متلونه 29

¹څوک چې د ډېرې رټنې نه وروسته بیاهم سرغړونه کوينو ناڅاپه به ټوټې ټوټې شي او د جوړېدو به نه وي.

²کله چې نېکان آبادیږي نو ټول خلک خوشحالیږيخو کله چې بدکاران واک ته رسیږي نو خلک خفه کیږي.

³څوک چې له حکمت سره مینه لرينو خپل پلار خوشحالويخو څوک چې د بدلمنو ښځو ملګرتیا کوينو خپل مال او دولت بربادوي.

⁴په عدالت کولو پاچا د خپل دولت امنیت ټینګويخو څوک چې ډېر مالیات راټولوي وطن ورانوي.

⁵څوک چې بل چا ته غوړه مالي کوينو د هغه د پښو دپاره جال غوړوي.

⁶شر اچوونکی د خپلې ګناه په دام کې نښليخو نېک انسان د خوشحالۍ سندرې وایي.

⁷نېک انسان د مسکینانو د حق پوره پام کويخو بدکاره انسان یې خیال نه ساتي.

⁸ملنډې وهونکي د اور د لمبو په شان ښارونه راپارويخو د حکمت خاوندان د غوسې اور سړوي.

⁹که د حکمت خاوند یو جاهل محکمې ته بوځينو جاهل به په غوسه شي او ملنډې به وهي او روغه جوړه به نه وي.

¹⁰د وینو تږي انسانان د پاک زړه د خاوند نه کرکه کوياو هڅه کوي چې صادقان ووژني.

¹¹کم عقل انسان خپله غوسه زر ښکاره کويخو د حکمت خاوند د غوسې اور سړوي.

¹²کوم واکدار چې د دروغو خبرو ته غوږ نیسينو ټول خدمتګاران به یې بدکاره شي.

¹³ظالم او مظلوم په یو صفت کې شریک ديځکه څښتن دواړو ته د ژوند روښانه سترګې ورکړې دي.

¹⁴هغه پاچا چې په وفادارۍ د مسکینانو سره انصاف کوينو د پاچاهۍ تخت به یې تل په ټینګ بنیاد ولاړ وي.

¹⁵د ادب لښته او سخته لارښوونه حکمت پیدا کويخو کوم اولاد چې ازاد ګرځي نو خپلې مور ته شرم راوړي.

¹⁶کله چې بدکاران واک ته رسیږي نو ګناهونه زیاتیږيخو نېکان به یې وګوري چې هغوی بربادیږي.

¹⁷خپل زوی اصلاح کړه نو تاته به سکون درکړياو د زړه ارمانونه به دې په خوشحالۍ پوره کړي.

¹⁸کله چې الهام نه وي نو ولس سرکښي کويخو بختور دی هغه څوک چې په قانون باندې عمل کوي.

¹⁹نوکر یوازې په نصیحت نه اصلاح کیږيسره له دې چې هغه ستا په خبرو پوهیږي خو پام ورته نه کوي.

²⁰څوک چې پرته له فکر کولو نه خبرې کوينو هغه د یو کم عقل نه هم بدتر دی.

²¹که څوک خپل نوکر د ځوانۍ نه نازولی اموخته کړينو په اخر کې به د خپل بادار د کور او مال مالک شي.

²²غوسه ناک انسان جنګ جګړې جوړوياو د غضب خاوند د ګناه اور ته لمن وهي.

²³کبر او غرور انسان له پښو غورځويخو د عاجزۍ خوی سړي ته عزت ورکوي.

²⁴د غلو ملګری د ځان دښمن دیځکه د قسم خوړلو نه وروسته بیاهم غلی پاتې کیږي.

²⁵څوک چې د انسان څخه وېره کوي په دام کې به ونښليخو څوک چې په څښتن باور کوي په امن کې به وساتل شي.

²⁶ډېر خلک د واکدارانو د مهربانۍ په لټون کې ديخو انصاف د څښتن په لاس کې دی.

²⁷نېکان د منافق انسان نه کرکه کوياو بدکاران د صادق انسان نه کرکه کوي.