متلونه 21

¹د پاچا زړه د اوبو د ویالې په څېر د څښتن په لاس کې دیکوم طرف ته چې یې خوښه وي هلته یې بیایي.

²د انسان په نظر خپلې ټولې لارې سمې ښکاريخو څښتن د زړونو په رازونو قضاوت کوي.

³څښتن د قربانۍ نهعدالت او انصاف کول ډېر خوښوي.

⁴د بدکارانو کبرجنې سترګې او مغروره زړونهد خوارې ځمکې د حاصل په شان دي.

⁵د خواریکښ انسان نقشې د آبادۍ سبب ګرځيخو ډېره بې صبري انسان ته نېستي راوړي.

⁶په دروغجنه ژبه شتمني ګټل داسې ديلکه د مرګ په اخرنۍ سلګۍ پسې ګرځېدل.

⁷د بدکارانو ظلم به هغوی د تباهۍ په لور راکاږيځکه چې هغوی له هر ښه کار نه انکار کوي.

⁸د ګناهکار انسان لار کږه وږه ويخو د پاک سړي کارونه رښتیني وي.

⁹د کوټې د سر دپاسه په یو کنج کې اوسېدلد جګړه مارې ښځې سره په کور کې د اوسېدلو نه ښه دی.

¹⁰بدکاره انسان د بدۍ وږی وياو په بل چا هېڅ رحم نه کوي.

¹¹کله چې ملنډې وهونکي ته سزا ورکول کیږينو ساده سړی ترې حکمت حاصلوياو کله چې هوښیار ته لارښوونه وشينو نور علم تر لاسه کوي.

¹²عادل خدای د بدکاره کورنۍ د نژدې څخه وینياو په بدکارانو باندې بلا او تباهي راولي.

¹³څوک چې د غریبانو فریاد ته خپل غوږونه بند کړينو د هغه خپل فریاد به هېڅوک هم وانه وري.

¹⁴په پرده کې تحفه ورکول د غوسې اور سړوياو په پټه رشوت ورکول سړی د سخت غضب نه ساتي.

¹⁵عادل په انصاف کولو خوشحالیږيخو شر اچوونکي ترې وېریږي.

¹⁶څوک چې د هوښیارۍ د لارې نه بې لارې شينو هغه به د مړو په ډله کې وشمېرل شي.

¹⁷څوک چې عیش او عشرت خوښوي نېستمن به شيڅوک چې شراب او کڅپرکی خوښوي نو شتمن به نه شي.

¹⁸د نېکانو په ځای به بدکاران قرباني شياو خاینان به د صادقانو په ځای سزا ومومي.

¹⁹د یوې جګړه مارې ښځې سره په غوسه کې اوسېدلو نهپه دښته کې ځانته اوسېدل ښه دي.

²⁰د هوښیار انسان کور د عطرو او د قیمتي خزانو نه ډک ويخو کم عقل چې څه ګټي هغه څټي.

²¹څوک چې نېکي کوي او په مهربانۍ پسې ګرځينو اوږد ژوند، نېکمرغي او عزت به تر لاسه کړي.

²²یو هوښیار انسان د جنګیالیو د ښارپه لویو دېوالونو ختلی شياو هغه کلک دېوالونه یې راغورځولی شيچې هغوی ورباندې ټینګ باور لري.

²³څوک چې خوله او ژبه په خپل واک کې ساتينو خپل ځان د سختۍ او تکلیف نه ساتي.

²⁴کبرجن او مغرور سړی به د ملنډې وهونکي په نوم مشهور شيچې چلند به یې تل د غرور او غوسې نه ډک وي.

²⁵د لټ انسان لوږه هغه د مرګ په لور بیایيځکه چې د کار کولو نه انکار کوي.

²⁶د هغه ټوله ورځ ډېرو شیانو ته سخت زړه کیږيخو نېک سړی سخاوت کوي او د سختۍ نه ځان ساتي.

²⁷که څښتن ته د بدکارانو قرباني د کرکې وړ وينو په بدنیتۍ سره قرباني ورکول به څومره نامناسبه وي.

²⁸دروغجن شاهد به تباه شيخو څوک چې نورو ته غوږ نیسي خبرې به یې تلپاتې وي.

²⁹د بدکاره سړي په مخ کې سپین سترګي ښکاريخو رښتینی انسان په خپله لار ډاډمن قدمونه پورته کوي.

³⁰هېڅ داسې حکمت، پوهه او انساني فکر نشتهچې د څښتن په خلاف بریالیتوب ته ورسیږي.

³¹اس د جنګ د ورځې دپاره تیاریږيخو بریالیتوب د څښتن په لاس کې دی.