زبور 31

¹ما پناه راوړې تاته ای څښتنه!مه پرېږده مې ته هېڅکله خجالت تهته عادل یې ماته راکړه نجات

²ونیسه غوږ ماته واوره زما دعازر شه ماته نجات راکړهزما دپاره پناه ځای شه چې ساتنه زما وکړېته زما قوي کلا شه چې نجات راته راکړې

³ته زما کلا او پناه ځای یې تهته د خپل نوم په خاطر وکړه هدایت او لارښ��ونه راته

⁴ما له هغه دامه وساته چې دوی دی راته ایښیځکه ته مې پناه ځای یې

⁵زه خپل روح سپارمه تاتهما به وژغورې څښتنهوفادار یې ته ای خدایه

⁶له هغو خلکو څخه کرکه کومچې عبادت کړي د بتانو بې ارزښتوخو زه په تا باندې توکل کومه

⁷زه به خوشحاله یم خوښي به کوم ستا په تلپاتې مینهځکه چې تا زما درد ولیدلواو د تکلیف نه مې خبر شولې

⁸زه دې ورنه کړم په لاس د دښمنانوخوندي ځای ته دې زه بوتلم

⁹رحم وکړه په ما باندې ای څښتنهځکه یمه په تکلیف کېزما سترګې ستړې شوې له ژړا نهزه بېخي یمه ستومانه

¹⁰ژوند مې شو په غم تالاد خفګان د لاسه عمر مې لنډ شویزه مې خپلو ګناهونو کړم کمزوریان هډوکي مې له کاره دي وتلي

¹¹راته په سپکه سترګه ګوري دښمنان ټول زماپه تېره بیا ګاونډیانهغوی چې پېژني ما زړه یې چوي له ما څخهکله چې دوی مې په کوڅه کې وینيدوی کاندي تېښته له ما څخه

¹²زه هرچا یمه هېر کړی لکه مړی چې څوک هېر کړيزه په شان یم د کودي چې وي چا لېرې غورځولی

¹³کړي ګونګوسي راپسې ډېر دښمنان اورم یې زهله هرې خوا راباندې وېره ډېرهدوی پلانونه زما په ضد جوړويهم جوړوي مې د مرګي دسیسې

¹⁴خو توکل زما په تا دی ای څښتنهزه دا وایم: «ته مې خدای یې»

¹⁵زما ژوند دی ستا په لاس کېد دښمنانو د لاسونو نه مې خلاص کړهاو له هغو نه مې خلاص کړهچې په ما پسې دي

¹⁶په ورین تندي وګوره خپل خدمتګار تهوژغوره ماته په خپلې تلپاتې مینې

¹⁷ته مې مه پرېږده څښتنه چې خجل شمځکه تاته زه فریاد کړمبدکاران دې خجالت شيپټه خوله دې دوی شي کوز خپلو قبرو ته

¹⁸د هغوی دروغجنې ژبې دې شي غلېچې مغرور او کبرجن ديچې نېکانو پسې کړي سپکې خبرې

¹⁹څه عجیبه دا ښه شیان ديچې تا ساتلي دي هغوی ته چې کړي وېره له تاهر یو پوهیږي چې ته څومره نېک یېڅنګه ته ساتې هغوی چې غواړي پناه ستا نه

²⁰ته هغوی د نورو خلکو دسیسو نهخپل حضور کې خوندي ساتېدوی د خپلو دښمنانو له تورونوپه ډاډمنه پناه ځای کې پټ ساتې

²¹ثنا او صفت دې وي څښتن ته!کله چې زه په کلا بند ښار کې ګېر شوی ومهڅه عجیبه مینه یې وکړله له ما سره

²²زه وېرېدلی وم او خیال مې کاوهچې ستا حضور ځینې زه لېرې شړل شوی یمهخو کله ما چې زارۍ وکړې د کومک دپارهنو تا زما دعا قبوله کړله

²³ای خپل څښتن ته وفادارو خلکوده سره مینه وکړئڅښتن ساتنه کوي د وفادارو خلکوخو کبرجنو ته د خپل عمل پوره سزا ورکوي

²⁴اوسئ ځواکمن او زړور ای خلکوټول هغه چې هیله له څښتن لرئ