شمېر 10

¹څښتن حضرت موسیٰ ته وفرمایل:

³کله چې دواړه سرني په اوږد اواز سره ووهل شي، ټول قوم دې د مقدسې خېمې د دروازې په خوله کې تاته راغونډ شي.

⁴که چېرې یو سرنی ووهل شي، یوازې د قبیلو مشران دې درته راغونډ شي.

⁵کله چې هغه په لنډ اواز سره ووهل شي، کومې قبیلې چې په ختیځ کې کمپ لري، هغه به حرکت کوي.

⁶کله چې هغه د دوهم ځل دپاره په لنډ اواز سره ووهل شي، کومې قبیلې چې په جنوب کې دي، هغه به حرکت کوي. نو هغه دې په لنډ اواز سره ووهل شي د دې دپاره چې کمپ ته حرکت ورکړای شي.

⁷مګر د دې دپاره چې ټول خلک راغونډ شي، هغه دې په اوږده اواز سره ووهل شي.

⁸د هارون زامن چې کاهنان دي، سرني دې ووهي. دا قانون باید د همېش دپاره ستاسو او ستاسو د راتلونکو نسلونو له خوا مراعت شي.

⁹کله چې تاسو په خپله خاوره کې جنګېږئ او د هغو دښمنانو په مقابل کې چې په تاسو باندې یې حمله کړې ده د خپلو ځانونو څخه دفاع کوئ، نو په دې سرنیو باندې د جګړې دپاره اشاره ورکړئ. زه یعنې ستاسو څښتن خدای به ستاسو سره مرسته وکړم او د خپلو دښمنانو څخه به مو وژغورم.

¹⁰همدارنګه د خپلې خوشالۍ په وختونو کې، ستاسو د نوې میاشتې په اخترونو او په نورو اخترونو کې کله چې تاسو سوزېدونکې او د سلامتۍ نذرانې وړاندې کوئ باید سرني ووهئ. بیا به زه درسره مرسته وکړم. زه ستاسو څښتن خدای یم.>

¹¹د دوهم کال د دوهمې میاشتې په شلمه ورځ یعنې وروسته له دې چې اسراییلیان د مصر څخه راووتل، هغه ورېځ چې په مقدسې خېمې باندې ولاړه وه پورته شوه.

¹²نو اسراییلیان د سینا له دښتې څخه روان شول او د یو ځای څخه یې بل ځای ته سفر کاوه ترڅو چې ورېځ د فاران په دښته کې ودرېدله.

¹³دا اول ځل ؤ چې څښتن حضرت موسیٰ ته وفرمایل چې د اسراییلو په قوم باندې امر وکړي چې حرکت وکړي.

¹⁴هغه کمپ چې د یهودا قبیلې یې مشري کوله، د خپل بیرغ لاندې د عمیناداب د زوی نحشون په مشرۍ اول حرکت وکړ.

¹⁵نتنائیل د صوغر زوی د یساکار د قبیلې مشر ؤ

¹⁶او الیاب د حیلون زوی د زبولون د قبیلې مشر ؤ.

¹⁷بیا مقدسه خېمه راټوله کړای شوه او جرشونیانو او مراریانو چې هغه یې وړله، حرکت وکړ.

¹⁸ورپسې هغه کمپ چې د روبین قبیلې یې مشري کوله، د خپل بیرغ لاندې د شدیئور د زوی الیصور په مشرۍ حرکت وکړ.

¹⁹شلومیئیل د صوریشدای زوی د شمعون د قبیلې مشر ؤ

²⁰او الیاساف د دعوئیل زوی د جاد د قبیلې مشر ؤ.

²¹د هغوی پسې قهاتیانو چې د لاویانو د طایفو څخه وو حرکت وکړ او مقدس شیان یې وړل. کله چې هغوی بل کمپ ته ورسېدل، خېمه ودرول شوې وه.

²²ورپسې هغه کمپ چې د افرایم قبیلې یې مشري کوله، د خپل بیرغ لاندې د عمیهود د زوی الیشمع په مشرۍ حرکت وکړ.

²³جملیئیل د فدهصور زوی د منسي د قبیلې مشر ؤ

²⁴او ابیدان د جدعوني زوی د بنیامین د قبیلې مشر ؤ.

²⁵په آخره کې هغه کمپ چې د دان قبیلې یې مشري کوله او د شا له خوا حملې په مقابل کې به یې د اسراییلیانو ساتنه کوله د خپل بیرغ لاندې د عمیشدای د زوی اخیعزر په مشرۍ حرکت وکړ.

²⁶فجعیئیل د عکران زوی د اشیر د قبیلې مشر ؤ

²⁷او اخیرع د عینان زوی د نفتالي د قبیلې مشر ؤ.

²⁸په دې توګه هرځل چې هغوی خپل کمپ د یو ځای څخه بل ځای ته وړه نو د اسراییلو خلکو به حرکت کاوه.

²⁹حضرت موسیٰ خپل د ښځې ورور حوڅپرکی ته چې د مدیاني یترون زوی ؤ، وفرمایل:

³⁰حوڅپرکی په ځواب کې وویل:

³¹حضرت موسیٰ ورته وفرمایل:

³²که چېرې ته زمونږ سره لاړ شې، مونږ به درته د هغو ښو شیانو برخه درکړو چې څښتن یې مونږ ته راکوي.>

³³نو د اسراییلو قوم د سینا یعنې د مقدس غره څخه روان شو او هغوی درې ورځې سفر وکړ. د څښتن د لوظ صندوق همېشه د هغوی په مخ کې روان ؤ ترڅو د هغوی دپاره ځای پیدا کړي چې خېمې په کې ودروي.

³⁴څنګه به چې هغوی د هر کمپ څخه حرکت کاوه، د څښتن ورېځ به د ورځې له خوا د هغوی په سر باندې ولاړه وه.

³⁵هرکله به چې د لوظ صندوق روان شو، حضرت موسیٰ به ویل:

³⁶او چې کله به د لوظ صندوق ودرېد، حضرت موسیٰ به داسې دعا کوله: