ఆశగా ఉన్నది

పల్లవి:

ఆశగా ఉన్నది ప్రభు, ఆశగా ఉన్నది

చూడాలని నిన్ను చూడాలని

చేరాలని నిన్ను చేరాలని ||2|| ||ఆశ||

చరణం 1:

ఆత్మ ఫలముల సేద్యము కొరకై అభిలా దేశపు నది నాకివ్వు

ఆత్మీయ దాహము తీర్చుట కొరకై ఆ బంగారపు జలములనివ్వు

నిను భజియింపను నిను సేవించను

బోళపు పరిమళ సుస్వరమివ్వు ||2|| ||ఆశ||

చరణం 2:

నీ నీతి రాజ్యము చేరుట కొరకై నిరతము నిన్నే వెదకెదనయ్యా

నీ సత్య ప్రేమను రుచిచూచుటకై నీ నామస్మరణమే చేసెదనయ్యా

నీవే మార్గము నీవే సత్యము

నీవేగా నా జీవన గానము ||2|| ||ఆశ||