متلونه 16

¹انسان په خپل زړه کې ډېرې نقشې جوړويخو وروستۍ خبره د څښتن په لاس کې ده.

²د انسان په نظر خپلې ټولې لارې پاکې ښکاريخو څښتن د زړونو په رازونو قضاوت کوي.

³خپل ټول کارونه څښتن ته وسپارهنو ستا نقشې به بریالې شي.

⁴څښتن هرڅه د خپل مقصد دپاره پیدا کړي دياو حتی بدکاران یې د تباهۍ د ورځې دپاره پیدا کړي دي.

⁵څښتن له ټولو کبرجنو خلکو نه کرکه کوياو باور ولره چې بې سزا به پاتې نه شي.

⁶د مینې او وفادارۍ له امله ګناه بخښل کیږيد څښتن له وېرې انسان له بدۍ او بلاګانو ساتل کیږي.

⁷کله چې څښتن د انسان له کړو نه راضي وينو دښمنان یې هم له هغه سره په امن کې وي.

⁸په صداقت سره لږه ګټه ښه ويله هغې ډېرې ګټې نه چې په بې انصافۍ سره وي.

⁹انسان په زړه کې ځان ته د تګ لارې جوړويخو څښتن د هغه د قدمونو لارښوونه کوي.

¹⁰د پاچا خبرې د وحې په څېر دياو په قضاوت کې هېڅ بې انصافي نه کوي.

¹¹سمه تله او تول د څښتن د قضاوت نښه دهاو د وزن کولو دپاره یې ټول کاڼي جوړ کړي دي.

¹²پاچاهان د بدو کارونو نه کرکه کويځکه د پاچاهۍ تخت یې د عدالت په بنیاد ولاړ دی.

¹³پاچاهان په رښتینو خبرو خوشحالیږياو له هغه چا سره مینه کوي چې رښتیا وایي.

¹⁴د پاچا غوسه د مرګ پیغام دیخو د حکمت خاوند د هغه قهر سړوي.

¹⁵د پاچا په ورین تندي کې د ژوندون زېری وياو رحم یې د پسرلي د ورېځې په څېر باران وروي.

¹⁶د حکمت حاصلول له سرو زرو نه څو چنده بهتر دياو عقل لاسته راوړل له سپینو زرو نه غوره دي.

¹⁷د صادقانو سمه لار انسان د بدۍ او بلا نه ساتيڅوک چې خپلې لارې ته پام کوي نو خپل ځان ساتي.

¹⁸مغرور تباه کیږيکبرجن راغورځیږي.

¹⁹ښه ده چې انسان عاجز وي او د غریبانو سره اړیکې ولريله دې نه چې د مغرورانو سره په غنیمت کې شریک شي.

²⁰بریالی دی هغه څوک چې کلام اورياو بختور دی هغه چې په څښتن باور کوي.

²¹د حکمت خاوند له خپل عقل څخه پېژندل کیږياو خوږه ژبه په زده کړه کې ډېره قناعت بخښونکې وي.

²²څوک چې هوښیاري لري هغه یې د ژوند سرچینه دهخو جهالت د جاهلانو دپاره د سزا لښته ده.

²³د حکمت د خاوند زړه د هغه ژبه هوښیارويچې هرې خبرې ته یې په قناعت ورکولو کې ګټه رسوي.

²⁴مهربانې خبرې د شاتو د مچیو د ډک چک په شان ديچې د روح دپاره خواږه او د بدن دپاره شفا ده.

²⁵د یو انسان په نظر یوه لار سمه ښکاريخو په اخر کې هغه په مرګ پای ته رسیږي.

²⁶د یو مزدور لوږه هغه سخت کار ته مجبوروياو وږې ګېډه سړی نور ډېر کار ته هڅوي.

²⁷بېکاره انسان بدې نقشې جوړوياو خبرې یې د اور په شان سوځول کوي.

²⁸بې لارې سړی شخړو ته لمن وهياو غیبت کوونکی نژدې دوستان جدا کوي.

²⁹ظالم خپل ملګری بې لارې کوياو بدې لارې ته یې هڅوي.

³⁰څوک چې سترګې او وروځې وهي بدې نقشې جوړوياو د شونډو په چیچلو نورو ته تاوان رسوي.

³¹سپین ویښته د عزت تاج دیچې د صداقت له لارې تر لاسه کیږي.

³²څوک چې زر نه په قهریږي له یو قوي جنګیالي نه ښه دید خپلې غوسې سړوونکی د یو ښار له فتح کوونکي نه بهتر دی.

³³انسان خو پچه میدان ته اچويخو وروستۍ پرېکړه د څښتن په لاس کې ده.