ஐயரே நீர் தங்கும் என்னிடம் Lyrics | Tamil Christian Songs & Audio | PTL Lyrics

PTL Lyrics

PRAISE THE LORD LYRICS

Daily Reading Bible

✅ Shared successfully

ஐயரே நீர் தங்கும் என்னிடம் Lyrics | Tamil Christian Songs & Audio | PTL Lyrics

1. ஐயரே, நீர் தங்கும் என்னிடம்,

ஐயரே, நீர் தங்கும்!-இப்போது

அந்திநேரம் பொழு தஸ்தமித்தாச்சே,

ஐயா, நீர் இரங்கும்.

2. பகல்முழுவதும் காத்தீர், சென்ற

பகல் முழுவதும் காத்தீர்;-தோத்திரம்!

பரமனே, இந்த இரவிலும் வாரும்,

பாவியை நீர் காரும்!

3. தங்கா தொருபொருளும் என்னிடம்,

தங்கா தொருபொருளும்;-யேசு

தற்பரனே, நீர் ஒருவரே யென்னில்

தங்கித் தயைபுரியும்.

4. உயிரே துமையன்றிப் பாவிக்

குயிரே துமையன்றி?-என்றன்

உடல் உயிர் உம்மால் உய்கிறதையா,

உத்தமனே, தங்கும்.

5. நீர் தங்கிடும் வீட்டில், யேசுவே,

நீர் தங்கிடும் வீட்டில்,-எல்லாம்

நிறைவே குறைவுண்டாமோ, கர்த்தா?

நின்னை விடமாட்டேன்.

6. என்பாவம் மனியும், இறையே,

என்பாவம் மனியும்;-அப்போ

எளியேன் உம்மோ டயர்வேன், இரவில்

எனக்கோர் திகிலேது?

7. எனக்கு நீர்காவல், என்றும்

எனக்கு நீர்காவல்;- என்றன்

இனத்தார் ஜனத்தார் எளியோர் வலியோர்

எல்லாவர்க்குங் காவல்.

8. உம்மோடே படுப்பேன், ஐயா,

உம்மோடே படுப்பேன்;-இரவில்

உம்மோ டயர்வேன், சேதமில்லாமல்

உம்மோ டெழுந்திருப்பேன்.