Psalmi 84

¹quam dilecta tabernacula tua Domine exercituum

²(83:3) desiderat et defecit anima mea in atria Domini cor meum et caro mea laudabunt Deum viventem

³(83:4) siquidem avis invenit domum et passer nidum sibi ubi ponat pullos suos altaria tua Domine exercituum rex meus et Deus meus

⁴(83:5) beati qui habitant in domo tua adhuc laudabunt te semper

⁵(83:6) beatus homo cuius fortitudo est in te semitae in corde eius

⁶(83:7) transeuntes in valle fletus fontem ponent eam

⁷(83:8) benedictione quoque amicietur doctor ibunt de fortitudine in fortitudinem parebunt apud Deum in Sion

⁸(83:9) Domine Deus exercituum exaudi orationem meam ausculta Deus Iacob semper

⁹(83:10) clipeus noster vide Deus et adtende faciem christi tui

¹⁰(83:11) quoniam melior est dies in atriis tuis super milia elegi abiectus esse in domo Dei mei magis quam habitare in tabernaculis impietatis

¹¹(83:12) quia sol et scutum Dominus Deus gratiam et gloriam dabit Dominus

¹²(83:13) nec prohibebit bonum ab his qui ambulant in perfectione Domine exercituum beatus homo qui confidet in te