شمېر 31

¹څښتن حضرت موسیٰ ته وفرمایل:

³بیا حضرت موسیٰ قوم ته وفرمایل:

⁴د اسراییلو د هرې قبیلې څخه زر تنه جنګ ته ولېږئ.>

⁵نو د هرې قبیلې څخه زر تنه انتخاب شول، ټول ۱۲۰۰۰ تنه د جګړې دپاره تیار شول.

⁶حضرت موسیٰ هغوی جګړې ته ولېږل او د العازار کاهن زوی فینحاس د هغوی سره ؤ. هغه د مقدسې خېمې څخه لږ سامان او سرني واخیستل چې د جګړې د اعلانولو د اشارې دپاره ووهل شي.

⁷څنګه چې څښتن په حضرت موسیٰ باندې امر کړی ؤ، اسراییلیانو د مدیانیانو سره جګړه وکړه او د هغوی ټول نارینه یې ووژل.

⁸په هغو کې د مدیان پنځه پادشاهان یعنې اوي، راقم، صور، حور او رابع هم شامل وو. همدارنګه هغوی د بعور زوی بلعام هم وواژه.

⁹د اسراییلو خلکو د مدیانیانو ښځې او ماشومان ونیول، د هغوی ټولې پادې او رمې یې بوتللې او ټوله شتمني یې ورته لوټ کړه

¹⁰او د هغوی ټول ښارونه او کمپونه یې وسوزول.

¹¹هغه ټول غنیمت چې هغوی نیولی ؤ او په هغه کې اسیران او حیوانات هم شامل وو واخیستل

¹²او هغه یې حضرت موسیٰ، العازار او د اسراییلو قوم ته هغه کمپ ته چې د موآب په ډاګونو کې د اردن د سیند په بله غاړه اریحا ته مخامخ ؤ راوړل.

¹³حضرت موسیٰ، العازار او د قوم ټول مشران د کمپ څخه د هغوی مخې ته ورووتل.

¹⁴حضرت موسیٰ د لښکرو په قوماندانانو باندې چې د جګړې څخه راستانه شوي وو، په قهر شو.

¹⁵له هغوی څخه یې پوښتنه وکړه:

¹⁶هغوی هغه څوک دي چې د بلعام په مشوره یې عمل کړی ؤ او زمونږ خلکو ته یې بلنه ورکړې وه چې د بعل فغور د خدای عبادت وکړي. ځکه څښتن مونږ ته سزا راکړه او په خپل قوم باندې یې وبا راوستله.

¹⁷نو اوس ټول هلکان ووژنئ او هره ښځه چې د کوم سړي سره یوځای شوې وي ووژنئ،

¹⁸مګر ټولې پېغلې انجونې ژوندۍ پرېږدئ او هغوی د خپلو ځانونو دپاره وساتئ.>

¹⁹بیا حضرت موسیٰ جنګیالیانو ته وفرمایل:

²⁰همدارنګه هغه ټول کالي او ټول شیان چې د څرمنې، د وزو د وړیو او لرګیو څخه جوړ شوي وي هم پاک کړئ.>

²¹العازار کاهن هغو نفرو ته چې د جګړې څخه راستانه شوي وو وویل:

²²سره زر، سپین زر، برنج، اوسپنه، قلعي او سرپ

²³او نور ټول هغه شیان چې نه سوزي، باید په سره اور کې واچول شي او هغه به پاک شي. خو هغه هم باید د هغو اوبو په وسیله پاک شي کومې چې د پاکوالي دپاره استعمالیږي او هغه شیان چې په اور کې سوزي باید د اوبو په وسیله پاک شي.

²⁴په اوومه ورځ باید خپل کالي ومینځئ، بیا به په مذهبي لحاظ پاک شئ او کمپ ته د ننوتلو اجازه به ولرئ.>

²⁵څښتن حضرت موسیٰ ته وفرمایل:

²⁷هغه نیول شوي شیان په دوه مساوي برخو ووېشئ، یوه برخه یې هغو جنګیالیو ته چې جګړې ته تللي وو او بله برخه یې پاتې قوم ته ورکړئ.

²⁸د هغو جنګیالیانو د برخې څخه چې په جګړه کې جنګېدلي دي، د هرو پنځو سوو اسیرانو، غوایانو، خرو، پسونو او یا وزو څخه یو یو څښتن ته د هغه د برخې په توګه بېل کړئ.

²⁹هغه څښتن ته د خاصې اعانې په توګه العازار ته ورکړئ.

³⁰د پاتې قوم له برخې څخه د هرو پنځوسو اسیرانو څخه یو او هماغه شان د پنځوسو غوایانو، خرو، پسونو او وزو څخه یو یو واخلئ او هغو لاویانو ته یې ورکړئ چې د مقدسې خېمې مسوولان دي.>

³¹څښتن چې کوم حکم کړی ؤ، حضرت موسیٰ او العازار هماغسې وکړل.

³²-

³⁵دا د هغو شیانو لست دی چې د جنګیالیانو له خوا نیول شوي وو، یعنې دا برسېره پر هغو شیانو دي کوم چې هغوی د خپلو ځانونو دپاره ساتلي وو: ۶۷۵۰۰۰ پسونه او وزې، ۷۲۰۰۰ غوایان، ۶۱۰۰۰ خره او ۳۲۰۰۰ پېغلې.

³⁶-

⁴⁰د جنګیالیانو په نیمایي برخه کې ۳۳۷۵۰۰ پسونه او وزې وې، چې له هغو څخه ۶۷۵ یې د څښتن برخه وه. ۳۶۰۰۰ په کې غوایان وو، چې له هغو څخه ۷۲ یې د څښتن برخه وه. ۳۰۵۰۰ په کې خره وو، چې له هغو څخه

⁴¹یې د څښتن برخه وه او ۱۶۰۰۰ په کې پېغلې شاملې وې، چې له هغو څخه ۳۲ تنه یې د څښتن برخه وه. ۴۱نو څنګه چې څښتن حکم کړی ؤ، حضرت موسیٰ د څښتن ټوله برخه العازار کاهن ته ورکړه.

⁴²‏-

⁴⁶د قوم برخه کټ مټ هماغه شان وه لکه څنګه چې د جنګیالیانو وه: ۳۳۷۵۰۰ پسونه او وزې، ۳۶۰۰۰ غوایان، ۳۰۵۰۰ خره او ۱۶۰۰۰ پېغلې.

⁴⁷له دې برخې څخه حضرت موسیٰ له هرو پنځوسو اسیرانو او حیواناتو څخه یو یو واخیست او هغه یې د څښتن د حکم له مخې لاویانو ته چې د مقدسې خېمې مسوولان وو، ورکړل.

⁴⁸د لښکرو قوماندانان حضرت موسیٰ ته ورغلل

⁴⁹او ورته ویې ویل:

⁵⁰نو مونږ به د سرو زرو ګاڼې، بازوبندونه، بنګړي، ګوتې، غوږوالۍ او غاړکۍ چې مونږ هر یو نیولي دي راوړي دي. مونږ هغه څښتن ته د خپل ژوند د بیې د ادا کولو دپاره وړاندې کوو، ترڅو هغه زمونږ ساتنه وکړي.>

⁵¹حضرت موسیٰ او العازار هغه سره زر واخیستل چې ټول د ګاڼو په شکل کې وو.

⁵²د قوماندانانو د ټولې اعانې وزن نژدې دوه سوه کیلوګرامه ؤ.

⁵³په دې کې هغه شیان شامل نه وو کوم چې جنګیالیانو د خپلو ځانونو دپاره ساتلي وو.

⁵⁴نو حضرت موسیٰ او العازار سره زر مقدسې خېمې ته راوړل ترڅو اسراییلیان هغه د یادګار په توګه وساتي چې څښتن د هغوی سره مرسته کړې وه.