متلونه 24

¹د بدکارانو سره بخیلي مه کوهاو له هغوی سره د ملګرتیا تمه مه لره

²ځکه چې زړونه یې تل د تباهۍ نقشې جوړوياو شونډې یې د شرارت خبرې کوي.

³یو کور د حکمت په بنیاد ودانیږياو د پوهې په وسیله هغه ټینګ ودریږي

⁴او کوټې یې د علم په وسیلهد ښکلو او قیمتي خزانو نه ډکیږي.

⁵د حکمت د خاوند قدرت ډېریږياو د عالم قوت نور هم زیاتیږي.

⁶له ښو مشورو پرته جنګ ته مه ځهډېر مشوره ورکوونکي د بریالیتوب سبب ګرځي.

⁷جاهل انسان د حکمت لوړ مقام ته نه شي رسېدلیاو په جرګه کې خپله خوله نه شي خلاصولی.

⁸څوک چې بدې نقشې جوړوينو د فرېبکار په نوم به مشهور شي.

⁹د جاهلانو نقشې د ګناه نه ډکې وياو د ملنډو وهونکو نه خلک کرکه کوي.

¹⁰که د سختۍ په وخت کې خپل همت له لاسه ورکړېنو ته بیا ډېر کمزوری انسان یې.

¹¹د هغه چا په خلاصون کې سستي مه کوهچې د مرګ په لور راښکل کیږياو هغوی وژغورهچې حلالېدو ته وړل کیږي.

¹²که ته وایې چې مونږ له دې نه خبر نه وونو د زړونو د رازونو قضاوت کوونکی دې ته پام نه کوي؟هغه چې ستا د ژوند حفاظت کوي، په دې به پوه نه شي؟هغه به د هرچا د عمل سره سم بدل ورنه کړي؟

¹³ای زما زویه! نو شات خوره، ځکه چې دا ښه شی دیاو د مچیو د چک سوچه شات به ستا خوله خوږه کړي.

¹⁴نو همدا شان حکمت هم ستا د روح دپاره خوږ دی.که ته یې حاصل کړې نو په راتلونکې کې به ستا دپاره پوره امید وياو هېڅکله به ستا هیلې پای ته ونه رسیږي.

¹⁵د بدکارانو په شان مه اوسهچې د نېکانو د کور په خلاف په کمین کې ناست ويترڅو د هغوی د اوسېدلو کور لوټ او تالا کړي.

¹⁶که نېک انسان حتی اووه وارې ولویږي خو بیاهم پاڅیږيخو بدکاران په بدۍ او بلا اخته کیږي.

¹⁷کله چې ستا دښمن له پښو راولویږي خوند ترې مه اخلهاو که راغورځیږي نو خپل زړه دې مه خوشحالوه

¹⁸که څښتن ستا دا خوشحالي وویني ستا نه به ناراضه شياو د هغه نه به خپل غضب لېرې کړي.

¹⁹د بدکارانو په خاطر اندېښنه مه کوهاو د شر اچوونکو سره بخیلي مه کوه

²⁰ځکه چې د بدکاره انسان دپاره د راتلونکي امید نشتهاو د هغوی د ژوند ډېوه مخ په مړه کېدو ده.

²¹نو ای زما زویه! د څښتن او له پاچا څخه وېره لرهاو د هغو خلکو ملګرتیا مه کوه چې له اطاعت کولو نه اوښتي دي

²²ځکه چې مصیبت به په دوی ناڅاپه نازل شياو څوک پوهیږي چې هغوی به په دوی کوم ډول بلا نازله کړي؟

²³د حکمت خاوندانو دا خبرې هم کړې دي.د قضاوت په وخت کې د چا طرفداري ښه کار نه دی.

²⁴هرڅوک چې مجرم ته وایي چې ته بې ګناه یېنو قومونه به پرې لعنت ووايي او ولسونه به ترې کرکه وکړي

²⁵خو څوک چې مجرم ملامتوينو بری او برکت به یې په برخه شي.

²⁶څوک چې ښکاره او روښانه ځواب ورکويلکه رښتینی ملګری چې څوک په مخ ښکلوي.

²⁷لومړی خپل کاروبار قوي کړهاو ځمکه دې وکرهاو بیا خپل کور ودان کړه.

²⁸له ثبوت پرته د بل چا په خلاف شاهدي مه ورکوهاو هېڅکله د هغه په هکله د دروغو هڅه مه کوه

²⁹او داسې مه وایه: «زما سره یې څه کړي ديزه به ه��داسې ورسره وکړم او خپل بدل به ترې واخلم.»

³⁰زه د یو لټ سړي په پټي تېر شوماو د یو ناپوهه سړي د انګورو باغ مې ولید

³¹چې په هرځای کې یې اغزي راختلي وواو ځمکه یې په هر ډول واښو پوښل شوې وهاو د تیږو دېوالونه یې راغورځېدلي وو.

³²کله چې ما دا هرڅه وکتل نو په فکر کې ډوب شوماو څه چې ما ولیدل د هغې نه مې داسې عبرت واخیست:

³³که لټ سړی وایي: «نور به هم ویده شماو لاس به د سر لاندې کېږدم چې ارام وکړم»

³⁴نو غریبي به د داړه مار په شان په هغه راشياو نېستي به د وسله وال غل په څېر ورباندې یرغل وکړي.