متلونه 15

¹نرم ځواب د غوسې اور سړويخو سخته خبره سمدلاسه د قهر لمبې پورته کوي.

²د هوښیارانو ژبه علم ته ښایست ورکويخو د کم عقلانو له خولې نه جهالت توییږي.

³هرځای د څښتن تر نظر لاندې دیاو په ښو او بدو باندې ټینګ پام ساتي.

⁴نرمه ژبه د ژوندانه د ونې په څېر دهخو سخته ژبه زړه ماتوي.

⁵جاهل انسان د خپل پلار نصیحت سپک ګڼيخو ځیرک سړی تل ملامتیا مني.

⁶د نېک سړي په کور کې لویه خزانه ويخو د بدکاره شتمني د تکلیف سبب ګرځي.

⁷علم د هوښیارانو په خوله خپریږيخو د کم عقلانو په زړونو کې رښتینولي نه وي.

⁸څښتن د بدکارانو له قربانۍ نه کرکه کويخو د صادقانو په دعا خوشحالیږي.

⁹څښتن د بدکارانو له چلند نه کرکه کويخو څوک چې په صداقت پسې روان وي ورسره مینه کوي.

¹⁰د سمې لار نه مخ اړوونکی به له سختې سزا سره مخامخ شياو څوک چې له ملامتیا او رټنې نه کرکه کوي نو هغه به مړ شي.

¹¹څښتن ته قبر او د تباهۍ کنده دواړه ښکارينو د انسانانو زړونه به ورته څومره ښکاره وي؟

¹²ملنډې وهونکی اصلاح نه خوښوياو د هوښیارانو له مشورې نه ځان لېرې ساتي.

¹³خوشحاله زړه مخ نوراني کويخو پرېشانه زړه روح ماتوي.

¹⁴عقلمن انسان د علم تږی ويخو کم عقل د جهالت وږی وي.

¹⁵د مظلومانو د ژوند ټولې ورځې سختې ويخو خوشحاله زړه هر وخت له ژوند نه خوند اخلي.

¹⁶د څښتن له وېرې سره لږه شتمني ښه دهله هغو ډېرو خزانو نه چې ورسره وېره او اندېښنه وي.

¹⁷له مینې سره سابه او سوکړک خوړل ښه ديد هغې غوړې غوښې نه چې ورسره کرکه وي.

¹⁸غوسه ناک سړی جنجال جوړويخو څوک چې زر نه په قهریږي شخړې سړوي.

¹⁹د لټ سړي په لار کې د اغزو ډک انګړ ويخو د صادقانو لاره د پوخ سرک په شان هواره وي.

²⁰هوښیار زوی خپل پلار خوشحالويخو کم عقل سړی د خپلې مور سپکاوی کوي.

²¹ناپوهه انسان له جهالت نه خوند اخليخو د پوهې خاوند په سمه لار روان وي.

²²له مشورې پرته ټولې نقشې شنډیږيخو له ډېرو مشوره ورکوونکو سره بریالې کیږي.

²³انسان په مناسب ځواب ورکولو خوشحالیږينو په مناسب وخت کې سمه خبره کول څومره ښه وي.

²⁴د هوښیارانو لار انسان تلپاتې ژوند ته بیایياو هغه د قبر په لور د لاندې تګ نه ساتي.

²⁵څښتن د کبرجنو کور ورانويخو د کونډې د جایداد پوله ټینګه ساتي.

²⁶څښتن د بدکارانو له فکرونو نه کرکه کويخو مهربانې خبرې پاکې ګڼي.

²⁷څوک چې په ناروا ګټې پسې ګرځيخپلې کورنۍ ته مصیبت رسويخو څوک چې له رشوت نه کرکه کويهغوی به ژوندي پاتې شي.

²⁸نېک سړی له ځواب ورکولو نه مخکې فکر کويخو د بدکارانو له خولې نه بدې خبرې راوځي.

²⁹څښتن له بدکارانو نه لېرې دیخو د نېکانو دعاګانې تل اوري.

³⁰په ورین تندي کتل زړه ته خوشحالي ورکوياو د ښې خبرې اورېدل بدن تازه کوي.

³¹څوک چې جوړوونکې نیوکې ته غوږ نیسينو د هوښیارانو په ډله کې شمېرل کیږي.

³²څوک چې له نصیحت نه ډډه کوي خپل ځان سپکويخو څوک چې ملامتیا مني نو عقل او پوهه حاصلوي.

³³له څښتن څخه وېره انسان ته د حکمت ډک نصیحت دیاو عاجزي د سرلوړۍ سبب ده.