زبور 59

¹اَ ما له خپلو دښمنانو څخه خلاص کړه زما خدایهما له هغو خلکو ساته چې حمله کوي په ما

²ما له خلاصون راکړه له دغو بدکارانو خلکوراته نجات راکړه له دغو قاتلانو څخه

³ګوره! دوی راته کمین کې دي چې ومې وژنيزما په ضد راجمع شوي ظالمان خلک ديخو ما نه هېڅ کومه ګناه یا خطا نه ده شوې ای څښتنه

⁴ما کوم غلط کار نه دی کړی خو بیاهمهغوی تیار دي چې حمله وکړي په ما باندېرا اوچت شه او کومک راسره وکړهزما غمجن حالت ته وګوره ته!

⁵ای څښتن خدایه، ای مطلق قادرهته یې خدای د اسراییلوشه رابېدار ورکړه سزا ټولو پردي قومو تهمه کوه رحم په شریرو غدارانو باندې

⁶هغوی ماښام کې راستنیږي بېرتهکله چې ګرځي شاوخوا کې د ښارلکه د سپیو په شان غاپي هغوی

⁷د دوی ښکنځلو او ګواښونو ته غوږ ونیسه تهد هغوی ژبې دي د تورو په شانخو بیاهم فکر کوي دا چې هېڅوک نه اوري خبرې د دوی

⁸خو هغوی پورې ته خاندې ای څښتنهکړې مسخرې ټولو پردي قومونو باندې

⁹ای خدایه یې ته زما قوتزما د امید سترګې دي ستا په لوريځکه چې ته یې زما مضبوطه کلا

¹⁰خدای کوي مینه تلپاتې راسره او راته رابه شيما به قابل کړي د دې چې شکست ووینمه د دښمنانو خپلو

¹¹هغوی مه وژنه ای خدایههسې نه چې زما د قوم نه د عبرت دا سبق هېر شيپه خپل قوت یې تار په تار کړه ورته ماتې ورکړهای څښتنه زمونږ سپره!

¹²کله چې دوی کوي خبرې نو ګناه کويدوی دې راګېر شي په خپل غرور کېدا چې ښکنځلې کړي درواغ وایي دوی

¹³په خپل غضب سره هغوی نابود کړههغوی بېخي نابود کړهنو بیا به پوه شي هرڅوک چې خدایکاندي حکومت د یعقوب په نسلاو کړي حکومت په ټول جهان باندې

¹⁴هغوی ماښام کې راستنیږي بېرتهکله چې ګرځي شاوخوا کې د ښارلکه د سپیو په شان غاپي هغوی

¹⁵لکه د سپیو په شان ګرځي دوی خوراک پسېکه ماړه نه شول نو غړمبیږي به بیا

¹⁶خو ستا د قوت په هکله وایمه سندرې به زهستا د تلپاتې مینې په هکله به زهوایم سندرې هر سهار په خوشحالۍ سرهزما دپاره یې مضبوطه کلاته د سختیو په وختونو پناه ځای یې زما

¹⁷ای زما خدایه زما قوته زه به د ثنا سندره وایمه ستاخدای دی زما کلا یعنې مضبوطه کلاهغه خدای ما سره چې کړي مینه تلپاتې مینه