زبور 89

¹ای څښتنه، زه به تل ستا د تلپاتې مینې وایمه سندرهپه خپله خوله ټولو نسلونو ته به ستا وفاداري بیان کړم

²ما ویل چې ستا مینه به شي پاتې تل دپارهوفاداري به دې وي ټینګه اسمانونو په شان

³وویل تا چې ما لوظ کړی دی داود سره چې ما خوښ کړیاو خپل خادم داود سره مې کړی دا قسم دی:

⁴«اولاده ستا به کوي پاچاهي تلستا پاچاهي به د یو نسل نه بل نسله پورې ټینګه ساتم»

⁵څښتنه، ستا عجیب کارونه اسمانونه ستایيد فرښتو ډله دې ستایي وفا

⁶ای څښتنه، اسمانونو کې څوک نشته ستا په شانبرابر نه دی هېڅ اسماني مخلوق د ستا سره

⁷د فرښتو غونډه کې ډېر زیات هیبتناک یې تهد هغو ټولو نه چې ستا په شاوخوا کې ديته یې ډېر لوی او وېروونکی یې

⁸ای مطلق قادر څښتنه خدایههېڅوک نه دی زورور د ستا په شانڅښتنه، ته یې وفادار ټولو کارونو کې دې

⁹ته حکومت کوې غړمبېدونکي دریاب باندېچې شي راپورته د هغه څپې اراموې یې ته

¹⁰ټوټې ټوټې دې کړه بلا د دریاب هم دې مړه کړه هغهپه قوي مټو تار په تار دې دښمنان کړل خپل

¹¹دي اسمانونه ستا هم ځمکه د ستاتا جوړه کړې نړۍ او هغې کې ټول شیان

¹²تا پیدا کړي دي شمال او جنوب دواړهد تابور او حرمون غرونهپه خوشحالۍ سره ستا نوم ستایي

¹³ستا مټ ځواکمن دی!زورور دی ستا لاسښي لاس برلاسی دی ستا!

¹⁴ستا د شاهۍ بنیاد دی پروتپه عدالت او په انصاف باندېتلپاتې مینه او وفا د ستا په مخکې درومي

¹⁵هغه خلک بختور ديچې عبادت کوي د ستا د خوشحالۍ په چیغوچې تېروي ژوندون رڼا کې د احسان د ستا

¹⁶هغوی کوي خوشحالي ستا په خاطر ټوله ورځستا د نېکۍ په خاطر د ستا ستاینه کوي

¹⁷ته په خپله یې د دوی جلال او قوتراکوې مونږ ته بری په خپل احسان

¹⁸څښتن زمونږه سپر یعنې پاچا دی غوره کړیسپېڅلي خدای د اسراییلو مونږ ته خپل پاچا راکړید داود سره د خدای وعده

¹⁹تا ډېر پخوا خپلو وفادارو خادمانو ته رویا کې ویلي وو:«یو جنګیالي سره مې مرسته کړېاو غوره کړی مې دی د قوم څخهاو سرلوړی کړی مې دی

²⁰ما خپل خدمتګار داود موندلی دیپه خپلو سپېڅلو تېلو مې غوړ کړی دی

²¹زه په خپل لاس به هغه ټینګ ساتماو زما مټ به هم ځواکمن کړي هغه

²²کله به هم دښمنان نه شي بریالي په هغهاو بدکاران به ظلم ونه کړي په هغه باندې

²³زه به مات کړم د هغه دښمنان د هغه مخ کېهغه به ووژنم چې ده څخه نفرت کوي

²⁴زما وفا او تلپاتې مینه به وي هغه سرهزما د نوم په وسیله به شي سرلوړی هغه

²⁵په دریاب به واک اختیار د هغه لاس ته ورکړمښي لاس به کړمه اوږد تر سیندونو پورې

²⁶هغه به ماته اواز وکړي: ته زما پلار او خدای یېهم مې ساتونکی او ژغورونکی یې ته

²⁷ورته به ورکړم مرتبه د مشر زویټولو شاهانو د نړۍ کې به یې لوړ وي موقف

²⁸زه تر ابده خپله مینه به ساتم ورسرهاو زما لوظ به وي تل ټینګ ورسره

²⁹اولاده به یې شاهان کړم تل ترتلهترڅو چې پاتې اسمانونه وي ساتم به یې تخت

³⁰سرغړونه که یې وکړي اولاده زما له قانونه څخهاو چلند زما د حکمونو سره سم ونه کړي

³¹که چېرې دوی زما قانون مات کړياو عمل ونه کړي په حکمونو زما

³²نو دوی ته به ورکړم په کوتک د ګناهونو سزااو د بدیو سزا به ورکړم په قمچینه باندې

³³خو لاس به وانخلمه د خپلې دوامدارې مینېزه له داوده څخهاو نه به کله ورسره بې وفایي وکړمه

³⁴خپل لوظ به مات نه کړمه زه له هغه سرهاو خپلې خبرې نه به کله هم وانه وړمه زه

³⁵یوځل خوړلی مې قسم په خپل سپېڅلي نومزه به داود ته هېڅ وخت دروغ نه وایم

³⁶وي به موجوده اولاده د هغه تل دپارهاو پاچاهي به یې تل موجوده ويد لمر په شان زما په وړاندې

³⁷دا به سپوږمۍ په شان تلپاتې ويچې ده اسمان کې وفاداره ګواه»د پاچا په ماتې باندې ویر

³⁸خو ای څښتنه، ډېر په قهر یې هغه پاچا تهچې دې په خپله غوره کړی ؤاو اوس پریښی او رد کړی دی تا

³⁹تا خپل خادم سره خپل لوظ مات کړیاو غورځولی تا یې تاج په ځمکهاو هم بې حرمته کړی دی تا

⁴⁰ټول دېوالونه دې د ښار رانړولي ورتهدي کلا ګانې اړولې کنډوالو باندې دې

⁴¹ټول مال او جایداد یې لارویانو تالا کړی دیورپورې ټولو ګاونډیانو یې خندا کړې ده

⁴²تا ورکړی دی بری دښمنانو د هغه تههغوی ټول دې په هغه دي خوشحال کړي

⁴³تا پڅه کړې د هغه توره دهنه دې جګړه کې ده ورکړې مرسته

⁴⁴له منځه وړی دې دی د هغه شان او شوکتاو راویشتلی دې دی د هغه تخت په ځمکه

⁴⁵خپل وخت نه مخکې دې زوړ کړی هغهاو په شرمونو دې پټ کړی هغهد خلاصون دپاره دعا

⁴⁶ته به ترڅو پورې خپل ځان پټوې ای څښتنه؟ته تر ابده به خپل ځان پټوې؟لکه د اور په شان بلیږي به ترڅو ستا قهر؟

⁴⁷ته در په یاد کړه زما عمر چې دی څومره لنډدا هم په یاد کړه چې مونږ ټول دې بې مقصده یو خلق کړي

⁴⁸څوک شي کولای چې ژوندی وي تل او هېڅ مړ نه شي؟څوک شي کولای چې ځان بچ کړي له منګولو د ګور؟

⁴⁹څه شوه څښتنه، ستا تلپاتې پخوانۍ مینه؟هغه قسم څه شو چې تا کړی ؤوفادارۍ کې د داود سره تا؟

⁵⁰څومره ملنډې وهي خلک ګوره ستا په خادمدا چې زه څنګه سپکاوی د نورو قومونو زغمم

⁵¹ای څښتنه، ستا دښمنان وهي ملنډېپه هغه پاچا چې غوره کړی دی تاچېرته چې ځي وهي ملنډې پرې

⁵²ثنا صفت دې وي څښتن ته تر ابده پورې!امین! امین!