متلونه 23

¹کله چې ته د اختیار د خاوند سره ډوډۍ خوړلو ته کښېنېنو ښه فکر وکړه چې ستا په مخکې څه دي.

²که ته ډېر خېټور انسان هم یېنو په خپله مرۍ دې چاړه کېږده

³او د خوندورو خوړو نه یې د یوې مړۍ تمه هم مه لرهځکه چې دا خوراک ستا د چل او تېرایستلو دپاره دی.

⁴د شتمنۍ د لاسته راوړلو دپاره ځان مه ستومانه کوههوښیار اوسه او د داسې کار نه ځان وساته

⁵ځکه ټوله شتمني به دېناڅاپه د باز په شان وزرې پرانیزياو د سترګو په رپ کې به اسمان ته والوزي او ختمه به شي.

⁶د شوم سړي ډوډۍ مه خورهاو د خوندورو خوړو نه یې د یوې مړۍ تمه هم مه لره

⁷ځکه هرڅه چې ته خورې هغه یې حسابوياو درته وایي چې راځه، ما سره وخوره او وڅښه!خو هغه د زړه له کومي دا خبره نه کوي.

⁸کومه مړۍ چې دې خوړلې ده هغه به بېرته وګرځوېاو ټولې خوږې خبرې به دې له منځه لاړې شي.

⁹کم عقل سړي ته هېڅکله نصیحت مه کوهځکه هغه ستا د هوښیارۍ کلام ته په سپکه سترګه ګوري.

¹⁰د ځمکې د حد پخوانۍ تیږه مه بېځایه کوهاو د یتیمانو ځمکه په ظلم مه نیسه

¹¹ځکه چې د دوی ساتونکی زورور دیاو هغه به د دوی حق ستا نه واخلي.

¹²د زړه له کومي نصیحت قبول کړهاو د علم او پوهې خبرو ته غوږ ونیسه.

¹³د خپل زوی په اصلاح کې لټي مه کوه.که ته یې په لښته ووهې نو مړ به نه شي.

¹⁴نو هغه ته په لښته سزا ورکړهچې روح یې د قبر نه وژغورل شي.

¹⁵نو ای زما زویه! که ته د حکمت خاوند شېنو زړه به مې ډېر خوشحاله شي

¹⁶او کله چې ته رښتینې خبرې کوېنو زړه مې د خوشحالۍ نه ټوپونه وهي.

¹⁷خپل زړه مه پرېږده چې له ګناهکارانو سره بخیلي وکړيبلکې هر وخت د څښتن نه په وېره کې اوسه

¹⁸نو باور ولره چې په راتلونکې کې ستا دپاره پوره امید دیاو هېڅکله به ستا هیلې له منځه لاړې نه شي.

¹⁹نو ای زما زویه! ماته غوږ ونیسه او هوښیار اوسهاو خپل زړه دې په سمه لار باندې ټینګ وساته.

²⁰د شرابیانو سره ناسته ولاړه مه کوهاو د خېټورو خلکو سره چې ډېره غوښه خوښوي مه ګرځه

²¹ځکه چې شرابیان او خېټور خلک به خوار شياو ډېر خوب به هغوی ته زاړه کالي واغوندي.

²²د خپل پلار خبرو ته دې غوږ ونیسه چې تاته یې ژوند درکړی دیاو د خپلې بوډۍ مور سپینو ویښتو ته په سپکه سترګه مه ګوره.

²³حقیقت حاصل کړه او هغه په بیه واخلهاو د پیسو په خاطر حکمت، نصیحت او عقل مه خرڅوه.

²⁴د نېک سړي پلار ډېر خوشحاله وياو هوښیار زوی د خپل پلار دپاره د خوښۍ سبب وي.

²⁵پرېږده چې ستا مور او پلار په تا خوښ اوسياو مور دې چې ته یې زېږولی یې خوشحالي وکړي.

²⁶نو ای زما زویه! خپل زړه دې ماته راکړهاو په ډېره خوشحالۍ زما په لارو قدم کېږده

²⁷ځکه زناکاره ښځه ستا دپاره ژوره کنده دهاو هغه د یوې تنګې څاه په څېر ده.

²⁸هغه د یو داړه مار په شان په کمین کې ناسته وياو د خلکو ترمنځ خیانت زیاتوي.

²⁹څوک دی چې افسوس کوياو څوک دی چې غمجن دی؟څوک دی چې شخړې جوړوياو څوک دی چې شکایت کوي؟څوک دی چې ناحقه زخمونه لرياو څوک دی چې سترګې یې سرې دي؟

³⁰دا هغه څوک دي چې تل شراب خورياو هر ډول شراب څښي او تل ورپسې ګرځي.

³¹د شرابو سور رنګ ته په شوق مه ګورهچې په پیاله کې ځلیږياو په اسانۍ له ستوني نه تېریږي

³²خو په اخر کې د مار په شان چیچل کوياو د منګري په څېر د زهرو ډک وي.

³³ستا سترګې به هر ډول حیرانوونکي شیان وینياو په زړه کې به دې ګډې وډې خبرې ګرځي.

³⁴د هغه چا په شان به شې چې د دریاب دپاسه خوب کوياو د څپو په سر پروت ټالۍ وهي.

³⁵ته به ووایې: «هغوی زه ووهلم خو زه دردمند نه شوم.زه یې وټکولم خو پوه پرې نه شوم.کله به راویښ شم چې د شرابو یوه بله پیاله وڅښم؟»