زبور 18

¹ته زما قوت یې ای څښتنه په ما ګران یې

²څښتن دی زما ساتونکیدی زما قوي کلازما ژغورونکی زما خدای دیزما امن دی هغه کېکوي ساتنه زما لکه د سپر په شاندی زما قوي ژغورونکیاو د امن پناه ځای دی زما

³مرسته غواړم له څښتنهچې لایق دی د صفتخلاصوي مې هغهما له خپلو دښمنانو څخه

⁴د مرګ رسۍ رانه راتاوې شولېد بربادۍ سېلابو واخیستمه

⁵د ګور په لومه کې راګېر یمه زهمرګ راته لاره کې خپل دام ایښی ؤ

⁶په خپل تکلیف کې مې څښتن ته غږ کړکومک دپاره مې خپل خدای ته غږ کړزما اواز یې په خپل کور کې واورېدزما فریاد یې د کومک واورېده

⁷بیا ځمکې وخوړ ټکان ولړزېدلهخوځېدل د غرو بېخونه په لړزه شولځکه په قهر ؤ خدای

⁸شو له سپېږمو نه یې راپورته لوګیبلې لمبې او سرې سکروټې یې بادېدلې د خولې

⁹ده کړې خلاصې دروازې د اسمانونو او راښکته شوتورې ورېځې وې د ده تر پښو لاندې

¹⁰سپور په اسماني مخلوق شو والوتهسپور شو په وزرو د باد زر راغی

¹¹ځان ته جوړه یې پرده کړه له تیارې نهد اوبو ډکې ټینګې ورېځې وې چاپېره د ده

¹²جلال یې د حضور شولو ښکاره په منځ د ورېځو کېږلۍ او سرې سکروټې ورېدې لکه باران

¹³لکه تندر څښتن وکړلې خبرې له اسمانهشو اواز د خدای تعالی په اورېدو

¹⁴وویشتل هغه خپل غشي، دښمنان یې تار په تار کړلد برېښنا په پړکېدو یې وارخطا کړل

¹⁵بیا ستا په رټلو باندې ای څښتنهستا د تنفس په انفجار سرهتل د دریاب هم راښکاره شولووو پراته د ځمکې بنیادونه لوڅ

¹⁶له اسمانه څښتن لاس خپل کړ را اوږد ویې نیولمله ژورو اوبو ده راوویستلم

¹⁷زه یې کړمه له قوي دښمنه خلاصاو له هغو چې نفرت یې کړ له ما نهدوی وو ډېر قوي له ما نه

¹⁸هغه وخت کې چې زه ومه په تکلیف کېدوی حمله وکړه په ماخو څښتن راڅخه وکړ ملاتړ

¹⁹له خطره یې کړم بچ مرسته یې وکړهځکه یې کړم بچ چې ؤ راضي له ما

²⁰اجر راکوي څښتن ځکه کړم کارونه نېکیمه بې ګناه ځکه انعام راکوي ماته

²¹ما د څښتن د قوانینو اطاعت کړی دینه مې د بدۍ په خاطر مخ له خپل خدای نه اړولی دی

²²ما عمل کړی د هغه په ټولو حکمونونافرماني مې کړې نه ده له قوانینو د ده

²³هغه پوهیږي زه بې عیبه یمهبدو کارونو نه مې ځان ساتلی

²⁴نو اجر راکړی څښتن ځکه کړم کارونه نېکهغه پوهیږي بې ګناه یمه زه

²⁵ای څښتنه، وفادار یې هغه چاته چې وي تاته وفادارتل نېکي کړې د هغو سره چې وي بې عیبه

²⁶پاک ته خپل ځان پاک ښکاريټګمار ته ځان پېچلی

²⁷ته عاجزانو ته نجات ورکوېخو کبرجن ټیټوې

²⁸ای څښتنه زما خدایه، ساتې زما ډېوه روښانههم تیاره مې بدلوې په رڼا باندې

²⁹راکوې قوت چې کړم حمله په دښمنراکوې قدرت په دېوالو د ختلو

³⁰ګوره زما خدای څومره کامل یې عملونه ديڅومره د باور یې ټول لوظونه ديهغه دی سپر هغو تهټول چې پناه ده ته راوړي

³¹ځکه چې څوک دی خدای بې له څښتنه؟څوک کړي دفاع زمونږه بې له هغه نه؟

³²هغه خدای دی چې قوت راکوي ماتههغه خدای دی چې خوندي مې ساتي لاره

³³زه ثابت قدم لکه هوسۍ یې کړماو په غرونو کې مې ساتي خوندي

³⁴هغه ما تیاروي د جنګ دپارهترڅو زه کړمه راکش لینده د زېړو

³⁵سپر راکوې ماته د خلاصون خپلمرسته کوي ښي لاس ستا زما سرهزه قوي کړی ستا کومک یمه

³⁶ته پراخوې زما د پښو لارهځکه نه ښوییږي پښې زما هېڅکله

³⁷دښمنان تعقیبوم او ور رسېږمنه راګرځم تر هغې چې یې نابود کړم

³⁸داسې یې وهم چې پاڅېدی نه شيدي زما د پښو لاندې نسکور پراته

³⁹راکوې ما له ته قوت د جګړېغورځوې ماته دښمنان په پښو کې

⁴⁰مجبوروې دښمنان زما تېښتې تهزه تباه کوم هغه چې کرکه کړي زما ځینې

⁴¹دوی د کومک دپاره کړي فریادنشته څوک چې کړي دوی خلاصوهي چیغې دوی څښتن تههغه نه ورکوي دوی ته ځوابونه

⁴²لکه د دوړې میده کومه یې زهچې یې هر خوا والوزوي بادونهداسې یې ایسته غورځوملکه د خټو د کوڅو په شان

⁴³تا د سرکښانو خلکو خلاص کړلماو د قومونو دې سردار کړلماوس مې خدمتونه هغه خلک کويڅوک چې پخوا نه پېژندل ما کله

⁴⁴هم بېګانه خلک زما په مخ کې ټیټوي سرونهچې کله اوري زما په هکله اطاعت مې کوي

⁴⁵دوی بایلي خپل همتونهپه لړزه باندې راوځي دوی له خپلو کلاګانو

⁴⁶څښتن ژوندی دی!وي دې ثنا زما ساتونکي ته!کړئ اعلان لویي د هغه خدای چې مې ژغوري

⁴⁷راکوي ماته توفیق چې بدل واخلم له دښمنهراولي زما د ځواک لاندې قومونه

⁴⁸او ما له خپلو دښمنانو خلاصويراکوې بریا په دښمنانو ای څښتنه تهاو ما ساتې له ظالمو انسانانو څخه

⁴⁹ځکه نو څښتنه د قومونو منځ کې به ستا ثنا وایمهاو صفت به ستا د نامه کومه زه په سندرو سره

⁵⁰خدای ورکوي لویې بریاوې خپل پاچا تهمینه تلپاتې کوي د خپل غوره کړای شوي سرهتل ترتله د داود او د هغه د اولادې سره