متلونه 25

¹دا هم د سلیمان هغه متلونه دي چې د یهودا د پاچا حزقیا کاتبانو راټول کړي دي.

²دا د خدای لویي ده چې رازونه پټ ساتيد یوې موضوع څېړل د پاچا لویي ښکاره کوي.

³لکه څنګه چې اسمان لوړ او ځمکه ژوره دههمداسې د پاچاهانو د زړونو رازونه هم پټ دي.

⁴د سپینو زرو نه ناپاکي لېرې کړهچې زرګر ترې ښایسته لوښی جوړ کړي.

⁵د پاچا له حضور نه بدکاران لېرې کړهچې تخت یې د عدالت په بنیاد ټینګ پاتې شي.

⁶د پاچا په حضور کې ځان لوړ مه ګڼهاو د لویو خلکو په ځای مه کښېنه

⁷نو دا به ښه وي چې هغه تاته ووایي:«راشه او زما په خوا کې کښېنه»له دې نه چې د مشرانو په مخکې دې سپک کړياو په لاندې ځای کې دې کښېنوي.څه چې تا په خپلو سترګو لیدلي دي

⁸نو په محکمه کې په ویلو بیړه مه کوههسې نه چې تا ملامته او بیا دې رسوا کړي.که داسې وشي نو په اخر کې به ته څه کوې؟

⁹په یوه دعوه کې د هرچا سره مخامخ بحث کوهاو د بل چا راز ورته مه ښکاره کوه

¹⁰هسې نه چې څوک یې واوري او تا وشرموياو بدنامي به دې هېڅکله ختمه نه شي.

¹¹په ځای خبره داسې دهلکه د سپینو زرو په ګاڼه کې چې د سرو زرو مرۍ وي.

¹²د حکمت د خاوند نصیحت، اورېدونکي ته داسې دیلکه په غوږ کې د خالصو سرو زرو غوږوالۍ او یا ګاڼه وي.

¹³صادق استازی د خپل لېږونکي دپاره داسې دیلکه د لو په وخت کې چې د غرونو د واورې یخوالی ويچې د خپل بادار روح تازه کوي.

¹⁴څوک چې د تحفې ورکولو لاپې وهي او نه یې ورکويلکه د هغې ورېځې او باد په شان دی چې باران نه وروي.

¹⁵د صبر په وسیله یو حکمران هم رضا کیږياو نرمه ژبه هډوکي ټوټې ټوټې کوي.

¹⁶که شات پیدا کړې نو د اړتیا نه ډېر مه خورههسې نه چې زیات وخورې او زړه دې بد شي.

¹⁷د خپل ګاونډي کور ته ډېر مه ورځههسې نه چې زړه یې بد شي او ستا نه کرکه وکړي.

¹⁸څوک چې د بل په خلاف د دروغو تور لګويلکه د لور یا تورې او یا تېره غشي په څېر زیان رسوي.

¹⁹د سختۍ په وخت کې په بې اعتباره سړي باور کول داسې ديلکه په خوځېدلي غاښ خوړل او یا په ګوډه پښه ګرځېدل.

²⁰د مات زړه خاوند ته د خوشحالۍ سندرې ویل داسې ديلکه د یخنۍ په ورځ د چا نه څادر اخیستلاو یا یې په زخمونو باندې مالګه شیندل.

²¹که ستا دښمن وږی وي نو هغه ته خواړه ورکړه چې ویې خورياو که چېرې تږی وي نو هغه ته اوبه ورکړه چې ویې څښي

²²په دې کار به ته د هغه په سر باندې اور بل کړېاو څښتن به تاته اجر درکړي.

²³لکه څنګه چې د شمال باد باران راوليهمداسې غیبت د سړي په مخ کې غوسه پیدا کوي.

²⁴د کوټې د سر دپاسه په یو کنج کې اوسېدلد جګړه مارې ښځې سره په کور کې د اوسېدلو نه ښه دی.

²⁵د لېرې ځای نه د خوشحالۍ زېري اورېدل داسې ديلکه تږي سړي ته یخې اوبه ورکول.

²⁶د یو نېک انسان بدکارانو ته تسلیمېدللکه د خټو نه ډکه چینه او د څاه چټلېدل.

²⁷لکه څنګه چې د ډېرو شاتو خوړل ښه کار نه دیهمداسې د ځان دپاره عزت او درناوی غوښتل ښه کار نه دی.

²⁸څوک چې د خپل نفس مخنیوی نه شي کولای داسې دیلکه یو ښار چې دېوالونه یې سوري او وران شوي وي.