متلونه 13

¹دد حکمت خاوند د خپل پلار نصیحت قبلويخو ملنډې وهونکی خپله ملامتیا نه مني.

²د ښه سړي د خولې له هوښیارو خبرو ښه خوند اخیستل کیږيخو د خاینانو زړونه د ظلم تږي دي.

³څوک چې ژبه په واک کې ساتي نو خپل ځان ساتيخو څوک چې بېځایه خبرې کوي نو خپل ځان تباه کوي.

⁴لټ انسان چې هرڅه غواړي ورته نه رسیږيخو د خواریکښ انسان غوښتنې تل پوره کیږي.

⁵نېک انسان له دروغو نه کرکه کويخو بدکاره انسان شرم او رسوایي راولي.

⁶صداقت د پاک انسان لارې ټینګې ساتيخو ګناه بدکاره انسان له منځه وړي.

⁷یو انسان خپل ځان شتمن ښایي خو هېڅ نه لريبل انسان خپل ځان غریب ښایي خو هرڅه لري.

⁸د یو انسان شتمني د هغه د ژوند کفاره ورکولای شيخو غریب انسان ته هېڅ ګواښ نشته.

⁹د نېکانو ژوند د لمر د رڼا په څېر ځلیږيخو د بدکارانو ډېوه مخ په مړه کېدو وي.

¹⁰کبر او غرور حتمي جنجال پیدا کويحکمت له هغه چا سره وي څوک چې لارښوونه مني.

¹¹کوم مال دولت چې د باد په شان راځي نو د باد په شان فنا کیږيخو کومه شتمني چې ورو ورو لاسته راځي نوره هم زیاتیږي.

¹²کومه هیله چې نه پوره کیږي نو زړه ورسره ماتیږيخو کومه غوښتنه چې پوره کیږي د ژوندانه ونه ترې جوړیږي.

¹³څوک چې کلام سپک ګڼي د تاوان سره مخامخ کیږيخو څوک چې حکمونو ته په درنه سترګه ګوري انعام مومي.

¹⁴د حکمت د خاوند تعلیم د ژوند سرچینه دهچې انسان د مرګ له دامونو څخه ژغوري.

¹⁵پوهه او هوښیاري انسان ته عزت ورکويخو د خیانت کوونکو لارې د کنډو کپرو په څېر سختې دي.

¹⁶ځیرک انسان د خپلې پوهې په وسیله کار کويخو کم عقل سړی خپل جهالت ښکاره کوي.

¹⁷بدکاره استازي د مصیبت سره مخامخ کیږيخو وفادار پیغام راوړونکی د شفا سبب ګرځي.

¹⁸څوک چې نصیحت له پامه غورځوي هغه به غریب او شرمنده شيخو څوک چې ملامتیا مني هغه به عزتمن شي.

¹⁹کومه غوښتنه چې پوره کیږي نو روح خوشحالیږيخو کم عقلان د شرارت له لاس اخیستلو نه کرکه کوي.

²⁰د حکمت له خاوندانو سره مل شه نو حکیم به شېخو د کم عقلانو ملګرتیا سړي ته زیان رسوي.

²¹بدي په ګناهکارانو پسې ګرځيخو نېکمرغي د نېکانو په برخه وي.

²²ښه انسان خپلو لمسیانو ته میراث پرېږديخو د ګناهکارانو شتمني نېک انسان ته پاتې کیږي.

²³که د خوارانو خواره ځمکه ډېر خواړه ورکويخو بې انصافه خلک دا هرڅه هم جارو کوي.

²⁴څوک چې له خپل زوی نه د ادب لښته لېرې ساتينو له هغه نه کرکه کويخو څوک چې په سختۍ د هغه د اصلاح دپاره لار لټوينو ورسره مینه کوي.

²⁵نېک انسان په مړه ګېډه ډوډۍ خوريخو د بدکارانو نس به تل وږی وي.