متلونه 4

¹اَای زما زامنو! د خپل پلار نصیحت ته غوږ ونیسئاو هغه ته پام وکړئ چې عقل زده کړئ

²ځکه چې زه تاسو ته ښه تعلیم درکومنو زما ښوونه او روزنه مه هېروئ.

³کله چې زه د خپل پلار ځوان زوی وماو د خپلې مور په نظر یوازېنی او نازولی ماشوم وم

⁴پلار مې ماته لارښوونه کوله او راته ویل به یې:«زما خبرې دې په خپل زړه کې ټینګې وساتهاو زما په حکمونو عمل کوه چې نېکمرغه ژوند ولرې.

⁵حکمت حاصل کړه، عقل پیدا کړهزما کلام مه هېروه او مخ ترې مه اړوه.

⁶حکمت له لاسه مه ورکوه نو ستا ساتنه به کوياو ورسره مینه کوه نو ستا حفاظت به کوي.

⁷حکمت تر ټولو لوړ مقام لري نو حاصل یې کړهاو د خپلې ټولې شتمنۍ په بیه عقل تر لاسه کړه!

⁸په درنه سترګه ورته ګوره نو تا به سرلوړی کړي.که ورته غاړه ورکړې نو ته به عزتمن شې.

⁹ستا په سر به د افتخار شمله کېږدياو ښکلی تاج به در په سر کړي.»

¹⁰نو ای زما زویه! ماته غوږ شه او خبرې مې ومنهنو په دې کار سره به دې عمر ډېر شي.

¹¹تاته مې د حکمت لار وښودلهاو ته مې د صداقت په لارو روان کړې.

¹²په ګرځېدو کې به دې پښه په څه شي نه لګیږياو په منډه وهلو کې به نه ښویېږې.

¹³نصیحت ته مې غاړه کېږده او له لاسه یې مه ورکوهټینګه ساتنه یې وکړه ځکه چې هغه ستا ژوند دی.

¹⁴د بدکارانو په لار قدم مه ږدهاو د شر اچوونکو په لار تلل مه کوه.

¹⁵ځان ترې وساته او پرې مه ځهمخ ترې واړوه او ورڅخه تېر شه.

¹⁶ځکه دوی ته خوب نه ورځي چې چا ته یې زیان نه وي رسولیاو تر هغې نه ویده کیږي ترڅو چې بل یې نه وي غورځولی.

¹⁷شرارت ورته د ډوډۍ په شان وي چې تل یې خورياو ظلم ورته د شرابو په څېر دی چې تل یې څښي.

¹⁸خو د نېکانو لار د سباوون د رڼا په شان دهچې روښنایي یې زیاتیږي ترڅو د غرمې رڼا لګیږي.

¹⁹د بدکارانو لار د تورې تیارې په شان دهاو په دې نه پوهیږي چې د لوېدلو سبب یې څه دی.

²⁰نو ای زما زویه! خبرو ته مې پام کوهاو څه چې درته وایم نو په غور یې واوره.

²¹هغه له خپل نظر نه مه لېرې کوهاو د زړه په تل کې یې تل وساته.

²²څوک چې یې مني نو هغه ته اوږد ژوند ورکوياو ټول وجود ته یې شفا وربخښي.

²³له هرڅه نه لومړی د خپل زړه پوره پام ساتهځکه چې زړه دې د ټول ژوند سرچینه ده.

²⁴له خپلې خولې نه دې کږې وږې خبرې لېرې کړهاو له غولوونکو خبرو نه خپله ژبه وساته.

²⁵خپلې مخې ته سم او مخامخ ګورهاو سترګې دې هماغه لور ته ونیسه.

²⁶د خپلو قدمونو په لار پوره فکر وکړهنو بیا به دې د ژوند ټولې چارې ډاډمنې شي.

²⁷یو قدم هم ښي او کیڼ خواته مه ګرځهاو خپلې پښې له بدۍ نه لېرې وساته.