متلونه 12

¹څوک چې نصیحت مني نو د علم سره مینه لريخو څوک چې له اصلاح نه کرکه کوي بې عقله دی.

²ښه انسان د څښتن رضا او خوشحالي حاصلويخو هغه انسان ته سزا ورکوي چې بدې نقشې جوړوي.

³هېڅوک د بدۍ له امله ټینګ نه پاتې کیږيخو د نېکانو ریښه هېڅکله له بېخه نه ویستل کیږي.

⁴یوه مېړنۍ او پتمنه ښځهد خپل مېړه د سر تاج دهخو هغه ښځه چې د خپل مېړه د شرم سبب ګرځيد هډوکو د سرطان په شان ده.

⁵د نېکانو ارادې په انصاف سره جوړیږيخو د بدکارانو بدې مشورې انسان غولوي.

⁶د بدکارانو ژبه وینو تویولو ته تل په کمین کې دهخو د صادقانو ژبه د خلکو ژوند ژغوري.

⁷بدکاران مړه کیږي او له منځه ځيخو د نېکانو د کور بنیاد به ټینګ ولاړ وي.

⁸د انسان ستاینه د هغه د هوښیارۍ له مخې کیږيخو د غلط فکر خاوند ته په سپکه سترګه کتل کیږي.

⁹ښه ده چې انسان عاجز وي او نوکر ولريله هغه چا نه چې ځان لوړ ګڼي او ډوډۍ نه لري.

¹⁰نېک انسان په خپلو حیواناتو باندې هم پام کويخو د بدکارانو رحم هم له ظلم نه ډک وي.

¹¹څوک چې په خپله ځمکه کې کار کوي په ګېډه به موړ شيخو څوک چې د ورځې خوبونه کوي نو ناپوهه دی.

¹²بدکاران له شر اچوونکو نه د لوټ شوي مال تمه کويخو د نېکانو ریښې تل تازه او حاصل ورکوي.

¹³بدکاره سړی د خپلو بدو خبرو په دام کې نیول کیږيخو نېک انسان له سختۍ نه ژغورل کیږي.

¹⁴انسان د خپلې خولې په هوښیارو خبرو مړیږياو د خپلو لاسونو د کار ثمره ورکول کیږي.

¹⁵جاهل سړي ته خپلې لارې چارې سمې ښکاريخو د حکمت خاوند د نورو لارښوونې ته غوږ نیسي.

¹⁶جاهل سړی خپل قهر زر ښکاره کويخو ځیرک انسان په خپله بې عزتۍ پرده اچوي.

¹⁷رښتینی انسان په صداقت شهادت ورکويخو دروغجن شاهد د ټګۍ خبرې کوي.

¹⁸د بې پروایۍ خبرې د تورې په څېر غوڅول کويخو د حکمت د خاوندانو ژبه زخمونو ته شفا ورکوي.

¹⁹رښتینې خبرې تل ټینګې پاتې کیږيخو د دروغو مزل لنډ وي.

²⁰څوک چې بدې نقشې جوړوي په زړونو کې یې ټګي ويخو د سولې او سلامتۍ غوښتونکي به خوشحاله وي.

²¹نېک انسان ته هېڅکله زیان نه رسیږيخو بدکاران به تل له مصیبت سره مخامخ وي.

²²څښتن له دروغ ویلو نه کرکه کويخو له رښتینو خلکو خوشحاله وي.

²³ځیرک انسان خپله پوهه پټه ساتيخو کم عقل خلک خپل جهالت ښکاره کوي.

²⁴زحمت انسان لوړ مقام ته رسويخو لټي د انسان نه غلام جوړوي.

²⁵اندېښمن زړه انسان په غم ککړويخو د زړه ښې خبرې انسان خوشحالوي.

²⁶نېک سړی د خپل ملګري په پېژندلو کې احتیاط کويخو د بدکارانو کړه وړه هغوی بې لارې کوي.

²⁷لټ انسان حتی خپل ښکار هم نه شي پخولیخو خواریکښ انسان خپل حاصلات زیاتوي.

²⁸د صداقت په لاره کې ژوندون دیاو په سمه لاره کې هېڅکله مرګ نشته.