متلونه 5

¹ای زما زویه! زما د حکمت خبرو ته پام کوهاو د پوهې خبرو ته مې ښه غوږ ونیسه

²نو ته به د دې لایق شې چې خپله خوله پټه وساتېاو شونډې به دې علم ټینګ وساتي.

³د بدلمنې ښځې له شونډو نه شات څڅیږياو د خولې خبرې یې د زیتونو له تېلو نه غوړې دي

⁴خو په اخر کې د زهرو او زقوم په شان ترخه وياو خوله یې د دوه مخې تورې په څېر تېره وي.

⁵د داسې ښځې پښې د مرګ په لور روانې دياو مخامخ د ګور په لور قدمونه اخلي.

⁶هېڅکله د ژوند په سمه لار فکر نه کوياو نه پوهیږي چې لارې یې له سرګردانۍ ډکې دي.

⁷نو ای زما زامنو! ماته غوږ ونیسئڅه چې درته وایم، له هغه نه مخ مه اړوئ.

⁸ای زما زویه! له داسې ښځې نه ځان لېرې ساتهاو د کور دروازې ته یې هم مه ورنژدې کېږه

⁹هسې نه چې خپل عزت له لاسه ورکړېاو ځواني دې د بې رحمه انسان په لاس کې ولویږي

¹⁰او په شتمنۍ دې پردي ماړه شياو د زحمت نتیجه دې د بل چا کور ته لاړه شي.

¹¹کله چې دې د بدن غوښې له کټ نه وڅڅیږينو په اخر کې به فریادونه کوې

¹²او بیا به افسوس کوې چې «ولې مې نصیحت نه اورېدهاو څومره به مې زړه اصلاح سپکه ګڼله؟

¹³د خپلو ښوونکو خبره به مې نه منلهاو د خپلو استاذانو خبرو ته به مې غوږ نه نیوه.

¹⁴ناڅاپه د بربادۍ کندې ته وغورځېدماو د جرګې او خلکو په مخکې وشرمېدم.»

¹⁵یوازې له خپلې ذخیرې نه د مینې اوبه څښهلکه څنګه چې له خپلې څاه نه اوبه څښې.

¹⁶نو دا مناسب ده چې ستا د اوبو چینې دې په لارو کې تویې شياو د لښتیو په څېر دې په کوڅو کې روانې وي؟

¹⁷دا د مینې اوبه دې یوازې ستا وياو له پردیو سره دې شریکې نه شي.

¹⁸نو ستا د اوبو په چینه دې برکت شياو د ځوانۍ د وخت له خپلې ښځې نه دې خوند واخلې.

¹⁹هغه یوه مینه ناکه هوسۍ او ښکلې غرڅنۍ دهاو د بدن په ښکلا به یې هر وخت موړ شېاو د هغې مینه به دې تل سرګردانه کړي.

²⁰نو ای زما زویه! ولې د بل د ښځې په مینه کې سرګردانه یېاو د هغه د ښځې سره یو ځای غاړه په غاړه ویده کېږې؟

²¹نو د انسان ټولې لارې د څښتن تر نظر لاندې دياو هغه په خپله د انسان ټولې لارې چارې څاري.

²²د بدکاره انسان بدکاري هغه په دام کې نښلويچې د خپلې ګناه په رسۍ کې به ټینګ ونیول شي.

²³هغه به د اصلاح له نشتوالي نه مړ شياو د خپل جهالت له ډېروالي نه به سرګردانه شي.