زبور 78

¹ای زما قومه، زما تعلیم ته غوږ شئواورئ په غور زما د خولې خبرې

²خبرې وبه کړمه زه په مثالونو باندېزه به رازونه کړم بیان د تېرو شوو وختو

³هغه شیان چې اورېدلي او زده کړي مو ديهغه شیان چې مو نیکونو بیان کړي راته

⁴هغه به پټ نه ساتو خپلو اولادونو څخهکړو به یې بیان راتلونکي نسل تهوړ د ستایلو کارنامې او هم قدرت د څښتناو هم کارونه عجیبه کوم چې هغه کړي دي

⁵ورکړ هغه د اسراییلو قوم ته خپل شریعتهغه ولس چې د یعقوب نسل دیزمونږ نیکونو ته یې وکړ حکمچې اولادونو ته ورزده کړي هغه

⁶ترڅو راتلونکی نسل زده کړي هغههم هغه کوچنیان چې لا پیدا نه دياو په خپل وار سره بیان خپل اولادونو ته کړي

⁷نو په دې توګه به هغوی هم توکل وکاندي خدای باندېاو هېر به نه کړي کوم کارونه چې هغه کړي ديبلکې هغوی به اطاعت یې د حکمونو کوي

⁸او دوی به نه وي سرکښان او نافرمانه خلکلکه د خپلو نیکه ګانو په شاند چا چې زړه ټینګ باور نه درلود خدای باندېاو نه یې روح ؤ وفادار هغه ته

⁹سره له دې چې وو سمبال افرایمیان په لیندوخو د جګړې په ورځ یې تېښته وکړه

¹⁰هغوی د خدای سره خپل لوظ باندې وفا ونه کړههغوی انکار وکړ ویې نه منلو قانون د هغه

¹¹هغوی دا هېر کړل چې هغه څه وکړلهغه معجزې چې خدای ښودلې وې هغوی ته

¹²په داسې حال کې چې نیکونو یې کتلخدای معجزې ښودلېد مصر ملک او د ‎صوعن سیمه کې

¹³خدای په دریاب کې کړله جوړه لارههغوی یې پورې ویستلاوبه یې سمې د دېوال په شانتې ودرولې

¹⁴د ورځې دوی ته لارښوونه یې په ورېځې کړلهاو ټوله شپه به یې د اور په رڼا

¹⁵هغه به دښته کې ګټونه چولاو ورکولې به یې اوبه هغوی تهداسې پرېمانه د بحرونو په شان

¹⁶هغه ویالې جوړې کړېچې شي جاري له ګټ نهویې بهولې اوبهلکه سیندونو په شان

¹⁷خو دوی د خدای په مقابل کې دوامداره ګناهونه کولدښته کې وکړه سرکښي یې خدای تعالی په وړاندې

¹⁸هغوی قصدي په خدای کاوه ازمایښتد خپلې خوښې د خوړو چې یې غوښتنه کړله

¹⁹دوی به د خدای په ضد خبرې کړلې ویل به هغوی:«ایا کولای شي خدای مونږ ته دسترخوان وغوړوي دښته کې؟

²⁰دغه رښتیا دي چې خدای ګټ وواههاو د سېلاب په شان جاري شوې اوبهخو ایا دا هم شي کولای چې ډوډۍ راته تیاره کاندي؟او هم ورکړي خپل قوم ته غوښه؟»

²¹نو څښتن دوی باندې شو ډېر په قهرچې کله یې واورېدې د دوی خبرېاو د یعقوب په خلاف بل شولو اورپه اسراییلو باندې یې قهر په ډېرېدلو شولو

²²ځکه چې دوی په خدای ایمان نه درلودباور یې نه درلود چې هغوی ته به خلاصون ورکړي

²³خو پاس اسمان ته هغه حکم وکړاو دروازې یې د اسمان پرانیستې

²⁴ورته ویې لېږلو من چې دوی یې وخورياو ویې بخښلې دوی ته د اسمان غلې

²⁵انسان وخوړه ډوډۍ د فرښتوڅومره چې دوی غوښته خدای ورکړه ورته

²⁶له ختیځه یې راوالوزاوه باد په اسمانو کېاو په خپل قدرت یې راوړ باد له جنوبه څخه

²⁷لکه د دوړو په څېر غوښه یې نازله کړلهمرغان ډېر زیات لکه د شګو د دریاب د غاړې

²⁸هغوی یې پرېښودل چې ولویږي د کمپ په منځ کېټولو خېمو په شاوخوا باندې

²⁹نو خلکو وخوړل او شول پرې ماړهڅه چې دوی غوښتي وو خدای ورکړل ورته

³⁰لا پوره شوې اشتها یې نه وهمړۍ د خولو یې لا خوړلې نه وه

³¹چې شو راپورته د خدای قهر په دویویې وژل د دوی قوي سړياو کړل یې مړه د اسراییلو ځوانان

³²سره له دې ټولو کارو خلکو بس نه کړه ګناهسره له دې چې معجزې یې د هغه ولیدېخو دوی بیاهم ایمان رانه وړلو هغه باندې

³³نو د هغوی ورځې یې کړې ختمې خوشېکړل یې کلونه خلاص په وېره وېره د دوی

³⁴کله چې دوی نه به خدای ووژل ځینې کسانهغه ته وبه کړه رجوع د هغو پاتې خلکوهغوی توبه ویستله او سخته دعا یې کوله

³⁵دوی ته وریاد شول چې خدای ؤ ساتونکی د دویچې خدای تعالی دی خلاصوونکی د دوی

³⁶خو بیا به دوی کړه چاپلوسي په خپلو خولو هغه تهویل به یې درواغ ورته په خپلو ژبو

³⁷هغه ته نه وو وفادار یې زړونهنه وو رښتیني د هغه لوظ ته

³⁸خو مهربان ؤ خدای خپل قوم باندېهغه ګناه د دوی وروبخښلهاو تباه یې نه کړل هغویپه څو څو وار یې د خپل قهر مخه ونیولهخپل غضب ټول یې راونه پاراوه

³⁹هغه رایاد کړل چې هغوی دي صرف فاني انسانانلکه د باد په شان چې لګي بېرته نه راګرځي

⁴⁰هغوی په دښته کې څو څو ځلېد هغه مقابل کې سرکښي وکړلهپه څو څو وار یې په صحرا کې خفه کړی هغه!

⁴¹هغوی بیا بیا په خدای کاوه ازمایښتسپېڅلی خدای د اسراییلو یې په تکلیف کړی دی

⁴²دوی کړلو هېر لوی قدرت د هغهاو هغه ورځ چې دوی یې خلاص له دښمنانو کړل

⁴³هغوی کړې هېرې معجزېچې ښکاره کړې وې خدای مصر کېد صوعن سیمه کې عجیب کارونه

⁴⁴کړې یې بدلې د سیندونو او نهرونو اوبه په وینو باندېد څښاک اوبه نه وې مصریانو سره

⁴⁵په هغو باندې یې نازل کړل مچانکړل په عذاب یې هغویاو هم چونګښې چې یې ویجاړه کړله خاوره د دوی

⁴⁶هغه نازل کړل ملخان ورباندېچې یې فصلونه وخورياو چې تباه کړي کروندې د هغوی

⁴⁷د دوی تاکونه یې په ږلۍ تباه کړلد انځر ونې ورته ووهلې یخ باندې

⁴⁸د دوی پادې یې ووهلې په ږلۍ باندېاو ووهلې یې په تندر رمې

⁴⁹اور د خپل قهر یې راواستولو ورتهکړ یې نازل په هغوی غضب، قهر او مصیبتلکه د مرګ د فرښتو په شان په دوی راغلل

⁵⁰هغه خاموش نه کړلو خپل قهراو نه یې وژغورلو ژوند د هغویبلکې وبا باندې اخته کړل هغوی

⁵¹ټول یې کړل مړه د مصریانو مشران زامند حام خېمو کې د هغوی د نارینتوب اولنۍ مېوه

⁵²بیا هغه خپل خلک راوویستل لکه پسونو په شاندښته کې وکړه لارښوونه یې د رمې په شان

⁵³روغ او رمټ یې هغوی بوتلل او دوی نه وېرېدلخو دریاب ‎غرق کړل دښمنان د هغوی

⁵⁴خدای هغوی خپل پاک وطن ته راوستلهغه غره ته چې نیولی یې په خپل ښي لاس ؤ

⁵⁵د دوی په مخکې یې وشړل د هغه ځای قومونهد هغوی ځمکه یې کړه تقسیم د اسراییلو قبیلو باندېکړلو مېشته یې خپل ولس بیا د هغوی کورو کې

⁵⁶خو سرکښي یې وکړله د خدای تعالی په وړاندېهغه یې وازمایهقبول یې نه کړل د هغه حکمونه

⁵⁷دوی یاغیان او بې وفا وو د نیکونو په شانبې اعتباره وو هغوی کږې لیندې په شان

⁵⁸خدای یې په قهر کړ خپلو کفري عبادتګاوو جوړولو باندېخپلو بتانو عبادت باندې یې وپاراوه غیرت د هغه

⁵⁹خدای ډېر په قهر شو چې یې دا واورېدلشو لاس په سر د اسراییلو څخه

⁶⁰پرېښود خپل استوګنځی شیلوه کېهغه خېمه چې اوسېده په کې هغه د انسانانو منځ کې

⁶¹دښمنانو ته یې فرصت په لاس کې ورکړچې صندوق د لوظ ونیسي په زورهکومه چې نښه د قدرت او د جلال وه د ده

⁶²هغه خپل خلک ورکړل د تورې خولې تهاو شولو په قهر خپل غوره شوي قوم ته

⁶³ځوانان د اور خوراک شولڅوک پاتې نه شو چې ودونه وکړي پېغلو سره

⁶⁴په تورو مړه شول کاهنان د دویاو د دوی کونډو ویر کولای نه شو

⁶⁵اخر راپاڅېده څښتن لکه راویښ شي څوک له خوبه څخهلکه قوي سړی چې مست وي په نشه د مېو

⁶⁶په شا یې وتمبول خپل دښمناناو په شرمو پټ یې کړل د تل دپاره

⁶⁷خو هغه رد کړه اولاده د یوسفغوره یې نه کړه قبیله د افرایم

⁶⁸د دې په ځای یې قبیله د یهودا کړه غورهاو د صهیون غر چې ؤ ګران ورته

⁶⁹هلته یې خپل سپېڅلی کور کړلو جوړلکه د لوړو اسمانونو په شانهغه یې داسې قوي جوړ کړلولکه د ځمکې په شانچې پایدار به اوسي تل دپاره

⁷⁰خپل خدمتګار داود کړ غوره هغههغه یې بوتللو د مېږو د شپولونو څخه

⁷¹چې په کوم ځای کې یې ساتلې مېږې او وريچې شي دی شپون د اولادې د یعقوبد اسراییلو د قوم شپون چې یې دی غوره ولس

⁷²د زړه له کومي به داود کاوه شپونتوب د هغویاو په مهارت سره یې کړله لارښوونه د دوی