Zebur 5

¹Ýa Reb, diňle meniň sözlerimi hem-de eşit meniň ahy-zarymy.

²Diňle dady-perýadymyň sesini, eý, Patyşam hem-de Hudaýym, men Saňa edýändirin dilegi.

³Ýa Reb, meniň sesimi ertirine eşidýärsiň Sen, häzirlenip, säher bilen huzuryňda garaşýaryn men.

⁴Sen erbetligi halamaýan Hudaýsyň, Seniň huzuryňda ýaman ýaşamaz,

⁵tekepbirler Seniň gaşyňda durmaz; Sen ýigrenýärsiň betkärleriň baryny,

⁶ýok edýärsiň ýalan sözleýänleri; Sen, ýa Reb, ýigrenýärsiň ganhor bilen kezzaby.

⁷Men bolsa egsilmez wepaly söýgiň arkaly, girerin Seniň öýüňe; men Senden heder ederin, mukaddes ybadathanaňa sežde ederin.

⁸Ýa Reb, duşmanlarym zerarly, Öz adalatyňda meni ugrukdyr; Sen dogrula öňümdäki ýoluňy.

⁹Olaryň agzynda dogry söz ýokdur: olaryň ýüregi weýrançylykdyr, olaryň bogazy açyk gabyrdyr, dilleri bilen-de ýallaklaýandyr.

¹⁰Eý, Hudaý, olara çykar hökümi, pällerinden tapyp, ýykylsyn olar; ýazyklary üçin kowup çykar olary, çünki olar Saňa garşy baş galdyrdylar.

¹¹Seni pena edinýänleriň bary şatlansyn, elmydama joşup, nagmalar aýtsyn; çünki Sen goraýarsyň olary, adyňa aşyklar Sende şat bolsun.

¹²Sen ýalkaýarsyň dogry ynsany, hoşamaýlygyň-da bolýar onuň galkany.