متلونه 14

¹هوښیاره ښځه خپل کور ودانويخو جاهله ښځه خپل کور په خپل لاس ورانوي.

²څوک چې له څښتن څخه وېریږي هغه په سمه لار ځيخو څوک چې په غلطو لارو روان وي څښتن سپکوي.

³د جاهل له کبرجنې ژبې نه د سزا شنه لښته جوړیږيخو د هوښیارانو د خولې خبرې له هغوی ساتنه کوي.

⁴چېرته چې څاروي نه وي هلته اخور خالي ويخو د غویي په زور ډېر حاصل لاسته راځي.

⁵رښتینی شاهد هېڅکله دروغ نه وایيخو دروغجن شاهد تل دروغ بادوي.

⁶ملنډې وهونکی حکمت لټوي خو هېڅ نه موميخو د عقل خاوند علم په اسانۍ لاسته راوړي.

⁷له کم عقل نه لېرې لاړ شهځکه چې له خولې نه به یې علم حاصل نه کړې.

⁸ځیرک انسان په خپل حکمت خپله لار پېژنيخو د کم عقلانو جهالت د ګمراهۍ سبب ګرځي.

⁹جاهل د ګناه د تاوان په نذرانه پورې خانديخو صادقان د څښتن رضا او خوشحالي غواړي.

¹⁰یوازې د انسان زړه په خپل خفګان ښه پوهیږياو هېڅوک د هغه په خوشحالۍ کې برخه نه شي اخیستلی.

¹¹د بدکارانو کور به وران شيخو د صادقانو خېمه به ودانه شي.

¹²د یو انسان په نظر یوه لار سمه ښکاريخو په اخر کې هغه په مرګ پای ته رسیږي.

¹³حتی په خندا کې زړه هم خفه کیږياو د خوشحالۍ په اخر کې خفګان پاتې کیږي.

¹⁴له سمې لارې نه مخ اړوونکی به د خپل کار حاصل وګوريخو نېک انسان به د خپل عمل په مېوه نور هم موړ شي.

¹⁵ساده سړی په هرڅه باندې باور کويخو ځیرک انسان د هر قدم په اخیستلو کې فکر کوي.

¹⁶د حکمت خاوند په احتیاط له بدو نه خپل ځان ساتيخو کم عقل انسان په ځان ډاډمن او د هېڅ شی پروا نه لري.

¹⁷غوسه ناک خلک د جهالت کارونه کوياو له مکرجن انسان نه خلک کرکه کوي.

¹⁸جهالت د ساده خلکو په نصیب ويخو د ځیرکه خلکو په سر به د علم تاج وي.

¹⁹بدکاران به د ښو خلکو په مخکې سر ټیټې شياو شر اچوونکي به د نېکانو په دروازو کې په ګونډو شي.

²⁰د مسکین انسان نه خپل ګاونډي هم کرکه کويخو شتمن انسان ډېر دوستان لري.

²¹څوک چې خپل ګاونډي سپک ګڼي نو ګناه کوياو بختور دی هغه څوک چې په عاجزانو رحم کوي.

²²څوک چې بدې ارادې لري بې لارې کیږيخو څوک چې نېکې ارادې لري نو مینه او وفا یې په برخه کیږي.

²³ټول سخت کارونه د آبادۍ سبب ګرځيخو تشې خبرې حتمي نېستي راولي.

²⁴د هوښیارانو دولت د هغوی د سر تاج دیخو د کم عقلانو ناپوهي د هغوی جهالت دی.

²⁵رښتینی شاهد د خلکو ژوند ژغوريخو د دروغجن له خولې نه د ټګۍ خبرې راوځي.

²⁶له څښتن څخه وېره د انسان دپاره د امن ټینګه کلا دهاو د هغه د اولادونو دپاره کلکه پناه ګاه ده.

²⁷له څښتن څخه وېره د ژوند سرچینه دهچې انسان د مرګ له دامونو څخه ژغوري.

²⁸د پاچا شان او شوکت په ډېرو خلکو جوړ ويخو بې ولسه مشر له تباهۍ سره مخامخ کیږي.

²⁹څوک چې زر نه په قهریږي د ډېرې پوهې خاوند ويخو غوسه ناک سړی خپل جهالت ښکاره کوي.

³⁰ارام فکر بدن ته روغتیا ورکويخو کینه هډوکي وراسته کوي.

³¹څوک چې په غریبانو ظلم کوي نو د هغوی د خالق سپکاوی کويخو څوک چې په مظلومانو رحم کوي نو د خالق درناوی کوي.

³²بدکاره انسان په خپلو عملونو ځان تباه کويخو نېک انسان د مرګ په خوله کې هم پناه اخلي.

³³حکمت د عقلمن انسان په زړه کې تلپاتې وياو د کم عقلانو په منځ کې هم خپل ځان څرګندوي.

³⁴په صداقت سره یو قوم سرلوړی کیږيخو ګناه د هغوی د رسوایۍ سبب ګرځي.

³⁵پاچا د هوښیار خدمتګار څخه خوشحالیږيخو څوک چې د شرم کارونه کوي د هغه د قهر سبب کیږي.