متلونه 20

¹شراب څښل انسان مسخره کوي او نشه شور او شخړې پیدا کوينو هرڅوک چې په دې اخته شي د حکمت خاوند به نه شي.

²د پاچا غوسه د غړمبېدونکي زمري په څېر وېره پیدا کويڅوک چې هغه راپاروي نو خپل ځان تباه کوي.

³د جنګ نه ځان ویستل انسان ته عزت ورکويخو هر جاهل سړی زر جګړې جوړوي.

⁴لټ انسان د کښت په موسم کې قلبه نه کوياو د لو په وخت کې چې هر شی لټوي هېڅ نه مومي.

⁵د انسان د زړه خیالونه د ژورې څاه د اوبو په شان ديخو د پوهې خاوند هغه ترې نه بهر راوباسي.

⁶ډېر خلک د وفادارۍ دعوه کويخو هېڅوک یو وفادار انسان پیدا کولای نه شي.

⁷نېک انسان خپل ژوند په صداقت تېروياو راتلونکی نسل به یې تل بختور وي.

⁸کله چې یو پاچا د قضاوت په تخت کښېنينو څه چې یې په نظر بد وي د بوسو په څېر یې بادوي.

⁹څوک ویلی شي چې زما زړه پاک دیاو زه پاک او بې ګناه یم؟

¹⁰په ټګۍ سره اندازه کول او په غلطو کاڼو وزن کولدواړه د څښتن د کرکې سبب ګرځي.

¹¹حتی یو ماشوم هم په خپل سلوک سره ځان داسې ښایيچې ګوندې کارونه یې پاک او رښتیني دي.

¹²غوږونه چې اوري او سترګې چې ګوريدواړه څښتن جوړ کړي دي.

¹³که د خوب سره مینه کوې خوار به شېنو تل ویښ اوسه چې په ګېډه موړ شې.

¹⁴اخیستونکی تل دا شکایت کوي چې «دا ښه نه دی! دا ښه نه دی!»خو کله یې چې واخلي نو بیا وایي: «ښه سودا مې وکړه!»

¹⁵سره زر او قیمتي غمي ډېر زیات پیدا کیږيخو هغه شونډې چې د علم خبرې کوي نه مندونکې ګاڼه ده.

¹⁶که څوک د یو پردي سړي ضمانت کوينو کالي دې ترې ګرو واخلياو بیا دې د پردیو په ضمانت کېد ځان سره امانت وساتي.

¹⁷حرامه ډوډۍ خوږه ويخو وروسته یې خوله د خاورو ډکیږي.

¹⁸خپلې نقشې تل په مشوره جوړوهاو له ښې مشورې پرته جنګ ته مه ځه.

¹⁹غیبت کوونکی د نورو راز ښکاره کوينو له بېځایه خبرلوڅ انسان نه ځان لېرې ساته.

²⁰څوک چې په خپل مور او پلار لعنت وایينو د ژوند ډېوه به یې په توره تیاره کې مړه شي.

²¹کوم میراث چې زر تر لاسه کیږينو په اخر کې به د برکت وسیله نه وي.

²²داسې مه وایه چې زه به د دې بدیو بدل اخلم.څښتن ته صبر وکړه چې ستا بدل واخلي.

²³څښتن په غلطو کاڼو وزن کولو نه کرکه کوينو د تلې غلط استعمال بد کار دی.

²⁴د انسان د ژوند لاره څښتن ټاکلې دهنو بیا څنګه څوک خپله لار پېژندلی شي؟

²⁵څوک چې په بیړه نذر مني او بیا فکر کوينو خپل ځان په دام کې نښلوي.

²⁶هوښیار پاچا بدکاران د غنمو په شان غوبل کوياو له ښو خلکو نه یې بېلوي لکه باد چې بوس بادوي.

²⁷د څښتن څراغ د انسان د روح لټون کويچې د هغه د زړه ټول رازونه ښکاره کوي.

²⁸مینه او وفا د یو پاچا کلکه ساتنه کويچې د مهربانۍ له امله به یې تخت تل ټینګ وي.

²⁹د ځوانانو عزت د هغوی قوت او قدرت دیاو سپین ویښته د مشرانو شان او شوکت دی.

³⁰د ادب لښته شرارت لېرې کوياو د اصلاح زخمونه د انسان زړه دننه پاکوي.