زبور 107

¹د څښتن شکر کوئ، ځکه چې نېک دی هغهده ابدي د هغه مینه

²ای ټولو خلکو چې څښتن یئ ازاد کړي داسې ووایئهغه خلاص کړي یئ د خپلو دښمنانو ځینې

³او بېرته یې راوستلئ له پردیو ملکونو څخهله ختیځه او لوېدیځه او له شماله او جنوبه څخه

⁴ګرځېدل هسې په بیابان کې سرګرد��نه هغویپیدا کولای نه شوه لاره د هغه ښارچې په کې واوسیږي

⁵هغوی شول وږي تږياو مرګ ته نژدې وو هغوی

⁶نو بیا په سخته کې هغوی وکړ فریاد څښتن تهاو دوی یې کړل خلاص له مصیبته

⁷هغوی ته یې وښودله سمه لارهچې دوی پیدا هلته یو ښار کړي د اوسېدو دپاره

⁸د څښتن د تلپاتې مینې په خاطر دې شکر وباسي دوید عجیبه کارونو په خاطر چې یې کړي دي هغوی دپاره

⁹ماتوي تنده هغه د تږو خلکواو مړوي وږي خلک په ښو خوړو باندې

¹⁰په دوی کې ځینې اوسېدل تیاره کېوو تړل شوي بندیان په زنځیرونو باندې

¹¹ځکه دوی وکړه سرکښي د خدای له امره څخهاو لارښوونې یې کړې ردې د خدای تعالی

¹²هغوی یې دومره کړل ستومانه په ډېر سخت کارونوچې له پښو ولوېدل او هېڅوک نه ؤچې د هغوی سره څه مرسته وکړي

¹³نو بیا په سخته کې هغوی وکړ فریاد څښتن تهاو دوی یې کړل خلاص له مصیبته

¹⁴سختې تیارې نه یې هغوی راویستلاو ورته مات یې زنځیرونه کړل

¹⁵د څښتن د تلپاتې مینې په خاطر دې شکر وباسي دوید عجیبه کارونو په خاطر چې یې کړي دي هغوی دپاره

¹⁶هغه کړې ماتې برنجي دروازېاو اړمونه یې د اوسپنې ټوټې ټوټې کړل

¹⁷ځینې کم عقل شول په سبب د سرکښیو خپلواو کړېدل په سبب د عملونو خپلو

¹⁸د هغوی زړونه له خوړو نه تور شولاو مرګ ته نژدې شول هغوی

¹⁹نو بیا په سخته کې هغوی وکړ فریاد څښتن تهاو دوی یې کړل خلاص له مصیبته

²⁰هغوی یې روغ کړل خپل کلام باندېاو هغوی یې خلاص کړل له مرګه څخه

²¹د څښتن د تلپاتې مینې په خاطر دې شکر وباسي دوید عجیبه کارونو په خاطر چې یې کړي دي هغوی دپاره

²²شکر دې وباسي د هغه په قربانیو باندېد خوشحالیو په سندرو دې بیان کړي د هغه کارونه

²³ځینې کشتیو کې روان شول په دریاب باندېاو ژورو اوبو کې یې کاروبار کولو

²⁴هغوی ولیدل کارونه د څښتنپه ژورو دریابونو کې د هغه عجیبه کارونه

²⁵د هغه په حکم راوالوتل توفاني بادونهاو د دریاب څپې شوې پورته

²⁶کشتۍ ګانې به هوا ته جګېدلېاو ډوبېدلې به بیا بېرته د دریاب په تل کېکشتیوانانو به بایلله حوصله خپله داسې خطر کې

²⁷کاږه واږه به هغوی تلل او زنګېدل به نشیانو په شاننه پوهېدل هغوی چې څه وکړي

²⁸نو بیا په سخته کې هغوی وکړ فریاد څښتن تهاو دوی یې کړل خلاص له مصیبته

²⁹هغه ارام کړ توفاناو څپې غلې شولې

³⁰چې ارامي شوه نو خوشحال شول هغویاو هغه بندر ته یې خوندي راوستل چې دوی غوښتلو

³¹د څښتن د تلپاتې مینې په خاطر دې شکر وباسي دوید عجیبه کارونو په خاطر چې یې کړي دي هغوی دپاره

³²د هغه لویي دې کړي بیان د خلکو غونډه کېاو د مشرانو په جرګه کې دې صفت وکړي

³³هغه سیندونه کړل بدل په دښتهاو چینې د اوبو په وچه ځمکه باندې

³⁴هغه بدله کړله ښه حاصلخېزه ځمکه په ښوره زاره ځمکهد هغو خلکو د بدۍ په سبب چې هلته اوسي په کې

³⁵هغه بدله کړله دښته په ډنډونو باندېاو کړلې یې بدلې وچې ځمکې په چینو باندې

³⁶هلته یې راوستل وږي خلک چې په کې واوسیږياو هغوی ښار جوړ کړ چې په کې واوسیږي

³⁷هغوی کښېنول تاکونه او پټي یې وکرلاو ډېر حاصل یې واخیست

³⁸خپل قوم ته یې ورکړ برکت او اولادونه یې زیات شولاو هغه پرېنښودې چې کمې شي پادې او هم رمې د هغوی

³⁹کله چې وخوړله ماتې د خدای قوم او سپک شول هغوید ظالمانو له خوا او ځورېدل هغوی

⁴⁰هغه سپک کړل ظالمان خلکاو خوشې صحرا کې سرګردان کړل هغوی

⁴¹خو محتاج خلک یې بدبختۍ نه خلاص کړلاو کورنۍ یې ورته زیاتې کړلې لکه رمو په شان

⁴²صادقان خلک چې دا ګوري نو کوي خوشحاليخو ټول بدکاره خلک چوپ پاتې شي

⁴³څوک چې هوښیار وينو غور دې وکړي دې خبرو باندېفکر دې وکړي د څښتن د تلپاتې مینې په څپرکی