متلونه 6

¹ای زما زویه! که د چا ضمانت دې په غاړه اخیستی ويیا دې د پردي سړي په قرض کې چا ته لاس ورکړی وي

²نو د خپلې ژبې د خبرې له امله په دام کې رانیول شوی یېاو د خپلې خولې د خبرو په لومه کې نښتی یې.

³نو ای زما زویه! بیا داسې وکړه چې ځان ترې وژغورهځکه چې ته د هغه سړي په لاسونو کې لوېدلی یې:هغه ته په ډېره عاجزۍ ورشه او عذر زاري ورته وکړه.

⁴مه ویده کېږهاو یوه شېبه هم ارام مه کوه.

⁵لکه د هوسۍ په شان ځان د ښکاري له منګولو وژغورهاو د مرغۍ په څېر ځان د دام لرونکي له لاسه خلاص کړه.

⁶ای لټ سړیه! د مېږي له ژوند نه عبرت واخلهد هغه په لارو چارو غور وکړه او حکمت پیدا کړه!

⁷میږی نه کوم قوماندان لرياو نه کوم مشر او نه کوم آمر لري

⁸خو د لو په وخت کې خپل خواړه راټولوياو په اوړي کې ځان ته خوراک ذخیره کوي.

⁹نو ته لټ به ترڅو پورې پروت یېاو کله به له خوبه راپاڅېږې؟

¹⁰که ته وایې: «نور به هم ویده شماو لاس به د سر لاندې کېږدم چې ارام وکړم»

¹¹نو غریبي به د داړه مار په شان په تا راشياو نېستي به د وسله وال غل په څېر درباندې یرغل وکړي.

¹²شر اچوونکی انسان بېکاره او بېځایه ګرځياو په خوله کږې وږې خبرې کوي.

¹³هغه سترګې وهياو بېځایه پښې دربوياو په ګوتو اشارې کوي.

¹⁴په خپل زړه کې تل بدې نقشې جوړوياو جنګ او جګړې ته لمن وهي.

¹⁵نو ځکه به سمدلاسه لوی مصیبت پرې نازل شياو ناڅاپه به ټوټې ټوټې شي چې د جوړېدو به نه وي.

¹⁶شپږ شیان دي چې څښتن ترې نفرت کوياو اووه شیان دي چې د هغه په نظر د کرکې وړ دي:

¹⁷کبرجنې سترګې او دروغجنه ژبهاو هغه لاسونه چې بې ګناه وینه تویوي

¹⁸هغه زړه چې بدې نقشې جوړوياو هغه پښې چې د بدۍ په لور په بیړه منډې وهي

¹⁹هغه دروغجن شاهد چې تل دروغ بادوياو هغه څوک چې د ورونو ترمنځ جګړو ته لمن وهي.

²⁰نو ای زما زویه! د خپل پلار په حکم عمل وکړهاو د خپلې مور روزنه له پامه مه غورځوه.

²¹د هغوی خبرې تل په خپل زړه کې یاد ساتهاو د هار په شان یې په خپله غاړه کې ګرځوه.

²²کله چې ګرځې نو خبرې به یې درته لارښوونه کويکله چې ویده شې نو روزنه به یې ستا ساتنه کوياو کله چې راویښ شې نو حکم به یې مشوره درکوي.

²³ځکه حکم یې ډېوه او روزنه یې رڼا دهنصیحت او سختې خبرې یې د ژوندون لار ده

²⁴ترڅو تا د بدلمنې ښځې نه وساتيله هغې ښځې نه چې نرمه ژبه لري.

²⁵په زړه کې د هغې د ښایست شوق مه کوهاو هغه مه پرېږده چې په سترګې وهلو دې د ځان غلام کړي

²⁶ځکه بدلمنه ښځه د یوې ډوډۍ په بیه اخیستل کیږيخو د بل چا ښځه به دې قیمتي ژوند ښکار کړي.

²⁷څوک په خپل لمن کې بل شوی اور وړلی شياو کالي یې ونه سوځیږي

²⁸او یا څوک په سرو سکروټو ګرځېدلی شيچې پښې یې په اور تڼاکې نه شي؟

²⁹نو دا د هغه چا په شان دی چې د بل له ښځې سره څمليهرڅوک چې هغې ته لاس وروړي بې سزا به پاتې نه شي.

³⁰څوک چې د نس د مړېدو په خاطر غلا کوينو خلک هغه غل ته په سپکه سترګه نه ګوري

³¹��و که ونیول شي نو اووه چنده بیه به ورکوياو په بدل کې به یې د خپل کور ټوله شتمني خرڅوي.

³²څوک چې د بل له ښځې سره زنا کوي نو ناپوهه دیڅوک چې داسې کوي نو په حقیقت کې ځان تباه کوي.

³³هغه به له رسوایۍ او وهلو څخه خلاص نه شياو بې عزتي به ترې لېرې نه شي.

³⁴نو کینه او غیرت به یې په مېړه اور بل کړياو زړه به یې په بدل اخیستلو کې هېڅکله ونه سوځیږي.

³⁵هغه به د دې په بدل کې هېڅ ډول قرباني قبوله نه کړياو هرڅه چې ورکړې وبه یې نه مني.