شمېر 34

¹څښتن حضرت موسیٰ ته وفرمایل

²چې د اسراییلو قوم ته داسې حکم وکړي:

³جنوبي سرحد به د صین دښته او د ادوم شمال لوېدیځ سرحد وي. دا سرحد به د ارام د دریاب په جنوبي آخري سر کې شروع شي.

⁴له هغه ځای څخه به هغه د لوېدیځ خواته ورسیږي، مګر د جنوب خواته به وروګرځي چې د عقربیم غاښی، د صین کلی او د قادش برنیع ښار په کې شامل شي. له هغه ځای څخه به دا سرحد حصرادار او عصمون ته ورسیږي،

⁵چېرته چې به هغه د هغه خوړ په لوري وروګرځي کوم چې د مصر په سرحد کې دی او د مدیترانې په بحیره کې به ختم شي.

⁶د مدیترانې بحیره به لوېدیځ سرحد وي.

⁷شمالي سرحد به د مدیترانې په بحیره کې شروع شي بیا به د ختیځ په لور د هور غره ته ورسیږي.

⁸له هغې وروسته به هغه د حمات د غاښي په لار صدد ته ورسیږي.

⁹د صدد څخه به سرحد په ختیځ کې زفرون ته ورسیږي او په حصرعینان کې به ختم شي.

¹⁰ختیځ سرحد به په شمال کې په حصرعینان کې شروع شي بیا به جنوب خواته شفام

¹¹او ربله ته ورسیږي چې د عین په ختیځې خوا کې دی. له هغه ځای څخه به هغه د جنوب په لور د جلیل د جهیل ختیځو غونډیو ته ورسیږي،

¹²بیا به د اردن د سیند په لار د ارام د دریاب د شمالي برخې آخري سرته ورسیږي. کومه ځمکه چې د هغو څلورو سرحدونو په منځ کې وي هغه به ستاسو شي.>

¹³نو حضرت موسیٰ اسراییلیانو ته داسې حکم وکړ:

¹⁴د روبین، جاد او د منسي نیمې قبیلې خپله ځمکه ترلاسه کړې ده چې د هغوی د کورنیو له مخې وېشل شوې ده.

¹⁵دا اریحا ته مخامخ د اردن د سیند په ختیځ کې ده.>

¹⁶څښتن حضرت موسیٰ ته وفرمایل:

¹⁸د هرې قبیلې څخه یو یو مشر وټاکه چې د هغوی سره د ځمکې په وېشلو کې مرسته وکړي.

¹⁹‏-

²⁸دا د هغوی د نومونو لست دی:د یهودا د قبیلې څخه - د یفنه زوی کالیبد شمعون د قبیلې څخه - د عمیهود زوی شموئیلد بنیامین د قبیلې څخه - د کسلون زوی الیدادد دان د قبیلې څخه - د یجلي زوی بقيد منسي د قبیلې څخه - د ایفود زوی حنیئیلد افرایم د قبیلې څخه - د شفطان زوی قموئیلد زبولون د قبیلې څخه - د فرناک زوی الیصافاند یساکار د قبیلې څخه - د عزان زوی فلتیئیلد اشیر د قبیلې څخه - د شلومي زوی اخیهوداو د نفتالي د قبیلې څخه - د عمیهود زوی فدهئیل.>

²⁹دا هغه نفر دي چې څښتن ورباندې امر وکړ چې د اسراییلیانو دپاره د ځمکې په وېشلو کې د العازار او یوشع سره مرسته وکړي