கர்த்தர் துயர் தொனியாய் Lyrics | Tamil Christian Songs & Audio | PTL Lyrics

PTL Lyrics

PRAISE THE LORD LYRICS

Daily Reading Bible

✅ Shared successfully

கர்த்தர் துயர் தொனியாய் Lyrics | Tamil Christian Songs & Audio | PTL Lyrics

Karthar Thuyar Dhoniyai

கர்த்தர் துயர் தொனியாய்

கதறி முகங்கவிழ்ந்தே

இருள் சூழ்ந்த தோட்டத்தில்

இதயம் நொறுங்கி ஜெபித்தார்

1. மரணத்தின் வியாகுலமோ

மனிதர் துணை இல்லையோ

தேவ தூதன் தோன்றிடவே

தருணம் நெருங்க ஒப்படைத்தார்

துன்ப சுமை சுமந்தார் – கர்த்தர்

2. துக்கத்தால் தம் சீஷர்களே

தலை சாய்த்து தூங்கினாரே

தம்மை மூவர் கைவிடவே

தூரமாய் கடந்தே திகிலடைந்தார்

தன்னந்தனிமையிலே – கர்த்தர்

3. பிதாவே இப்பாத்திரத்தின்

பங்கினை நான் ஏற்றுக்கொண்டேன்

ஆகட்டும் உமது சித்தம்

அது நீங்கிடுமோ என்றுரைத்தார்

ஆ! இரத்த வேர்வையுடன் – கர்த்தர்

4. திறந்த கெத்சமெனேயில்

துணிந்து வந்த பகைஞன்

என்ன துரோகம் செய்திடினும்

எந்தன் சிநேகிதனே என்றழைத்தார்

என்ன மா அன்பிதுவோ – கர்த்தர்

5. பரமன் ஜெப சத்தமே

பூங்காவினில் கேட்கிறதே

பெருமூச்சுடன் அழைக்கும்

அவரோடிணைந்தே கண்ணீருடன்

ஆவியுடன் ஜெபிப்பேன் – கர்த்தர்

6. இயேசு தாங்கின துன்பங்கள்

என்னைத் தாண்டியே செல்லாதே

எனக்கும் அதில் பங்குண்டே

சிலுவை மரணப் பாடுகளால்

சீயோனில் சேர்ந்திடுவேன் – கர்த்தர்