شمېر 8

¹څښتن حضرت موسیٰ ته وفرمایل:

³حضرت هارون دا خبره ومنله او لکه څنګه چې ورته ویل شوي وو، څراغونه یې هماغسې کېښودل.

⁴څراغدان د سر څخه نیولې تر پایې پورې د ټکول شویو سرو زرو څخه جوړ شوی ؤ او کټ مټ د هغې نقشې په مطابق ؤ لکه څنګه چې څښتن حضرت موسیٰ ته ښودلې وه.

⁵څښتن حضرت موسیٰ ته وفرمایل:

⁷د دې دپاره چې هغوی پاک کړې نو داسې وکړه: په هغوی باندې پاکوونکې اوبه وشینده او ورته ووایه چې د خپل بدن ټول ویښتان وخرایي او خپل کالي ومینځي. نو هغوی به پاک شي.

⁸هغوی دې یو ځوان غویی او د غلې دانې هغه نذرانه راوړي چې د ښو اوړو څخه جوړه شوې وي او د زیتونو تېل ورسره ګډ وي. بل غویی دې د ګناه د نذرانې په توګه راولي.

⁹بیا به د اسراییلو ټول قوم راوغواړې او لاویانو ته به ووایې چې د مقدسې خېمې مخې ته لاړ شي.

¹⁰هلته به زما په حضور کې قوم خپل لاسونه د لاویانو په سرونو باندې کېږدي.

¹¹هارون به لاویان د قوم له خوا د یو خاص سوغات په توګه ماته وړاندې کړي، ترڅو هغوی زما خدمت وکړي.

¹²له هغې وروسته دې لاویان خپل لاسونه د غوایانو په سرونو باندې کېږدي. بیا به یو غویی د ګناه د نذرانې په توګه قرباني شي او بل د سوزېدونکې نذرانې په توګه، ترڅو د لاویانو دپاره کفاره ادا شي.

¹³لاویان د یو خاص سوغات په توګه ماته وقف کړه او هارون او د هغه زامن د هغوی مشران کړه.

¹⁴په دې ډول به لاویان د نورو اسراییلیانو څخه جدا کړې او هغوی به زما شي.

¹⁵وروسته له هغې چې تا لاویان پاک او وقف کړل، بیا به هغوی ته اجازه ورکړل شي چې په مقدسه خېمه کې کار وکړي.

¹⁶لاویان یوازې زما دي او هغوی مې د اسراییلو د ټولو مشرانو زامنو په ځای قبول کړي دي.

¹⁷کله چې ما د مصریانو مشران زامن او اولني زېږېدلي حیوانات ووژل، دا پرېکړه مې وکړه چې په هرې اسراییلي کورنۍ کې مشران زامن او د هغوی د رمو او پادو څخه هر اولنی زېږېدلی نر حیوان به زما وي.

¹⁸مګر اوس ما د اسراییلو د ټولو مشرانو زامنو په ځای لاویان انتخاب کړي دي.

¹⁹د ټولو اسراییلیانو څخه مې لاویان هارون او د هغه زامنو ته د سوغاتونو په توګه ورکړي دي چې په مقدسه خېمه کې د قوم په خاطر کار وکړي او د هغوی دپاره کفاره ادا کړي، ترڅو کله چې اسراییلیان مقدس ځای ته ورنژدې کیږي، په هغوی باندې کوم آفت رانه شي.>

²⁰لکه څنګه چې څښتن په حضرت موسیٰ باندې امر کړی ؤ، نو حضرت موسیٰ، حضرت هارون او د اسراییلو ټول قوم لاویان وقف کړل.

²¹لاویانو خپل ځانونه پاک کړل او خپل کالي یې ومینځل او حضرت هارون هغوی د یو خاص سوغات په توګه څښتن ته وقف کړل او د هغوی د پاکوالي دپاره یې کفاره ادا کړه.

²²له دې وروسته لکه څنګه چې څښتن امر کړی ؤ، لاویانو د حضرت هارون او د هغه د زامنو د مرستیالانو په توګه په مقدسه خېمه کې کار کاوه.

²³څښتن حضرت موسیٰ ته وفرمایل:

²⁴‏-

²⁶هغوی کولی شي چې د مقدسې خېمې په وظیفو کې د نورو لاویانو سره مرسته وکړي مګر په خپله باید د کوم کار مسئولیت په غاړه ونلري. په دې ډول لاویانو ته وظیفې وسپاره.>