زبور 34

¹تل به کومه د څښتن ثنا او صفتوي به همېش زما په شونډو د هغه ستاینه

²زه به یې وستایم په هغه چې یې کړي دي څهپرېږده ټول بې وزلي واوري او خوشحال شي

³د څښتن لویي زما سره اعلان کړئراشئ یوځای یې د نوم ستاینه وکړو

⁴ما دعا وکړه څښتن ته او هغه کړله قبولهزه یې کړم خلاص �� ټولو وېرو ځینې

⁵څوک چې توکل کړي په هغهنو د خوشحالۍ نه به یې ځلیږي مخهغوی به هېڅکله ونه شرمیږي

⁶دې بې وزله سړي وکړلو فریاد څښتن ځواب کړهغه خلاص کړلو د خپلو ټولو تکلیفونو څخه

⁷هغه خلک چې د څښتن څخه کړي وېرهفرښته وي د څښتن د داسې خلکو نه چاپېرهاو خلاصون ورکوي دوی ته له خطره

⁸وګورئ ځان پوه کړئ چې څښتن دی څومره غورهبختور دي هغه څوک چې د هغه نه پناه غواړي

⁹وېره وکړئ له څښتنه د څښتن سپېڅلو خلکومحتاج به نه وي هغه خلک چې کړي د ده نه وېره

¹⁰د لوږې او احتیاج نه ځوانان زمریان هم ځوریږيخو هغه چې رجوع وکړي څښتن تهد هغوی دپاره نه به وي کمی د نعمتونو

¹¹راشئ، بچیانو ماته غوږ ونیسئچې د څښتن عزت کول درزده کړم

¹²ایا د ژوند خوند اخیستل غواړئ؟ایا خوشحاله اوږد ژوندون غواړئ؟

¹³وساتئ خپله ژبه بدو خبرو نهوساتئ خپلې شونډې د دروغو نه

¹⁴له بدو لېرې ګرځئ کوئ نېکيسولې دپاره هلې ځلې کوئ او ورپسې وګرځئ

¹⁵دی د څښتن نظر نېکانو باندېاو نیسي غوږ یې فریادونو لره

¹⁶خو دی څښتن د بدکارانو خلافاو ورکوي د ځمکې د مخ نه د هغوی نوم او نښان

¹⁷نېکان فریاد کوي څښتن ته او هغه یې اوريدوی خلاصوي له خپلو ټولو تکلیفونو څخه

¹⁸څښتن نژدې دی هغو خلکو ته چې زړونه یې مات ويورکوي نجات هغو ته چې بایللی یې امید وي

¹⁹ډېر تکلیفونه په نېک شخص راځيخو هغو ټولو نه څښتن دا ژغوري

²⁰هغه ساتي ټول هډوکي د دههېڅ یو ماتیږي نه له هغو څخه

²¹خپلې بدۍ له لاسه مړه به شي بدکاره خلکسزا به ورکړل شي هغو ته چې کړي کرکه د نېکانو څخه

²²څښتن نجات ورکوي خپلو بندګانو لرهڅوک چې هغه ته پناه یوسي نو مجرم به نه شي