زبور 37

¹په خاطر د بدکارانو اندېښنه مه کړهڅوک چې کړي غلط کارونه بخیلي ورسره مه کړه

²د واښو په شان به دا خلک زر وچ شيداسې به مړاوي شي چې څنګه بوټي شنه وچیږي

³کړه توکل دې په څښتن کوه نېکينو خپل وطن کې دې اوسېږه خوند د امن اخله

⁴لټوه ته خوشحالي دې په څښتن کېهغه به ستا د زړه ارزو کړي پوره

⁵خپله لاره دې ته وسپاره څښتن تهوکړه توکل په هغه باندې مرسته ستا به وکړي

⁶کړي به سهار په څېر روښانه نېکي ستاوځلوي به دې انصاف غرمې د لمر په څېر

⁷وکړه انتظار غلی څښتن په مخ کې صبر شهاندېښنه مه کړه د هغه چا په هکله چې خوشبخت دییا هغه چې دی کامیاب په خپلو بدو پلانو کې

⁸مه په قهرېږه غوسه کېږه مهمه کړه اندېښنه ځکه بدۍ ته به دې بوځي اندېښنه

⁹له منځه لاړ به شي ټول بدکارانخو څوک چې کاندي توکل په څښتنځمکه به شي د هغوی

¹⁰ورک به په لږ وخت کې بدکاران شينه به پیدا کیږي که هرڅومره یې لټون کوې

¹¹عاجزان خلک به د ځمکې وارثان شيد سوکالۍ او ارامۍ نه به خوندونه اخلي

¹²بدکاره خلک د نېکانو مقابل کې دسیسې جوړوياو دوی ته چیچي د غوسې غاښونه

¹³خو څښتن کوي خندا په بدکارانو پسېځکه څښتن ویني راروانه ده د هغوی د سزا ورځ

¹⁴راوباسي خپلې تورې بدکاراناو راکاږي یې لیندېچې عاجزان او محتاج خلک مړه کړيچې کاندي قتل هغه خلک چې سم کارونه کوي

¹⁵تورې د هغوی به غوڅوي د هغوی خپل زړونهماتې به لیندې شي د هغوی

¹⁶که وي کمه شتمني د نېک سړيډېرو بد کارو د دولت ځینې بهتره ده دا

¹⁷ځکه لاسونه د بد کارو به څښتن ورمات کړيخو حمایه کړي د نېکانو خلکو

¹⁸ورځ په ورځ څښتن ساتي نېک بندګانتل مدام به وي د ځمکې وارثان

¹⁹د سختیو په وختونو کې به دوی شرمنده نه شيهم به ماړه وي د قحطۍ په وخت کې

²⁰خو بدکاران به مړه شيدښمنان به شي تباه د څښتنوحشي ګلانو په شانشي به ورک لکه لوګي په شان

²¹بدکاران اخلي پورونه او بیا نه یې خلاصويخو نېکان ورکړه کوي په سخاوت

²²چې د څښتن له خوا نه چاته برکت ورکړل شيځمکه به دوی کړي خپلهخو په چا چې وي لعنت د هغههغوی به وشړل شي

²³په هغه لار چې نېکان ځي ورباندېڅښتن د هغو لارښودنه کويله هغه چا چې ډېر راضي وي څښتن ساتي هغوی

²⁴که هغوی وغورځیږي پورته به شيځکه څښتن به هغوی ونیسي له لاسه ځینې

²⁵له ځوانۍ نه بیا تر اوسه چې زه زوړ یمما هېڅکله نېکان خلک نه دي لیدليچې څښتن وي دوی پرې ایښيیا یې کړی اولادونو وي ډوډۍ دپاره سوال

²⁶همېشه هغوی سخیان ويورکوي نورو ته قرضاولادونه د هغوی ګرځي سبب د برکت

²⁷له بدۍ لېرې ګرځه کړه ته نېکينو ته او ستا نسل به اوسئ په دې خاوره کې تل

²⁸مینه څښتن کوي انصافه سرههغه نه پرېږدي خپل وفادار خلکتر ابده هغوی ساتيخو نسلونه د بدکارو به تباه شي

²⁹نېکان به واک د ځمکې واخليپه کې اوسي به تل

³⁰د نېکو خلکو له خولې وځي د حکمت خبرېوي یې په ژبه د انصاف خبرې

³¹هغوی د خپل خدای قانون زړه کې ساتيځکه یې پښې هېڅکله نه ښوییږي

³²په نېکانو پسې څار کړي بدکاراناو کوښښ کوي د دوی د قتلولو

³³خو څښتن به دوی پرېنږدي چې دښمن ته په لاس ورشيیا محکوم په محکمه کې وګڼل شي

³⁴کوه توکل دې په څښتن باندېاو په حکمونو یې عمل کوهځمکه به درکړي تا به کړي سرلوړید بدکارانو تباهي به ته په خپله ګورې

³⁵ما یو بدکاره او ظالم ولیدهلکه شنې ونې په شانچې یې شاخونه او پاڼې خپرې کړي هر خوا

³⁶خو چې وروسته تېرېدم زه هغه نه ؤ هغه ځای کېما هغه ولټاوه خو پیدا نه شو

³⁷نېکو خلکو ته پام وکړه او صادقانو ته وګورهخوښوي چې کوم خلک سولهلري دوی به ښه راتلونکې

³⁸خو ګناهکاران به ټول شي هلاکاولاده د بدکارانو به تباه شي

³⁹څښتن ژغوري نېکان خلکد سختیو په وختو کې یې څښتن وي پناه ځای

⁴⁰څښتن کاندي له هغو سره کومکاو ورکوي ورته نجاتورکوي خلاصون هغوی ته له بد کاروځکه دوی وروړي هغه لره پناه