زبور 22

¹زما خدایه، زما خدایه، تا زه ولې یم پرې ایښی؟شولې دومره لېرې ته ولې له ما نه؟نه مې اورې ته زګېروي، ولې نه راځې خلاصون له؟

²هره ورځ درته فریاد کړم زما خدایهخو ځواب نه راکوې تههره شپه درته فریاد کړمخو ما ونه موند ارام

³خو ته سپېڅلی یې او ناست یې پاچاهي کړېقبلوې د اسراییلو ثناګانې

⁴په تا وکړلو توکل زمونږ نیکونوچې توکل یې په تا وکړ تا خلاصون هغوی ته ورکړ

⁵هغوی تاته فریاد وکړ او تا خلاص کړل له خطرهچې توکل یې په تا وکړ هغوی نه شولو مایوسه

⁶خو د خلکو په نظر کې زه چینجی یم انسان نه یمخلک خاندي په ما پورې او په سپکه راته ګوري

⁷وهي ما باندې ملنډې چې هرڅوک وویني ماراوباسي راته ژبې خوځوي راته سرونه

⁸دوی وایي: «په څښتن دې تکیه وکړيچې خلاصون ورکړيځکه څښتن ورسره مینه کوينو هغه دې وژغوري»

⁹همدا ته وې چې دې راووېستمخوندي د مور د خېټې نهزه ماشوم ومه د غېږې تا ساتنه کړه زما

¹⁰زه چې شومه راپیدا له هغې ورځېتا په ما کولو پامله کوم وخت نه چې پیدا شومهمدا ته وې زما خدای

¹¹لېرې کېږه مه له ما نهدی کړاو رانژدې شویهېڅوک نشته دی د مرستې

¹²ډېر دښمنان رانه چاپېر دي د غویانو په څېردي په مثال د غویانو زورورو د باشان د سیمې

¹³زما دښمنان لکه زمریان ديخولې یې خلاصې غړمبار کړيهم کوي په ما بریدونه

¹⁴لکه توی چې شي اوبه په ځمکه باندېداسې لاړلو قوت مې له بدنهټول هډوکي مې بندونو نه جدا شولزړه زما شولو د موم په شاناوبه زما سینه کې

¹⁵زور مې ټول لکه د خټو د کودي په شانتې خلاص شوپه تالو پورې مې ژبه ده نښتېزه دې پرېښودمه مرګ ته په ګردونو کې

¹⁶بدکاران خلک زما نه راچاپېر شوللکه د سپیو په شان راتاو شول رانهپښې او لاسونه یې زما وداړل

¹⁷شم شمېرلی مې هډوکي د بدن ټولدښمنان زما په ځیر ځیر راته ګورياو خوشحالیږي په ما

¹⁸اچوي پچه دوی زما په جامواو یې وېشي په خپل منځ کې

¹⁹خو ای څښتنه، لېرې کېږه مه له ما نهای زما ځواکه، بیړه کوه زما مرستې ته راشه

²⁰زما ځان خلاص کړه د تورې د ګوزار نهقیمتي ژوند زما وژغوره له سپیو

²¹د زمرو د خولې مې خلاص کړههم مې خلاص کړه د وحشي غویو د ښکرو

²²زه به اعلان کړمه ستا نوم خپلو خلکو تهد دوی غونډه کې به وکړم ستا ثنا او صفت

²³له څښتنه چې وېرېږئ، د هغه ثنا ووایئ!ای د یعقوب اولادې، ټول کړئ عزت د هغه!د اسراییلو ټولو خلکو، کړئ عبادت د هغه!

²⁴نه دی غافل شوی غریبانو نهاو نه یې د نظره غورځولی د هغوی تکلیفنه دی اړولی هغه خپل مخ له هغوی څخههم اورېدلي فریادونه د هغوی یې د کومک دي

²⁵لویه غونډه کې به وکړمه صفت ستا د کارونوپه حضور د هغو خلکو چې کوي عبادت ستازه به ورکړمه نذرونه چې یې وعده کړې ما

²⁶غریبان چې څومره غواړي دوی به وخوريچې رجوع کوي څښتن ته د هغه ثنا به وایيتل ترتله دې نېکمرغه وي هغوی!

²⁷ټوله ځمکه به څښتن یادويهم به ټول ده ته راواوړيټول قومونه به څښتن ته په سجده شي

²⁸ځکه دی څښتن پاچاحکومت کړي په قومونو

²⁹ټول مغرور خلک به ده ته سجده کانديټول فاني خلک به ده ته په سجده شياو هغوی چې ځان ژوندي ساتلی نه شي

³⁰عبادت به د هغه کوي راتلونکي نسلونهد څښتن په څپرکی به وکاندي بل نسل ته بیان

³¹دا به وویل شي هغو ته چې لا نه دي پیدا شوي:«څښتن ژغورلي یو مونږ!»