ఎన్నాళ్ళు ఎన్నాళ్ళు ఈ పరుగులు

ఎన్నాళ్ళు ఎన్నాళ్ళు ఈ పరుగులు

ఓ క్షణము తీరికైన లేని ఉరుకులు

ఈ లోక ధనమును అధికార బలమును

ఈ లోక ఘనతలు శరీర సుఖములు

వెతుకుచుంటే దొరుకు నలసటే

verse 1:

నీ కలలు కోరికలకు అంతమంటూ ఉండదు

నీవెన్ని పోందుకున్నను సంతృప్తి మిగలదు

ఊహించినట్లు సిరులు నీకు సుఖములివ్వవు

ఈ లోక భోగమంతయు నిరాశ మాత్రమే

ఈ లోకమంతయు నీ సొంతమైనను

నీ హృదిలో మాత్రము ఓ లోటు ఉండును

ఆ లోటు యేసుతోనే తీరును

verse 2:

అనిత్యమైన వాటి వెనుక పరుగు వ్యర్ధము

నిత్యుడైన యేసు వైపు నేడే తిరుగుము

యేసు నిత్య జీవము నీకివ్వవలెనని

సిలువ పైన మరణమొంది తిరిగి లేచెను