شمېر 35

¹په داسې حال کې چې اسراییلیانو د موآب په ډاګونو کې د اردن د سیند په بله غاړه اریحا ته مخامخ خېمې ودرولې، څښتن حضرت موسیٰ ته وفرمایل:

³دا ښارونه به د لاویانو وي او هغوی به هلته اوسیږي. د څړځای به د هغوی د غوایانو او د هغوی د نورو ټولو حیواناتو دپاره وي.

⁴څړځای باید د ښار د بیروني دېوالونو څخه هرې خواته څلورنیم سوه متره وغزول شي،

⁵ترڅو یوه مربع شکله سیمه جوړه شي چې هره خوا یې نهه سوه متره وي او ښار به یې په منځ کې وي.

⁶شپږ ښارونه چې تاسو یې هغوی ته ورکوئ هغه به د پناه اخیستلو ښارونه وي او یو نفر چې یو څوک یې په سهوې سره وژلی وي کولی شي چې هلته وتښتي. مګر تاسو باید لاویانو ته دوه څلوېښت نور ښارونه ورکړئ،

⁷نو هغوی به د شاوخوا څړځایونو سره ټول اته څلوېښت ښارونه ولري.

⁸د لاویانو د ښارونو شمېر باید په هره قبیله کې د هغې د سیمې د اندازې په مطابق معلوم کړای شي. لویې قبیلې به زیات ښارونه او کوچنۍ قبیلې به کم ښارونه ورکړي.>

⁹بیا څښتن حضرت موسیٰ ته وفرمایل چې

¹⁰د اسراییلو قوم ته داسې ووایي:

¹¹د پناه اخیستلو ښارونه انتخاب کړئ چې داسې نفر د ساتنې دپاره ورتښتېدلی شي چې یو څوک یې په سهوې سره وژلی وي.

¹²هغه به په هغه ځای کې د وژل شوي نفر د خپلوانو د یو نفر څخه چې د بدل اخیستلو په لټه کې وي په امن کې اوسي. هیڅوک چې هغه په قتل باندې تورن شوی وي د علني محاکمې څخه پرته نه شي وژل کېدای.

¹³شپږ ښارونه انتخاب کړئ،

¹⁴درې د اردن ختیځې خواته او درې د کنعان په خاوره کې.

¹⁵دا به د اسراییلیانو او هغو بېګانه خلکو دپاره چې په موقت یا دایمي توګه اوسیږي د پناه اخیستلو ځایونه وي. هرڅوک چې په سهوې سره یو نفر مړ کړي هغه کولی شي چې د دې ښارونو څخه یو ښار ته وتښتي.

¹⁶‏-

¹⁸خو بیاهم، که چېرې څوک د اوسپنې، تیږې یا لرګي د وسلې څخه کار واخلي او یو نفر ووژني، نو هغه د هغه نفر د قتل په خاطر مجرم دی او باید ووژل شي.

¹⁹د وژل شوي نفر یو ډېر نژدې خپلوان دا مسئولیت لري چې قاتل ووژني. کله چې هغه پیدا کړي، باید ویې وژني.

²⁰که چېرې څوک د کوم نفر سره کینه لري او هغه په ټېل وهلو یا په یو شي باندې په ویشتلو سره مړ کړي

²¹یا هغه په سوک ووهي، هغه د هغه نفر د قتل په اړه مجرم دی او باید ووژل شي. د وژل شوي نفر یو ډېر نژدې خپلوان دا مسئولیت لري چې قاتل ووژني. کله چې هغه راپیدا کړي نو باید ویې وژني.

²²خو فرض کړئ څوک په سهوې سره یو داسې نفر مړ کړي چې د هغه سره کینه نه لري، که هغه په ټېل وهلو وي یا په کوم شي باندې په ویشتلو سره.

²³یا د هغه فکر نه وي او یو داسې سړی په تیږه باندې په ویشتلو مړ کړي چې د هغه نیت نه وي چې هغه ژوبل کړي او د هغه دښمن نه وي.

²⁴نو په داسې حالاتو کې دې د هغه ځای خلک د هغه چا په حق کې فیصله وکړي چې نفر یې مړ کړی دی، نه د مړي د خپلوانو څخه د هغه نفر په حق کې چې د بدل اخیستلو په لټه کې دی.

²⁵ټولنه باید هغه سړی چې په قتل باندې تورن دی د وژل شوي نفر د خپلوان څخه خلاص کړي او هغه باید د پناه اخیستنې هغه ښار ته چې هغه ورتښتېدلی ؤ بېرته ولېږي. هغه باید د مشر کاهن تر مړینې پورې په هغه ښار کې واوسیږي.

²⁶مګر که چېرې په قتل باندې تورن نفر د پناه اخیستلو ښار چې ورته تښتېدلی ؤ پرېږدي

²⁷او د وژل شوي نفر ډېر نژدې خپلوان هغه پیدا کړي او ویې وژني، نو دغه بدل اخیستنه قتل نه دی.

²⁸په قتل باندې تورن نفر باید د مشر کاهن تر مړینې پورې د پناه اخیستلو په ښار کې پاتې شي، خو وروسته بیا کولی شي چې خپل کور ته ستون شي.

²⁹دا قوانین به په تاسو او ستاسو په اولادې باندې چې په هرځای کې اوسیږي عملي کیږي.

³⁰په قتل باندې تورن نفر باید یوازې په هغه صورت کې مجرم وګڼل شي او ووژل شي چې دوه یا له هغه څخه زیات شاهدان شاهدي ورکړي. د قتل د تور د ثابتولو دپاره د یو نفر شاهدي ورکول کافي نه دي.

³¹قاتل باید ووژل شي. هغه د پیسو په ورکولو سره د دې جزا څخه نه شي خلاصېدلی.

³²که چېرې څوک د پناه اخیستلو ښار ته تښتېدلی وي، نو هغه مه پرېږدئ چې د مشر کاهن د مړینې څخه مخکې خپل کور ته د بېرته ستنېدلو په خاطر بیه ادا کړي.

³³‏-

³⁴زه څښتن ستاسو اسراییلو د قوم په منځ کې اوسېږم، نو ستاسو خاوره باید پاکه وساتل شي. مګر کله چې قتل وشي نو د هغه په وینه باندې ځمکه پلیتیږي او ناپاکه کیږي. که چېرې داسې کیږي، قاتل باید ووژل شي نو ځمکه به بېرته پاکه شي. په اسراییلو کې دې قتل نه کیږي.>