Psalmi 76

¹cognoscetur in Iudaea Deus in Israhel magnum nomen eius

²(75:3) et erit in Salem tabernaculum eius et habitatio eius in Sion

³(75:4) ibi confringet volatilia arcus scutum et gladium et bellum semper

⁴(75:5) lumen tu es Magnifice a montibus captivitatis

⁵(75:6) spoliati sunt superbi corde dormitaverunt somnum suum et non invenerunt omnes viri exercitus manus suas

⁶(75:7) ab increpatione tua Deus Iacob consopitus est et currus et equus

⁷(75:8) tu terribilis es et quis stabit adversum te ex tunc ira tua

⁸(75:9) de caelo adnuntiabis iudicium terra timens tacebit

⁹(75:10) cum surrexerit ad iudicandum Deus ut salvos faciat omnes mites terrae semper

¹⁰(75:11) quia ira hominis confitebitur tibi reliquiis irae accingeris

¹¹(75:12) vovete et reddite Domino Deo vestro omnes qui in circuitu eius sunt offerent dona terribili

¹²(75:13) auferenti spiritum ducum terribili regibus terrae