زبور 38

¹کله چې ته په قهرېږې ای څښتنه نو ما مه رټهپه خپل غضب سره دې ماته سزا مه راکوه

²په خپلو غشو دې زخمي کړمه زهاو په خپل لاس باندې دې ووهلم

³زما بدن کې روغ ځای نشته ستا د قهر له لاسهحتی هډوکي مې خوږیږي د ګناه له لاسه

⁴زه د خپلو ګناهونو په دریاب کې یم ډوب شویهغه دي دومره درانه چې وړلی یې نه شم

⁵په سبب زما د خپلې بې عقلۍپرهارونه مې خوسا شول بوی ترې خېژي

⁶زه کړوپ شوی یمه زه یم ځپل شویټوله ورځ زه ویر کومه

⁷زه له تبې نه خوټېږمزما بدن کې روغ ځای نشته

⁸زه له کاره یم لوېدلی او بېخي یمه مات شویزما زړه دی ناقراره او له درده زګېروي کړمه

⁹ای څښتنه، ته پوهېږې چې زه څه ارمان لرمهټول زګېروي ته زما اورې

¹⁰زړه مې درزیږي او قوت رانه لاړزما د سترګو دید کمزوری شولو

¹¹نه رانژدې کیږي په سبب د ناروغۍ راتهټول زما ملګري او دوستان زماحتی تر دې چې خپل خپلوان هم رانه لېرې ګرځي

¹²هغوی چې غواړي چې ما مړ کړي راته ږدي دامونههغوی چې غواړي راته ورسوي زیاند بربادۍ کوي ګواښونه راتهټوله ورځ دوی دسیسې جوړوي او دروغ وایي

¹³خو زه د هغه کوڼ په شان یم چې څه نه اورمهاو د هغه ګونګ په شان یم چې هېڅ نه کوي خبرې

¹⁴زه یم د هغه چا په څېر چې خپله دفاع کېنه شي دلیل ویلی ځکه چې نه اوري

¹⁵خو تا باندې باور لرم څښتنهاو ای زما څښتنه خدایه، راکوې به ته ځواب

¹⁶سوال مې وکړ: «مه پرېږده دښمن زماچې وکړي خوشحالي زما په غم باندېمه پرېږده هغوی چې لاپې ووهيزما په ناکامۍ او بدبختۍ باندې»

¹⁷یمه نژدې چې زه راپرېوځمهمدام دي مل راسره زما دردونه

¹⁸زه اقرار کوم د خپلو ګناهونویمه پرېشانه زه د خپلو ګناهونو له امله

¹⁹دښمنان زما قوي او صحتمند ديهغوی ډېر دي چې کوي کرکه له ما نه بې سببه

²⁰هغه خلک چې بدي کړي د نېکۍ په بدله کېهغوی دي زما په ضدځکه زه کړمه کوښښ چې نېک کار وکړم

²¹ته ما مه پرېږده څښتنهلېرې کېږه مه له ما نه زما خدایه!

²²زر راشه کومک وکړه زما سرهای څښتنه ته زما یې خلاصوونکی!