰-

⁴⁶ټول نفر چې عمر یې شل کاله یا زیات ؤ او جنګ یې کولی شو نومونه یې په لست کې ولیکل شول. د هر یو نوم د خپلو طایفو او کورنیو د سوانحو په مطابق ولیکل شو او د حضرت یعقوب د مشر زوی روبین د قبیلې څخه شروع وشوه. د روبین د اولادې شمېر: ۴۶۵۰۰ تنه د شمعون د اولادې څخه: ۵۹۳۰۰ تنه د جاد د اولادې څخه: ۴۵۶۵۰ تنه د یهودا د اولادې څخه: ۷۴۶۰۰ تنه د یساکار د اولادې څخه: ۵۴۴۰۰ تنه د زبولون د اولادې څخه: ۵۷۴۰۰ تنه د حضرت یوسف د زامنو څخه: د افرایم د اولادې څخه: ۴۰۵۰۰ تنه د منسي د اولادې څخه: ۳۲۲۰۰ تنه د بنیامین د اولادې څخه: ۳۵۴۰۰ تنه د دان د اولادې څخه: ۶۲۷۰۰ تنه د اشیر د اولادې څخه: ۴۱۵۰۰ تنه د نفتالي د اولادې څخه: ۵۳۴۰۰ تنه د هغو نفرو شمېر چې د حضرت موسیٰ، حضرت هارون او د دولسو قبیلو د مشرانو له خوا لیکل شوی ؤ، ټول ۶۰۳۵۵۰ تنه وو.

⁴⁷مګر هغه خلک چې د لاوي د قبیلې څخه وو په دې کې شامل نه وو،

⁴⁸ځکه چې څښتن حضرت موسیٰ ته فرمایلي وو:

⁵⁰د هغې په ځای لاویان د مقدسې خېمې او د هغې د ټول سامان مسوولان وټاکه. هغوی به دا خېمه او د هغې سامان انتقالوي، ساتنه به یې کوي ��و د هغې په شاوخوا کې به خپلې خېمې ودروي.

⁵¹هرکله چې تاسو خپلې خېمې بل ځای ته وړئ، نو لاویان دې مقدسه خېمه راټوله کړي او په نوي ځای کې دې بیا ودروي. که بل هرڅوک ورته نژدې ورشي وبه وژل شي.

⁵²پاتې اسراییلیان به د خپلو ډلو په اساس خېمې ودروي، هر سړی به د خپل بیرغ لاندې د خپلې ډلې سره وي.

⁵³خو لاویان به خپلې خېمې د مقدسې خېمې په شاوخوا کې ودروي ترڅو د اسراییلو په قوم باندې زما قهر نازل نه شي. لاویان دې د مقدسې خېمې د ساتلو مسئولیت په غاړه واخلي.> ۵۴څنګه چې څښتن په حضرت موسیٰ باندې امر کړی ؤ، اسراییلیانو کټ مټ هماغسې وکړل.