متلونه 19

¹هغه غریب چې خپل ژوند په صداقت تېرويله هغه چا نه ښه دی چې کم عقل او دروغجن وي.

²له علم پرته د خپلو غوښتنو ښکاره کول ښه کار نه دیځکه څوک چې بیړه کوي خپله لار خطا کوي.

³انسان په خپل جهالت ځان تباه کوياو بیا ګناه او ملامتیا په څښتن اچوي.

⁴شتمن سړی ډېر دوستان پیدا کويخو غریبي له انسان نه خپل ورور هم جدا کوي.

⁵دروغجن شاهد به بې سزا پاتې نه شياو څوک چې دروغ بادوي د سزا نه به خلاص نه شي.

⁶ډېر خلک له مشرانو نه مرسته غواړياو د تحفې ورکوونکي سره هرڅوک دوستي کوي.

⁷که د غریب سړي نه ټول خپلوان کرکه کوينو دوستان به څومره ترې ځان لېرې ساتياو حتی د خبرو کولو کوښښ یې هم ځای ته نه رسیږي.

⁸څوک چې پوهه حاصلوي نو د خپل ځان سره مینه کويبریالی دی هغه څوک چې پوهې ته په درنه سترګه ګوري.

⁹دروغجن شاهد به بې سزا پاتې نه شياو څوک چې دروغ بادوي هغه به تباه شي.

¹⁰که د کم عقل سره د عیش او عشرت ژوند ښه نه ښکارينو په شهزادګانو به د غلام حکومت کول څومره نامناسبه وي.

¹¹هوښیاري انسان له غوسې نه لېرې ساتياو څوک چې د بل په ګناه پرده اچوي سرلوړې به شي.

¹²د پاچا قهر د غړمبېدونکي زمري په څېر دیخو رحم یې د پرخې په شان په شنو واښو وریږي.

¹³کم عقل زوی د خپل پلار دپاره لوی مصیبت دیاو د جګړه مارې ښځې جنګ د تل څڅېدونکي چت په څېر دی.

¹⁴کور او مال د مور او پلار نه په میراث پاتې کیږيخو هوښیاره ښځه د څښتن له خوا ښه تحفه ده.

¹⁵لټي په انسان دروند خوب راولياو ناراسته انسان وږی پاتې کیږي.

¹⁶څوک چې د څښتن په حکمونو عمل کوي نو خپل ځان ساتيڅوک چې د هغه لارو ته په سپکه سترګه ګوري نو مړ به شي.

¹⁷څوک چې په غریب رحم کوي لکه څښتن ته چې پور ورکوياو څښتن به ورته د دې اجر ورکوي.

¹⁸په پوره امید خپل زوی ته نصیحت کوههسې نه چې په اخر کې یې ژوند تباه شي.

¹⁹پرېږده چې غوسه ناک انسان د خپل قهر نتیجه وګوري.که یوځل یې د سزا نه وژغورې نو بیا به یې تل ژغورې.

²⁰لارښوونه قبوله کړه او نصیحت واورهنو په اخر کې به د حکمت خاوند شې.

²¹د انسان په زړه کې ډېرې نقشې ويخو هغه څه کیږي چې د څښتن خوښه وي.

²²مینه او وفا د انسان ښکلا دهاو یو غریب انسان د دروغجن نه غوره دی.

²³له څښتن څخه وېره انسان ته ژوند وربخښياو په مړه ګېډه شپه تېروياو د هرې بلا نه یې خوندي ساتي.

²⁴لټ انسان کاسې ته لاس غزولی شيخو خپله مړۍ خولې ته وړلی نه شي.

²⁵ملنډې وهونکي ته په لښته سزا ورکړهچې د ساده سړي د عبرت سبب شياو که د عقل خاوند اصلاح کړېهغه به نور هم علم حاصل کړي.

²⁶څوک چې په پلار لاس اوچتوي او مور له کوره شړينو داسې زوی شرم او رسوایي راوړي.

²⁷نو ای زما زویه! که ته نصیحت ته غوږ ونه نیسېنو د علم د خبرو نه به بې لارې شې.

²⁸بدکاره شاهد په انصاف پورې خندا کوياو بدکاران د شرارت نه خوند اخلي.

²⁹د ملنډو وهونکو دپاره سزا دهاو د کم عقلانو د ملا دپاره لښته ده.