Psalmi 61

¹exaudi Deus laudationem meam intende orationi meae

²(60:3) de novissimo terrae ad te clamabo cum triste fuerit cor meum cum fortis elevabitur adversum me tu eris ductor meus

³(60:4) fuisti spes mea turris munitissima a facie inimici

⁴(60:5) habitabo in tabernaculo tuo iugiter sperabo in protectione alarum tuarum semper

⁵(60:6) tu enim Deus exaudisti orationem meam dedisti hereditatem timentibus nomen tuum

⁶(60:7) dies super dies regis adicies annos eius donec est generatio et generatio

⁷(60:8) sedebit semper ante faciem Dei misericordia et veritas servabunt eum

⁸(60:9) sic canam nomini tuo iugiter reddens vota mea per singulos dies