شمېر 29

¹هر کال د اوومې میاشتې په اوله ورځ تاسې د عبادت دپاره سره راغونډ شئ او باید هیڅ ورځنی کار ونه کړئ. په هغې ورځ باید سرني ووهل شي.

²څښتن ته سوزېدونکې نذرانه یعنې یوه خوشبویي چې په هغه باندې ښه لګیږي وړاندې کړئ: یو ځوان غویی، یو پسه او اووه یو کلن وري، ټول باید بې عیبه وي.

³د غویي سره باید درې کیلوګرامه ښه اوړه چې د زیتونو تېل ورسره ګډ وي د غلې دانې د نذرانې په توګه وړاندې شي. دوه کیلوګرامه اوړه چې تېل ورسره ګډ وي باید د پسه سره وړاندې شي

⁴او یو کیلوګرام اوړه چې تېل ورسره ګډ وي باید د هر وري سره وړاندې شي.

⁵همدارنګه یو وز د ګناه د نذرانې په توګه وړاندې کړئ او په دې ډول د قوم دپاره کفاره ادا کړئ.

⁶دا نذرانې دې د میاشتې د اولې ورځې د عادي سوزېدونکې نذرانې او د هغې د غلې دانې د نذرانې او ورځنۍ سوزېدونکې نذرانې او د هغې د غلې دانې د نذرانې او د څښلو د نذرانې څخه علاوه وړاندې شي. دا هغه نذرانې دي چې په اور باندې څښتن ته تیاریږي او بوی یې په هغه باندې ښه لګیږي.

⁷د اوومې میاشتې په لسمه ورځ د عبادت دپاره راغونډ شئ. په دې ورځ روژه ونیسئ او کار مه کوئ.

⁸څښتن ته یوه سوزېدونکې نذرانه وړاندې کړئ، یعنې یوه خوشبویي چې په هغه باندې ښه لګیږي: یو ځوان غویی، یو پسه او اووه یو کلن وري، دا ټول باید هیڅ عیب ونلري.

⁹د غویي سره باید درې کیلوګرامه ښه اوړه چې د زیتونو تېل ورسره ګډ وي د غلې دانې د نذرانې په توګه وړاندې شي. دوه کیلوګرامه اوړه چې تېل ورسره ګډ وي باید د پسه سره وړاندې شي

¹⁰او یو کیلوګرام اوړه چې تېل ورسره ګډ وي باید د هر وري سره وړاندې شي.

¹¹همدارنګه علاوه د هغه وز څخه چې د خلکو د کفارې دپاره قرباني کیږي، د ورځنۍ سوزېدونکې نذرانې او د هغې د غلې دانې د نذرانې او د څښلو له نذرانې څخه یو وز د ګناه د نذرانې په توګه قرباني کړئ.

¹²د اوومې میاشتې په پنځلسمه ورځ د عبادت دپاره سره راغونډ شئ. اووه ورځې دا اختر څښتن ته د احترام کولو دپاره ولمانځئ او هیڅ ورځنی کار مه کوئ.

¹³په اوله ورځ څښتن ته دیارلس ځوان غوایان، دوه پسونه او څوارلس یو کلن وري چې په ټولو کې هیڅ عیب نه وي د سوزېدونکې نذرانې په توګه وړاندې کړئ. د داسې نذرانې بوی په څښتن باندې ښه لګیږي.

¹⁴د هر غویي سره باید درې کیلوګرامه ښه اوړه چې د زیتونو تېل ورسره ګډ وي د غلې دانې د نذرانې په توګه وړاندې کړئ. دوه کیلوګرامه اوړه چې تېل ورسره ګډ وي باید د هر پسه سره وړاندې کړئ

¹⁵او یو کیلوګرام اوړه چې تېل ورسره ګډ وي باید د دې څوارلسو وریو څخه د هر وري سره وړاندې کړئ.

¹⁶همدارنګه یو وز د ګناه د نذرانې په توګه وړاندې کړئ. دا دې د ورځنۍ سوزېدونکې نذرانې او د هغې د غلې دانې او څښلو د نذرانې څخه علاوه وړاندې شي.

¹⁷په دوهمه ورځ دولس ځوان غوایان، دوه پسونه او څوارلس یو کلن وري وړاندې کړئ، دا ټول دې هیڅ عیب ونلري.

¹⁸‏-

¹⁹د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

²⁰په دریمه ورځ یوولس غوایان، دوه پسونه او څوارلس یو کلن وري وړ��ندې کړئ، دا ټول دې هیڅ عیب ونلري.

²¹‏-

²²د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

²³په څلورمه ورځ لس غوایان، دوه پسونه او څوارلس یو کلن وري وړاندې کړئ، دا ټول دې هیڅ عیب ونلري.

²⁴‏-

²⁵د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

²⁶په پنځمه ورځ نهه غوایان، دوه پسونه او څوارلس یو کلن وري وړاندې کړئ، دا ټول دې هیڅ عیب ونلري.

²⁷‏-

²⁸د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

²⁹په شپږمه ورځ اته غوایان، دوه پسونه او څوارلس یو کلن وري وړاندې کړئ، دا ټول دې هیڅ عیب ونلري.

³⁰‏-

³¹د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

³²په اوومه ورځ اووه غوایان، دوه پسونه او څوارلس یو کلن وري وړاندې کړئ، دا ټول دې هیڅ عیب ونلري.

³³‏-

³⁴د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

³⁵په اتمه ورځ د عبادت دپاره راغونډ شئ او هیڅ ورځنی کار مه کوئ.

³⁶څښتن ته یو ځوان غویی، یو پسه او اووه یو کلن وري چې په ټولو کې کوم عیب نه وي د یوې سوزېدونکې نذرانې په توګه وړاندې کړئ. د داسې نذرانې بوی په هغه باندې ښه لګیږي.

³⁷‏-

³⁸د هغو سره نورې ټولې هغه نذرانې وړاندې کړئ چې د اولې ورځې دپاره ورته ضرورت ؤ.

³⁹دا مقررات د سوزېدونکو نذرانو، د غلو دانو د نذرانو، د څښلو د نذرانو او د سلامتۍ د نذرانو په باره کې دي چې تاسو یې باید په خپلو ټاکل شویو اخترونو کې څښتن ته ورکړئ. دا د هغو نذرانو څخه علاوه دي کوم چې تاسو یې د نذر د ورکولو یا د رضاکارانه نذرانو په توګه ورکوئ.>

⁴⁰نو حضرت موسیٰ د اسراییلو قوم ته هغه ټول شیان وویل چې څښتن ورته حکم کړی ؤ.