زبور 50

¹کوي خبرې څښتن خدای چې دی مطلق قادرټولې دنیا نه خلک راغواړي له ختیځه تر لوېدیځه پورې

²د صهیون ښار چې په حسن کې کامل دیځلیږي خدای ورڅخه

³زمونږه خدای راځي خو خاموشه نه راځيد هغه مخکې سوځېدونکی اور وياو ګیرچاپېره ترې وي سخت توفان

⁴ځمکه او اسمان راغواړي د شاهدانو په حیثچې په خپل قوم باندې د هغه عدالت وویني

⁵وایي: «راټول زما وفادار خلک کړئد قربانۍ په ورکولو یې چې ما سره لوظ کړی دی»

⁶اسمانونه ورکوي دا خبرتیا چې خدای عادل دیځکه چې خپله قاضي دی

⁷ای زما قومه، زما خبرې واورئای اسراییلو، ستاسو ضد زه شاهدي به وایمزه یمه خدای، د ستاسو خدای یمه زه

⁸د قربانیو په خاطر زه تاسو نه رټمهاو نه د هغو سوځېدونکو نذرانو په خاطرچې تل یې ماته راوړئ

⁹ستاسو د کور غویو ته نه یم محتاجیا زه شپولو ته د نرانو وزو نه یم احتیاج

¹⁰ټول حیوانات چې په ځنګل کې دي هغه زما ديهم په زرګونو غونډیو ټول څاروي

¹¹پېژنم زه د غرونو ټول مرغاند پټیو ټول خزندګان زما دي

¹²که چېرې وږی یم زه تاسو ته یې نه وایمهځکه دنیا او چې په کې دي هغه ټول زما دي

¹³ایا زه خورمه د غویانو غوښې؟یا د وزو وینې څښم؟

¹⁴شکر ادا کړئ د خدای دا ده قرباني د ستاسېهغه څه ورکړئ خدای تعالی تهچې منلي مو په نذر کې دي

¹⁵د تکلیف په وخت کې ماته فریاد وکړئزه به خلاصون درکړمه تاسو لرهثنا او صفت به کوئ تاسو زما

¹⁶خو بدکاره ته خدای داسې وایي:«دی ستا څه کار چې زما حکمونه وایې؟زما د لوظ په هکله ته کوې خبرې ولې؟

¹⁷اصلاح کېدو څخه انکار کوې تهزما خبرې غورځوې شاته

¹⁸هر غل چې وګورې ملګری یې شېاو یوځای کېږې زناکارو سره

¹⁹خلاصوې خوله دې شرارت باندېبې له درواغو بل څه نه وایې ته

²⁰دې ته تیار یې چې په خپل ورور دې تهمت پورې کړېاو هم د خپلې مور د زوی پسې غیبت وکړې

²¹دا ټول کارونه تا کول او ما هېڅ ونه ویلنو ستا دا خیال ؤ چې زه ستا په شان یمخو اوس به زه تا رټماو کړم به تا تورن

²²تاسو چې زه یمه هېر کړی دې ته غوږ ونیسئکه نه نو تاسو به زه وداړمههېڅوک به نه وي چې مو خلاص کاندي

²³څوک چې د مننې قرباني کړي هغه ماته درناوی کويهغه چې کړي خپله لاره سمه ورکوم نجات»