متلونه 27

¹د سبا ورځې د بریالیتوب په هکله لاپې مه وههځکه ته نه پوهېږې چې سبا به څه کیږي.

²دا به ښه وي چې نور خلک ستا ستاینه وکړيهسې نه چې ته په خپله د ځان ستاینه وکړې.

³کاڼي درانه او شګې درنې ديخو جاهل چې کومه غوسه راپاروي د دې نه هم درنه ده.

⁴غوسه ظالمه او غضب د سېلاب په څېر دیخو د کینې او غیرت په مخکې هېڅوک نه شي ټینګېدلی.

⁵له پټې مینې نهښکاره رټنه ښه ده.

⁶د دوست له لاسه زخمونه د وفادارۍ نښه دهخو د دښمن په ډېرو ښکلولو باور نشته.

⁷موړ انسان د شاتو نه هم کرکه کويخو د وږي دپاره ترخه خواړه هم خواږه وي.

⁸څوک چې له خپل کور نه بل ځای ته مسافر شيد هغې مرغۍ په شان ده چې له خپلې ځالې نه ورکه شوې وي.

⁹لکه څنګه چې عطر او خوشبویي د انسان زړه خوشحالوينو همداسې ښې مشورې دوستان خوشحالوي.

¹⁰د خپل ځان او خپل پلار دوستان مه پرېږدهاو د مصیبت په وخت کې د خپل ورور کور ته هم مه ځهځکه ستا نژدې ګاونډی د لېرې ورور نه ښه دی.

¹¹نو ای زما زویه! حکمت پیدا کړه او زما زړه خوشحاله کړهنو بیا زه هغه چا ته ځواب ورکولای شم چې زما سپکاوی کوي.

¹²ځیرک انسان چې بدي او بلا ویني نو خپل ځان ترې ساتيخو ساده سړی چې د هغې په لور روان وي نو سزا به یې ویني.

¹³که څوک د یو پردي سړي ضمانت کوينو کالي دې ترې ګرو واخلياو بیا دې د بل چا د ښځې په ضمانت کېد ځان سره امانت وساتي.

¹⁴که څوک سهار وختي په لوړ اواز په خپل ګاونډي سلام اچوينو دا به د ښکنځلو په څېر وګڼل شي.

¹⁵جګړه ماره ښځه د هغه بام سره برابره دهچې د باران په ورځ په پرله پسې توګه راڅاڅي

¹⁶نو د هغې منع کول داسې ديلکه د باد بندول او یا تېل په موټي کې نیول.

¹⁷لکه څنګه چې اوسپنه اوسپنه تېره کويهمداسې یو انسان بل انسان اصلاح کوي.

¹⁸لکه څنګه چې څوک د انځر د ونې پالنه کوينو د هغې مېوه هم خوريهمداسې که څوک د خپل بادار خیال ساتينو عزت حاصلوي.

¹⁹لکه څنګه چې انسان خپل مخ په اوبو کې وینيهمداسې د زړه سترګې د انسان شخصیت هم ویني.

²⁰لکه څنګه چې قبر او د تباهۍ کنده په مرګ نه مړیږيهمداسې د انسان سترګې هېڅکله هم نه مړیږي.

²¹لکه څنګه چې سره زر او سپین زر په اور ازمایل کیږيهمداسې د انسان شخصیت د هغه صفت کولو څخه معلومیږي.

²²که جاهل انسان په اونګ کې د تخم په شان وټکوېاو د ډانګ په وسیله یې د غلو دانو په څېر میده میده کړېخو جهالت به ترې بیاهم لېرې نه شي.

²³د خپلو رمو له حال نه ځان پوره خبروهاو په ښه توګه د خپلو پادو باندې پام کوه

²⁴ځکه مال او دولت د تل دپاره نه وياو تاج او تخت نورو نسلونو ته نه پاتې کیږي.

²⁵کله چې واښه ورېبل شي او نوي تنکي واښه راشنه شياو د غرونو شنه بوټي راټول او ذخیره شي

²⁶نو بیا به ستا پسونه د کالیو دپاره وړۍ درکړياو د وزو په خرڅولو سره به ځمکه واخلې

²⁷او بیا به ستا سره د وزو دومره ډېرې شیدې ويچې د کورنۍ ټول غړي به دې په ګېډه ماړه شياو د وینځو د ژوند دپاره به دې کافي وي.