زبور 35

¹مخالفت وکړه ته زما د دښمنانو سره ای څښتنههغوی چې ما سره کړي جنګ ورسره وجنګېږه

²ته دې خپل سپر او خپله زغره واخلهاو راشه ته زما د مرستې لره

³خپله نېزه او جنګي تبر دې راپورته کړه تهد هغه چا په مقابل کې چې په ما پسې ديدغه ډاډ راکړه چې به ماته راکوې خلاصون

⁴هغه کسان چې غواړي ما ووژنيهغوی دې ماتې سره مخ شي او رسوا دې شيزما په ضد چې دسیسې جوړويشي دې ناکام او خجالته دې شي

⁵دوی دې د بوسو په شان شي چې باد یې الوزوياو فرښته د څښتن دې هغو وځغلوي

⁶په هغه وخت چې فرښته د څښتن وي په هغوی پسېد هغوی لاره دې تیاره شي ښویېدونکې دې شي

⁷بې سببه هغوی ایښی راته دام دیبې سببه راته کنده یې ایستلې چې مې ښکېل کړي

⁸بربادي دې ناڅاپي ورباندې راشيدوی دې په خپل دام کې په خپله ګېر شيودې غورځیږي او برباد دې شيپه هغه کنده کې چې دوی کیندلې

⁹نو بیا زه به شم خوشحاله له سببه د څښتنزه به کړمه خوشحالي ځکه خلاصون یې دی راکړی

¹⁰د زړه له کومي به څښتن ته وایم:«نشته هېڅوک د ستا په شان څښتنهله زورورو څخه ژغورې ته کمزوري خلکته خواران خلک ژغورې له ظالمانو»

¹¹بدکاران زما په ضد شاهدي وایيد هغو جرمونو تور راباندې وایيچې خبر ورڅخه نه یم

¹²د نېکۍ بدل کې ما سره بدي کړيزه یم ډوب ناامیدۍ کې

¹³خو چې کله به هغوی شول رنځوراننو په تن کولې د غم جامې به ماپه روژه نیولو ځان مې ځورولوما خپل سر به ټیټاوه کړله دعا مې

¹⁴لکه چې دوست او یا خپل ورور سره مې ویر کاوهسر به مې ټیټ کړلو له غمه ځینېلکه چې څوک کوي ژړا په خپلې مور باندې

¹⁵کله چې زه وم په تکلیف کې، دوی خوشحاله وو ټولسره راټول شول او ملنډې یې وهلې په ماپردیو خلکو به وهلمه زهاو دوامداره سپکاوی به یې کولو زما

¹⁶د هغو خلکو په شان څوک چې وهيریشخند ملنډې په ګوډانو باندېدوی چیچل ماته د نفرت غاښونه

¹⁷ترڅو به ګورې ورته ای څښتنه؟د دې خلکو د بریدونو نه مې خلاص کړهد دې زمریانو نه مې قیمتي ژوند وژغوره

¹⁸بیا به د ستا د قوم په غونډه کې ستا شکر کړمهد هغو ټولو مخکې زه به ستا ثنا وایمه

¹⁹زما بې سببه دښمنان مه پرېږدهچې شي خوشحاله زما په ماتې باندېمه یې پرېږده چې بې سببه کړي زما نه کرکهچې کړي خندا د خوشحالۍ زما په غم باندې

²⁰د خیر خبرې نه کوي د شر خبرې کانديد هغوی پسې کوي غلطې خبرېڅوک چې په سوله کې ژوندون تېروي

²¹دوی په ما لګوي تور او وهي چیغې:«واه! واه! تا چې څه وکړل مونږ ولیدل»

²²خو ای څښتنه ولیدل تا هرڅهنو چوپ کېږه مه څښتنهته له ما مه لېرې کېږه

²³ای څښتنه، شه راپورته او دفاع راڅخه وکړهشه راپورته، زما خدایه، ته زما د دعوې وکړه وکالت

²⁴ته عادل یې ای څښتنه، نو زما بې ګناهي کړه ته اعلانته زما دښمنان مه پرېږده چې ما باندې خوشحال شي

²⁵هغوی مه پرېږده چې ووایي خپل منځ کې:«مونږ هغه له منځه یووړهغه څه چې مونږ غوښتل هغسې وشول!»

²⁶څوک چې زما په بدبختۍ کې خوشحالي کړيهغوی دې سمه ماتې وخوري وارخطا دې شيڅوک چې خپل ځان له ما بهتر ګڼيشي په جامو د شرم پټ دې او رسوا دې شي

²⁷هغوی چې غواړي ما برحق ووینيد خوشحالۍ چیغې دې ووهياو تل دې وایي: «څومره لوی دی څښتن!په سوکالۍ د خپل خادم باندې خوشحاله دی»

²⁸ستا عدالت به بیا په ژبه زه بیان کړمهاو ټوله ورځ به زه د ستا ثنا صفت کړمه