Zebur 60

¹Eý, Hudaý, bizi ret etdiň, biziň hatarymyzy böwüsdiň, gazaplandyň: wah, gaýdyp bersene öňki abadanlygy!

²Sen ýeri sarsdyrdyň, ony jaýyrdyň, ýaryklaryny bejer, titreýändir ol.

³Agyr güne saldyň Sen Öz halkyňy, bize entediji şerap içirdiň.

⁴Oklardan gutulyp bileri ýaly, Özüňden gorkýanlara Sen nyşan berdiň. Sela

⁵Öz söýýänleriňiň gutulyp bileri ýaly, goluň bilen halas et, bize jogap ber.

⁶Wada berdi Hudaý Öz mukaddes öýünden: «Uly şatlyk bilen Men Şekemi bölerin hem-de Sukot deresini ölçärin.

⁷Gilgat Meniňki, Manaşe Meniňki, Efraýym–tuwulgam, Ýahuda–patyşalyk hasam.

⁸Mowap–ýuwunmak üçin legenim, Edomyň üstüne zyňaryn Men çarygymy. Pilişt topragynda ýeňiş dabarasy bilen gygyraryn Men».

⁹Berk gala kim meni elter? Meni Edoma kim alyp gider?

¹⁰Eý, Hudaý, eýsem Sen bizi ret etmediňmi? Eý, Hudaý, goşunlarymyz bilen gitjek dälmi Sen?

¹¹Duşmanlarymyza garşy bize kömek et, sebäbi ynsan kömegi biderek zatdyr.

¹²Hudaý arkaly ýeňiş gazanarys, duşmanlarymyzy depelejek Oldur.