ஜகநாதா குருபரநாதா திரு Lyrics | Tamil Christian Songs & Audio | PTL Lyrics

PTL Lyrics

PRAISE THE LORD LYRICS

Daily Reading Bible

✅ Shared successfully

ஜகநாதா குருபரநாதா திரு Lyrics | Tamil Christian Songs & Audio | PTL Lyrics

ஜகநாதா, குருபரநாதா, திரு

அருள் நாதா, ஏசுபிரசாதா நாதா!

அனுபல்லவி

திகழுறுந் தாதா, புகழுறும் பாதா,

தீதறும் வேத போதா! — ஜகநாதா

சரணங்கள்

1. முற்காலம் ஆதிமைந்தர் மோசப் பிசாசு தந்திர

மொய் கொண்டு கனியுண்ட பழியாலோ?

நற்காலம் நீ தெரிந்து, நவின்ற வண்ணம் பரிந்து,

நரதேவனாக வந்தாய் மொழியாலோ? — ஜகநாதா

2. எளிய கோலம் தரித்தே இங் கவதிரித்தாலும்,

இமையோர் வந்திறைஞ்சிடத் தெரிந்தாயே,

ஒளி செய்யும் பணிமுடி உயர் மன்னர் தொழும்படி

உடு வழி காட்டிடப் புரிந்தாயே — ஜகநாதா

3. அருந் தவன் கையில் தங்கி, அன்பின்பக் கடல் பொங்கி,

ஆலயத்தில் துதிக்க களித்தாயே,

வரும் தவ மதியால் முன் மற மன்னன் தேடிட, உன்

மலர் முகங் காட்டாமல் ஒளித்தாயே — ஜகநாதா

4. மக்கள் உளக் களங்கம் மாசற்றொளி விளங்க,

மதுரபரசங்கம் யார்க்கும் உரைத்தாயே;

சிக் கடர் துன் மனத்தைத் திருத்தி, அறத்தின் வித்தை

திருத் தயை கூர்ந் தெவர்க்கும் விதைத்தாயே — ஜகநாதா

5. தனையர் வல் நோயைக்கண்ட தாயார் மருந்துட் கொண்ட

தகைமை எனப் பேரன்பு கூர்ந்தாயே;

வினையர் வெம் பாவக் கேடு விலக அரிய பாடு

மேவி அனுபவிக்க நேர்ந்தாயே — ஜகநாதா

6. அமரர் முற்றும் அறியார், அடிகள் சற்றும் அறியார்,

ஆர் உன் திறல் அறிவார், கர்த்தாவே?

எமது பவம் பொறுத்தே, இரக்கம் எம்மேல் உகுத்தே,

எமைப் புரந்தாளும், மானப் பர்த்தாவே — ஜகநாதா