زبور 106

¹د څښتن ثنا او صفت وکړئ!د څښتن شکر کوئ، ځکه چې نېک دی هغهده ابدي د هغه مینه

²څوک کولای شي بیان کړي د هغه عظیم کارونه؟څوک په پوره توګه کولای شي صفت یې وکړي؟

³بختور هغه دي چې کړي انصاف د نورو سرهچې تل دپاره نېک کارونه کوي

⁴احسان کوې چې په خپل قوم، ما هم په یاد ساتهماته هم راکړه نجات کله چې نجات ته ورکوې هغوی ته

⁵چې غوره شوی قوم زه ستا نېکمرغه ووینمهاو له هغوی سره خوشحاله اوسماو ستا د خلکو په ویاړونو کې شریک شمه زه

⁶مونږه ګناه کړې ده لکه چې کړې وه نیکونو زمونږمونږه ګناه او بد عمل کړی دی

⁷زمونږ نیکونه نه شول پوه مصر کېپه عجیبه کارو د خدای باندېهغوی کړه هېره د هغه ډېره، تلپاتې مینهسرې بحیرې په غاړه وکړه سرکښي یې مقابل کې د ده

⁸خو دوی ته وریې کړ نجات د خپل نامه په خاطرترڅو چې وښایي خپل لوی قدرت

⁹سره بحیره چې هغه ورټله وچه شولهقوم یې خپل تېر کړ د دریاب په منځ کېلکه د دښتې په څېر وچه شوله ځمکه ورته

¹⁰هغوی یې وژغورل د لاسه د هغو خلکوچې کړله کرکه یې له دوی څخههغوی یې خلاص کړل د خپلو دښمنانو د منګولو څخه

¹¹خو اوبو ډوب کړل د هغوی بدخواهانحتی یو کس هم ژوندی پاتې نه شو

¹²بیا د هغه قوم اعتبار وکړ د ده په وعدهد ثنا او صفت سندره یې هغه ته وویله

¹³خو هغوی زر هغه کارونه هېر کړلکوم چې څښتن کړي وواو نصیحت ته د هغه ونه کړ دوی انتظار

¹⁴سخته اشتها د هغوی دښته کې پیدا شوه د خوړو لرهاو په صحرا کې یې په خدای ازمایښت وکړلو

¹⁵نو څه چې غوښتي وو هغوی هغه یې ورکړل ورتهخو رانازل یې کړ په دوی باندې مرګونی مرض

¹⁶کله هغوی چې کینه وکړله موسیٰ سره د دښتې کمپ کېاو هم هارون سره وقف شوی چې څښتن لره ؤ

¹⁷بیا خوله خلاصه کړله ځمکې او ژوندی یې تېر کړ داتاناو په کې ښخ شول ابیرام او د هغه خلک

¹⁸اور شو نازل په پیروانو د دوید اور لمبې وسوځول هغه بدکاره خلک

¹⁹د سینا غره کې هغوی جوړ کړد سرو زرو خوسکیاو عبادت یې وکړ جوړ شوي بت ته

²⁰هغوی بدل خپل جلالي خدای کړلود یو غویي مجسمې ته چې ؤ خوراک یې واښه

²¹هغوی هېر کړلو خپل ژغورونکی خدایتر سره کړي لوی کارونه چې یې مصر کې وو

²²څه معجزې چې هغه کړې وې د حام په وطنهم یې کړل هېر هغه عجیبه کارونهتر سره کړي یې چې وو سرې بحیرې په غاړه

²³نو کله چې وویل خدای چې به خپل قوم تباه کړيد هغه غوره شوی خدمتګار موسی راودرېدد هغوی د شفاعت دپارهچې قهر یې سوړ کړي او تباه نه کړي دوی

²⁴بیا هغوی وکړلو انکار د هغه ښه وطن د تللو ځینېځکه چې نه یې درلود باور د خدای په وعده

²⁵خپلو خېمو کې شول پاتې ګورېدل هغوینه یې منله د څښتن خبره

²⁶نو هغه پورته کړ خپل لاسقسم یې وخوړ ورتهچې په دې دښته کې به مړه کړي هغوی

²⁷خوره وره به اولاده یې کړي پردو قومونو کېچې هغوی مړه شي په پردیو وطنونو کې

²⁸بیا په فغور کې د خدای قوم کړلو ځان وقف بعل تهاو بتانو ته ورکړل شوې قربانۍ یې خوړلې

²⁹په دغو خپلو عملونو باندې دوی څښتن راوپاراوهاو په هغوی باندې وبا راغله

³⁰خو فینحاس پاڅېد مجرمانو ته یې سزا ورکړهاو وبا ودرېدله

³¹دا عدالت کې د فینحاس شو حساباو تل ترتله به یادیږي هغه

³²د مریبه د چینو څنګ کې دوی څښتن غوسه کړشولو موسی د دوی له لاسه په کړاو

³³هغوی کړ دومره د موسی حالت تریخچې یې راووتل د خولې نه بې سنجشه الفاظ

³⁴نه کړل تباه دوی بېګانه قومونهڅنګه څښتن چې ؤ ورکړی حکم

³⁵ټینګې اړیکې د دوستۍ یې کړلې هغو سرهاو د هغوی بد رواجونه یې خپل کړل

³⁶عبادت یې وکړ د هغوی د بتانودا کار په څېر د یوه دام شو دوی ته

³⁷کړل قرباني یې پېریانو د کنعان تهخپل زامن او لوڼې

³⁸د بې ګناهو ماشومانو وینه یې تویه کړلهد خپلو لوڼو او زامنو وینهچې قرباني یې کړل بتانو د کنعان ته هغویپه وینو ولړله ځمکه هغوی

³⁹خپلو اعمالو باندې کړل یې خپل ځانونه ناپاکاو بې وفا شول خدای ته د زناکارې ښځې په شان

⁴⁰څښتن په قهر شو په خپل قوم باندېشولو بېزار له خپلو خلکو څخه

⁴¹پردي قومونو ته یې تسلیم کړل هغویهغو حکومت کاوه په دوی چې ترې نفرت یې کاوه

⁴²دښمنانو د هغوی کاوه پرې ظلموو سخت ذلیل د دوی تر لاس لاندې

⁴³څښتن څو ځلې وژغوره خپل ولسخو دوی د هغه مقابل کې سرکښي غوره کړهاو په ګناه کې ډوب شول

⁴⁴خو بیاهم هغه په دوی باندې به رحم کاوهچې کله وو به مصیبت کې هغویاو اورېده به یې فریاد د هغوی

⁴⁵هغه رایاد کړلو خپل لوظ د هغوی په خاطراو کړه بدله فیصله یې په سببد خپلې تلپاتې زیاتې مینې

⁴⁶کړل هغوی ته یې خواخوږي هغه خلکچې اسیران وو دوی له هغو سره

⁴⁷وژغوره مونږ، زمونږ څښتنه خدایهمونږ یوځای سره راغونډ کړه له قومونوترڅو ادا کړو مونږه شکر د ستاستا د سپېڅلي نوم ثنا مو ویاړ شي

⁴⁸ثنا او صفت دې وي د اسراییلو څښتن خدای تهوکړئ ثنا او صفت یې د ازل نه تر ابده پورېبیا دې ووایي ټول قوم: «امین»ثنا او صفت دې وي څښتن ته!